DOMAANO 2:29 - Wanaadi A'deddu

²⁹ Ñäädääne judhío neeneje na, tötö’tajäätödö aiño wäänejoodööne; tötö’tajäätödö jäcoono mmaja yää siicunsidaadoje weiñä chäänöngato. Yääje weiñä töweiye nai waanontänä imennaajä woije weiñä que’da, Epíiditu Santo ne’se’tädö woijeene. Ñäädä yääjato jäcä Wanaadi aashicha na’deuwa, sotoojönööne.

DOMAANO 2:29 ပူးပေါင်းရင်းမြစ်များ

DUUCA 11:39

Yaawä Cädhaajotoncomo Jesuuquidiito cönä’döaacä chäwwä: —Änwanno jaadiseeo ye’wä mma aashicha maato, incha’cäcä mma jadaaji atööäjä töweiye naichöje; aweichöcoomo mmaane tämeeneiñe, chäänönge’da mmaja.

DUUCA 17:21

“Edä yää;” “Mänö yää;” quee wä’döto’me’da, ataacaiñeene yeijäcä; quee cönä’döaacä jaadiseeo wwäiñe.

JUAN 12:43

Tönwanno aashicha soto wa’deuwödö töjääcäiñe tumjumma cönä’ja’to jooje’cä, Wanaadi wa’deuwödö e’jodhe’cä.

JUAN 4:23

Chu’nädö aca wä’dönääje na eduuwa chäänöngato que Jaaja wwä tödöötojo; yaawä ñanno Jaaja wwä tödönnamo täwaanöcoomo jadäädä nödööaato’de, chäänönge töweiyancädäiñe mmaja. Yääja’como Jaaja tumjumma weneene tujummannamooje.

JUAN 5:44

¿Aaquene änwanno mmädä maneecanö’tädööde’ ? Änwanno awaacö’comje naadö naane’ aashicha soto wa’deuwödö äjääcäiñe, Wanaadi yäätonno ’jemjönö necammadö ämjumma’da.

DOMAANO 14:17

Wanaadi sotoije weiñä töweiye nai äwanshi jäcäinchädä’da, wocö jäcäinchädä’da mmaja, chäänönge weiñä jäcäinchädääne, täncanoode’da weichojo mmaja, ta’cwaiñe weiñä mmaja, yää Epíiditu Santo nutuudu.

DOMAANO 2:27

Ñäädä tujuunu jäcä siicunsidaadoje’da töweichaame waanontänä tödöönei adheene’ju’ja waanontänä ännö’da aweichö, yää waanontänä imennaajä äwwä yeichaame, ajuunu jäcä siicunsidaadoje aweichaame mmaja.

DOMAANO 3:1

¿Ane’cotoojo judhíoje weiñä tujunne nai, yääje yeiya’jäcä, siicunsidaadoje weiñä mmaja, quee ’ja?

DOMAANO 7:6

Eduuwa mmaane waanontänä cödööjaiñe’da na; töwääma caato eduuwa yää jenaadä camu’däneichomooje cönä’ja’dö wwä. Wanaadi wwääne tödööjai caato eduuwa, eduuwatoje cöweichöcoomo Epíiditu Santo nutuudu que, jenaado’jä imennaajä woije mma’daane.

1 CODINTIYO 4:5

Yääje yeijäcä awa’dennodä’daane emmencatääcä. Cajiichaana neejö’ñojo awa’de, yaawä töwö jaiñoone necaademe’ca’de tameedä tööjato aca etoone’taajä. Töwö necaademe’ca’dede tameedä soto tö’tajäätödööcomo; yaawä Wanaadi chääwaadäiñe niya’deme’caato’de iiñö’jocoomo ’cäwa’cä.

1 CODINTIYO 7:19

Dötä’da na yää siicunsidaadoje weiñä, yääje’da weiñä dötä’da mmaja. Wanaadi waanontä’jödö tödöödö mmaane dötä na.

2 CODINTIYO 10:18

Ñäädäjöönööne chäänönge na, töwö deaato wääcammadööjönööne; ñäädääne chäänönge na, Cajiichaana necammadööne.

2 CODINTIYO 3:6

Töwö Wanaadi ñaa döne eduuwaato weiñä töneecamma’jödö ecammajä’nnamooje. Yää eduuwaato weiñä Wanaadi necamma’jödö na imennaajä woije tödöödö que’da, Epíiditu Santo nutuudu weiñä queene. Yää jenaado’jä waanontänä imennaajä wäämanä mma necamma; Epíiditu Santo mmaane weichojo nu’a.

JIDIIPENSE 3:3

Cönwannoone ñanno siicunsidaadoje tödööajä chäänönga’como, Epíiditu Santo ai Wanaadi jummannamo mmaja. Cönwanno ta’cwaiñe caato Jesuuquidiito jäcäinchädä; cujuunucoomo weichö mmaane ecaanö’jai’cha caato.

1 TEESADOONISENSE 2:4

Wanaadi chea chäänönge ñaa edantäne, ñaa anontäne yaawä aashichaato wätunnä ecammajä’e. Yääje yeijäcä mädääje töneecammajä’e ñaa weneene. Sotoojönööne a’cwaima’se ñaa na, Wanaadiiñe, näädä cötö’tajäätödööcomo emmencanei.

1 PEEDHODO 3:4

Täwaanö jonnoto we’ajä queene awennataamadööcomo nei’ñojo, äänejöönö queene, ataamejöönö que mmaja, yää ta’cwaiñe weiñä, enta’mecö’da weiñä mmaja. Yääne Wanaadi emjataawä täje na.