DOMAANO 2:5 - Wanaadi A'deddu

⁵ Töwäätuujacoone’da aweijäcä dajaane aweichö änsa’dumincha’da ma; yääje yeijäcä äwäätä’maminchajootojo mejoodöja wätämmencajootojo anootoi’chadö jona tödööene. Yää anooto awä Wanaadi neneeja’de chäänönge tönemmenca töweichö.

DOMAANO 2:5 ပူးပေါင်းရင်းမြစ်များ

DOMAANO 1:18

Töwö Wanaadi caju ñanno neneeja chäänöngemjöncomo jäcä cone’da töweichö, ñanno conemjöncomo, töcoone’nadiiyöcoomo que chäänöngato wätunnä etaatannä’cannamo.

DOMAANO 11:25

Änwanno jimmä, edä owaanojöönö’jödö odhoowanääcäiñe yei’she wa, o’jodhe ätö’tajäätödööcomo queiñe: Ñanno iisadaaediitacoomo dhantai cöntäijamöicho, ñanno judhíojöncomo Wanaadi sotoije töwä’döaamo yääwanaacadööcomo wa’cä mma.

DOMAANO 9:22

Töwö Wanaadi ñanno tömaaminchaamoja’como tönshinchä cönä’jaacä, ñanno töwännanö’aamo, chääjäcäiñe cone’da töweichö eneejo’se töweichaame, töjäädudu eneejo’se töweichaame mmaja.

2 CODINTIYO 5:10

Tameedä cä’mencajaato’de Quidiito wwä; yaawä cöwaadäiñe cäje’jocoomo queiyato’de chäwwä, edä nono de’wä cönnö’jocoomo jäcäinchädä, aashichaato jeiñe mma, conemjönö jeiñe mma.

2 TEESADOONISENSE 1:5

Yääje aweichöcoomo neneeja chäänönge Wanaadi tönnöe yeichö. Mädä miyeetuncaatoodö Wanaadi sotoije aweichöcoomo adheene’ju’jaato. Yääje yeijäcä mäntunaanö’aato.

EEWEDEO 3:13

Töweejädu’tääne adheejädu’tätääcä anooto waadäi, eduuwa naadawäädä, anejja mma adhantawäiñe conemjönö wwä ätäncu’täjo’no, töwäätuujacoone’da ei’ñode yaawä.

EEWEDEO 3:15

¿Edääje jönca imennaajä nä’döaanä: Eduuwa Wanaadi a’deddu eta’jäcä äwwäiñe, töwäätuujacoone’da’daane eichäcä, ñanno jenaado’jocoomo Wanaadi jäcä conä’jädu’toichodööje’daane; quee jönca imennaajä nä’döaanä?

EEWEDEO 4:7

Yääje yeijäcä anejja anooto Wanaadi cuncu’nä’täi yaawä, mädä eduuwa caatoodö. Wanna wedu yä’döa’jäcä Wanaadi cöna’deuwöi Dawí ntai, yää imennaajä jäcä naadö wecammannö. Edääje nä’döa yää imennaajä: Eduuwa Wanaadi a’deddu eta’jäcä äwwäiñe, töwäätuujacoone’da’daane eichäcä; quee.

SANTIYAACO 5:3

Ajöödataichomo, oodo ännödööcomo mmaja, töwe’cutaajä’e na. Yää ye’cutaajätö’jödö cone’da aweichöcoomo nene’ju’ja’de. Ajuunucoomo niyau’cwa’dede wa’to niyau’cwadö wa’cä. Änwanno onsomaadöcoomo mi’jummatääne anooto wataamedaawotooje.

2 PEEDHODO 2:9

Mädääje Wanaadi ñanno cöneewanaacaicho. Töwö dhowaanäcä na dea töwoija’como ewaanacaadöcoomo yä’yunaacajoodöcoomo jonno. Töwö dhowaanäcä mmaja töwoijemjöncomo maminchadööcomo, wätä’maminchajootojo anootoi’chädö neene jona tödööene.

2 PEEDHODO 3:7

Wanaadi a’deddu woije mmaja edä caju eduuwa naadö tödhau’cwaamöje tösooma na, edä nono mmaja. Yaawä nä’dhau’cwaja’de, wätä’maminchajootojo anootoi’chädö awä, Wanaadi woijemjöncomo nä’ja’aato’dedö awä.

JUUDHA 1:6

Ñanno Wanaadi amoodedö töweicho’como cho’nanoojöncomo’jödö töjaatadööcomo caju ñano cöne’nomjaicho. Eduuwa tönwanno Wanaadi woije dea tööjano’taca jedeesoje naato, yeichöje, cadheena que tömööjä’eiñe, wätä’maminchajootojo anootoi’chädö aca tödööene.

APOOCADIISI 2:21

Öwö a’que wiyoomo’ne tötö’tajäätödö sha’duminchadö chäwwä; töweesa’dumincha’se’daane töwö, tömaasuduichadö e’nomja’se’da mmaja.

APOOCADIISI 6:17

Wätä’maminchajootojo anootoi’chädö cu’nädö aca yä’döaajä mädä eduuwa. ¿Änääcö yää änshinchädööde’?