DOMAANO 2:25 - Wanaadi A'deddu

²⁵ Yää siicunsidaadoje weiñä aashicha töweiye nai Moisé nimennä’jödö waanontänä tödö’jödööde. Yaawääne’ yää waanontänä ännö’da aweiya’jäcä siicunsidaadojemjönö nönge dea ma yaawä.

DOMAANO 2:25 ပူးပေါင်းရင်းမြစ်များ

DOSECHO 7:51

“Änwanno töwäätuujacoonemjöncomo; Wanaadi dhowaanojöncomo nönge maato, eta’se’da, chäänönge’da mmaja ätö’tajäätödööcomo. Änwanno Epíiditu Santo jäcä töwä’jädu’tä määnetääne. Adhaadai’choncomo wei’jocoomo nönge dea maato.

DOMAANO 2:13

Waanontänä etannamoojönööne Wanaadi jadoonoje nä’döaato, ñannoone, waanontänä tödönnamoone.

DOMAANO 2:23

Jenaadö’jä waanontänä imennaajä äwwä yeijäcä o’jodhe tötö’tajä’e määnene; yääje yeichaame yää waanontänä woije ännö’da aweijäcä cone’da soto töna’deudeme’jo määnene Wanaadi jäcä.

DOMAANO 2:26

Yääje mmaja ñäädä siicunsidaadojemjönö; waanontänä chäwwä tödööa’jäcä, siicunsidaadojaato wa’cä yaawä töwö, siicunsidaadoje’da yeichaame.

DOMAANO 2:27

Ñäädä tujuunu jäcä siicunsidaadoje’da töweichaame waanontänä tödöönei adheene’ju’ja waanontänä ännö’da aweichö, yää waanontänä imennaajä äwwä yeichaame, ajuunu jäcä siicunsidaadoje aweichaame mmaja.

DOMAANO 2:28

Ñäädäjöönööne judhío neeneje na, täneeto jäcäinchädooto mma judhíojaato wätä’tädööjönööne; siicunsidaadoje weiñä neenejöönö mmaja yää täneeto, tujuunu jäcä tödöödö naichö.

1 CODINTIYO 7:19

Dötä’da na yää siicunsidaadoje weiñä, yääje’da weiñä dötä’da mmaja. Wanaadi waanontä’jödö tödöödö mmaane dötä na.

CAADATA 6:13

Ñanno siicunsidaadoje töwä’döja’como jadä’jödöödä ei’cha weneeneto tameedä jenaado’jä waanontänä woije. Yääje yeichaame siicunsidaadoje ayöödöjo’seiñe naato tönwanno, o’jodhe tötö’tajäätödööcomo wetä yaawä töwwäiñe mädääje äwä’döjo’jocoomo weijäcä.

CAADATA 6:15

Jesuuquidiito jadä weiñawä siicunsidaadoje weiñä täje’da na, yääje’da weiñä täje’da mmaja; eduuwaatoje cöweichöcoomo tödööajä mmaane täje na.