DOMAANO 3:1 - Wanaadi A'deddu

¹ ¿Ane’cotoojo judhíoje weiñä tujunne nai, yääje yeiya’jäcä, siicunsidaadoje weiñä mmaja, quee ’ja?

DOMAANO 3:1 ပူးပေါင်းရင်းမြစ်များ

JUAN 4:22

Änwanno samaaditaanocoomo iiña mmädä Wanaadi wwä töwa’deuwe määnetääne, töwö odhoowanääcäiñe’da yeichaame. Ñaa mmaane towaano wwä töwa’deuwe ñaa weneene, judhíocoomo jonnoto we’ajääne wääwanaacatoojo weiyajä.

DOMAANO 3:2

Tujunne mma’ne, tameedä yeichö mmädääne. Judhío wwäiñe Wanaadi cuntui ta’deddu.

DOMAANO 3:9

¿Aaquene yaawä? ¿Anejjacoomo e’jodha’como ca ñaa judhíocoomo, yääje yeiya’jäcä? Ñg’jn, cho’jodheiñe’da. Cönwanno cowaanäcäiñe na tameedä conemjönö wwä oto’jodheinchajoojai cöweichöcoomo, judhíocoomo mmaja, judhíojöncomo mmaja.

1 CODINTIYO 15:32

Eujeeso ña jooje wätä’maminchajoone, odoocoja’como tääde’cwada’como jadä wotoonejaanä töweiye naichö wa’cä. Yääje yeichaame ¿ane’cotoojo mädä wätä’maminchajoonä eichöde’ töwäämaajo jonno waadoncanä ’je’da yieya’jäcä? Yääje yeiya’jäcä edääje chö’tajä’jai caato: “Jooje cääwashinchajä’täiye, cöwoocödööcomo canemjä’täiye, jenamma mma cä’ja’to’no;” queene chö’tajä’jai caato yaawä, anejjacoomo töwä’döe weneenetoodöje.

EEWEDEO 13:9

Anejja wätunnä que, chäänöngemjönö que mmaja mä’sadiijannä’cajootäi’che. Wanaadi nutuudu aashichaato queene cötö’tajäätödööcomo ijä’du’täjai caato, äwanshi amoi’chädö que’daane. Yää tödöödö que chäänönge ä’dö’da weneeneto ñanno tödönnamo.