DOMAANO 2:27 - Wanaadi A'deddu

²⁷ Ñäädä tujuunu jäcä siicunsidaadoje’da töweichaame waanontänä tödöönei adheene’ju’ja waanontänä ännö’da aweichö, yää waanontänä imennaajä äwwä yeichaame, ajuunu jäcä siicunsidaadoje aweichaame mmaja.

DOMAANO 2:27 ပူးပေါင်းရင်းမြစ်များ

MATEO 3:15

Jesuuquidiito cönä’döaacä chäwwä: —Öwö umjummadö woije tödööcä; tameedä Wanaadi waanontädö tödööemje na cöwwäiñe; quee cönä’döaacä Jesuuquidiito. Yaawä Juan wautisaaje cönnöi.

DOSECHO 13:22

Yää ’jeje Wanaadi Saudo cunu’cai cajiichaanaje yeichö jonno; Dawí cöneewaacai inwacaanoje. Edääje Wanaadi cönä’döaacä Dawí jäcä: “Määdhä Dawí, Isaí nnedö, waacö’je wedantäne. Töwö nödööa’de tameedä umjummadö nönge;” quee cönä’döaacä Wanaadi Dawí jäcä.

DOMAANO 13:10

Ñäädä wä’jummanä ’jano conemjönö ännö’da na töweichacoono jäcä; yääje yeijäcä wä’jummanä yää waanontänä wä’dödö woije weiñä.

DOMAANO 2:15

Mädääje tönwanno neneejaato yää waanontänä tötö’tajäätödööcomo jäcä yeichö. Yaawä wätämmencajootojo anootoi’chädö awä chö’tajäätödööcomo dea iiñödööcomo nichö’tamme’ja’de cone’da yeichö, aashicha yeichö jeiñe mma.

DOMAANO 2:20

Towaanojo’nemjöncomo owaanomaadö odhoowanääcä mmaja äwääcamjödö na dea, aneene’ju’jöncomo owaanomaadö mmaja, towaanojo’ne aweijäcä, tameedä weiñä odhoowanääcä yeijäcä mmaja, waanontänä jäcä owoowanoomaatö’da.

DOMAANO 2:25

Yää siicunsidaadoje weiñä aashicha töweiye nai Moisé nimennä’jödö waanontänä tödö’jödööde. Yaawääne’ yää waanontänä ännö’da aweiya’jäcä siicunsidaadojemjönö nönge dea ma yaawä.

DOMAANO 2:26

Yääje mmaja ñäädä siicunsidaadojemjönö; waanontänä chäwwä tödööa’jäcä, siicunsidaadojaato wa’cä yaawä töwö, siicunsidaadoje’da yeichaame.

DOMAANO 2:29

Ñäädääne judhío neeneje na, tötö’tajäätödö aiño wäänejoodööne; tötö’tajäätödö jäcoono mmaja yää siicunsidaadoje weiñä chäänöngato. Yääje weiñä töweiye nai waanontänä imennaajä woije weiñä que’da, Epíiditu Santo ne’se’tädö woijeene. Ñäädä yääjato jäcä Wanaadi aashicha na’deuwa, sotoojönööne.

DOMAANO 3:30

tooni mmaane Wanaadi weiyajä. Ecamjödö jäcäinchädä töwö Wanaadi töjaadonooje nödööaato ñanno siicunsidaadoja’como, yääjemjöncomo mmaja.

DOMAANO 8:4

Töwö mädääje cönnöi waanontänä wä’dödö tödööjai cöweichöcoomo wetä. Cujuunucoomo woije’da caato eduuwa, Epíiditu Santo woijeene.

1 CODINTIYO 7:19

Dötä’da na yää siicunsidaadoje weiñä, yääje’da weiñä dötä’da mmaja. Wanaadi waanontä’jödö tödöödö mmaane dötä na.

2 CODINTIYO 3:6

Töwö Wanaadi ñaa döne eduuwaato weiñä töneecamma’jödö ecammajä’nnamooje. Yää eduuwaato weiñä Wanaadi necamma’jödö na imennaajä woije tödöödö que’da, Epíiditu Santo nutuudu weiñä queene. Yää jenaado’jä waanontänä imennaajä wäämanä mma necamma; Epíiditu Santo mmaane weichojo nu’a.

CAADATA 5:14

“Aweichacoono ijummacä amäädä äwä’jummadö nönge dea;” quee nä’döa imennaajä. Mädä waanontänä tödöödö que tameedä anejja waanontänä mödööato dea.

EUJEESIYO 2:11

Yääje yeijäcä änwanno judhíojöncomo, ätö’tatääcä jenaadä awei’jocoomo jäcä. Judhíoje’da aweichomjäcä ñanno judhío siicunsidaadojemjöncomooje adhe’tätäiñe cönä’ja’to. Tönwanno mmaane siicunsidaadoja’comooje yäätä’tädööcomo weneene, yää täjööcomo jäcä tönnöe weneenetoodö jäcäinchädä.

2 TIIMOTEO 3:15

Mude’cä’cäje aweichö jonnoto’jödöödä Wanaadi a’deddu odhoowanääcä na. Yää Wanaadi a’deddu asejje’täjai ña, adhe’se’täjai ña dea äwääwanaacatoojo wwadäädä, Jesuuquidiito ecamjödö jadä tödööa’jäcä.

EEWEDEO 11:3

Ecamjödö que cowaanäcäiñe na töwa’deuwödö que mma edä nono tödö’jödö Wanaadi wwä. Töwäänemjönö que töwö cönnöi tameedä edä täneemöje naadö.