DOMAANO 2:7 - Wanaadi A'deddu

⁷ Töwö Wanaadi yeichöödäje weiñä nu’a’de ñanno töquinchancädäiñe’da aashichaato tödönnamo wwäiñe, ñanno aashichaato encano’tännamo, aashicha töweicho’como encano’tännamo mmaja, töwaatamemjönö encano’tännamo mmaja.

DOMAANO 2:7 ပူးပေါင်းရင်းမြစ်များ

MATEO 25:46

Ñanno conemjöncomo nötaato’de yaawä töwäntunaanö’to’como töwaatamemjönö aca. Chäänönga’como mmaane nötaato’de aashicha töweicho’como aca daja; quee cönä’döaacä Jesuuquidiito.

DUUCA 21:19

Yää shinchädö que aweichöcoomo michaana’caato’de.

DUUCA 8:15

Yää dhadöödö aashichaato nono de’wä cönä’meichö mmaane, chäänönge tötö’tajäätödööcomo que Wanaadi a’deddu etannamo cu’tädö yää. Ñanno chö’taqueejö’da netaato, yoije tönnöe yaawä. Chäänönge töweichöcoomo que nejössataato yaawä.

JUAN 4:36

Ñäädä natö amu’nei’jödö täjeema töweiye nai. Töwö ñi’jumma’jödö yeichöödoto yeichojooje na. Yaawä a’nädä ta’cwaiñe eijai ñaato, ñaatö’tänei’jödö acä amu’nei’jödö.

JUAN 5:44

¿Aaquene änwanno mmädä maneecanö’tädööde’ ? Änwanno awaacö’comje naadö naane’ aashicha soto wa’deuwödö äjääcäiñe, Wanaadi yäätonno ’jemjönö necammadö ämjumma’da.

DOMAANO 2:10

Tameedä chäänöngato tödönnamo mmaane aashicha töweichö’como neneeaato’de, aashichaato mmaja, täncanoode’da töweicho’como mmaja, judhío awa’de, judhíojöönö mmaja.

DOMAANO 6:23

Conemjönö tödöödö nääjema wäämanä que. Wanaadi nutuudu aashichaato mmaane yää, weiñä yeichöödoto, Cädhaajotoncomo Jesuuquidiito jäcäinchädä.

DOMAANO 8:18

Joojemjönööje öwwä nichö’ta eetä töwäntunaanö’e cäänetäänedö, äcuude aashicha cöweicho’como naadö o’näde.

DOMAANO 9:23

Töwö ñanno conemjöncomo tönshinchäiñe cönä’jaacä aashicha töweichö eneejodö wetä cöwwäiñe. Ñanno cönwanno wentumje ñeenedö. Töwö jenaadä cödöötäne aashicha töweichö enennamooje.

1 CODINTIYO 15:42

Mädääje mmaja töwäämaajo jonno waadoncanä. Töcäätaamö ewaaca’jödö weichaame yaadoncaajä mmaane töwäämamjönööje.

1 CODINTIYO 15:50

Edääje wä’döa äwwäiñe jimma: Mädä cäjööcomo naadö caju ña täjai’cha na, yää töwaatameemö tönnödööje tödööjai’cha yeijäcä yeichöödoto.

1 CODINTIYO 15:58

Yääje yeijäcä jimmä umjummadö, jäduujeiñe eichäcä; yäätäädä ätö’tajäätödööcomo tödöötäcä, jooje’cä Cajiichaana tadaawaajui tödööancädä aweichöcoomoje, odhoowanääcäiñe yeijäcä töwäädämmatooje’da yeichö Cajiichaana Jesuuquidiito wwonooje aweetadaawa’cajoodöcoomo.

CAADATA 6:9

Yääje yeijäcä chincha’da queicho’ñojo aashichaato tödöödö jäcä. Chu’nädö aca yä’döa’jäcä aashichaato nä’tua’de cöwwäiñe, ejääduqueejö’da cöweiya’comjäcä.

EUJEESIYO 6:24

Wanaadi nutuudu aashichaato yei’she wa dea tameedä wä’jummanä töwaatamemjönö que Cädhaajotoncomo Jesuuquidiito jummannamo wwä. Amén.

CODOOSENSE 1:27

Töwö tösootoi wwäiñe ecaademe’jo’se cönä’jaacä joojato aashichaato tönnödö judhíojöncomo jäcäiñe. Edä yää owaanojöönö’jödö wecammaadö: Quidiito ataacaiñe yeichö. Yää na aashichaato äwwäiñe töweiyemö onwomo’to’comooje.

1 TIIMOTEO 1:17

Yääje yeijäcä aashicha tödööto’me na ñäädä Cajiichaana yeichöödoto, aashicha wa’deutojooje mmaja yeichöödäje. Töwäämamjönö töwö, töwäänemjönö mmaja, ñäädä mma Wanaadi, töseedujä’nato. Amén.

2 TIIMOTEO 1:10

Eduuwaane töwö cujummatäiñe töweichö cöneenejoi Cäwaanacaaneichomo Jesuuquidiito wäänejoodö que. Töwö Jesuuquidiito wäämanä cömjäduucai; aashichaato wätunnä ecammajäätödö que töwö cöncatu’nacaajoi töwä’camjönö weiñä, yää yeichöödoto.

EEWEDEO 2:7

A’dhe mma soto mödööne amoode o’näiñe. Aashicha wa’deutojooje mödööne; o’jodhe yeichojo mu’ne dea. Amäädä mödööne tameedä anaamode’nädö edhaajäje.

EEWEDEO 6:12

Töquiiñe aweichonse’da ñaa na. Ñanno wei’yejeiñeene aweichonse ñaa na, ecamjödö que mmaja, aaquiñu’tä’da töweichöcoomo que mmaja Wanaadi necamma’jödö ejoodönnamo wei’yejeiñeene.

EEWEDEO 6:15

Yaawä aaquiñu’tä’da yoomocö’jödö weijäcä Aawadán wwä, töwö cöneeneaacä töwwä Wanaadi necamma’jödö.

1 JUAN 2:25

Töwö Jesuuquidiito dea cöneecammai cöwwäiñe cöweichöcoomo töwaatamemjönö.