DOMAANO 2:17 - Wanaadi A'deddu

¹⁷ Amäädä judhíojaato wätä’tädö; waanontänä Moisé nimennä’jödö mecaanö’a, Awaanadiiyö jäcäinchädä o’jodhe ätö’tajä’a dea.

DOMAANO 2:17 ပူးပေါင်းရင်းမြစ်များ

MATEO 3:9

Edääje chö’tajä’jai’cha maato: “Aawadán weichö dea ñaa;” quee cajai’cha maato. Yääje wä’döa äwwäiñe, edä täju mmädä Wanaadi amoode’näjai ña Aawadán weichöje.

DUUCA 10:28

Jesuuquidiito cönä’döaacä chäwwä: —Chäänönge meccujäätöi. Yää tödööcä’de tameedä, aweichö meneiye’de yaawä; quee cönä’döaacä Jesuuquidiito.

JUAN 5:39

Änwanno Wanaadi a’deddu imennaajä töna’de’tä määnetääne; yää a’de’tädö que mma aweichöcoomo chaana’cajai aweiyaatäiñe. Öwö jääcä ecammajä’taame yää imennaajä

JUAN 5:45

Chäänönge’da aweichöcoomo Jaaja wwä adheecammajä’täiñe’da wa’de öwö. Moisé mmaane adheecammaato’de, ñäädä mecaanö’atoodö.

JUAN 7:19

“ ¿Moisé jönca cuntui äwwäiñe jenaado’jä waanontänä? Yääje yeichaame yää ännö’da määnetääne. ¿Ane’que’nei yeema’se maato? quee cönä’döaacä Jesuuquidiito.

JUAN 8:33

Yaawä tönwanno cönä’döa’to: —Aawadán atöödöje ñaa; anejja anoonöje ei’cha. ¿Aaquene yääje mä’döaanä: “Ayu’caato’de tanontaamoje aweichöcoomo jonno;” quee?

JUAN 8:41

Änwanno mödööato oomotoncomo nödöödö; quee cönä’döaacä. Yaawä tönwanno cöneccujä’a’to: —Wannato yuumöjöönö ñaa; tooni ñaa umö na, ñäädä Wanaadi; quee cönä’döa’to.

DOMAANO 2:23

Jenaadö’jä waanontänä imennaajä äwwä yeijäcä o’jodhe tötö’tajä’e määnene; yääje yeichaame yää waanontänä woije ännö’da aweijäcä cone’da soto töna’deudeme’jo määnene Wanaadi jäcä.

DOMAANO 3:27

Yääje yeijäcä o’jodhe chö’tajä’jai’cha caato eduuwa. ¿Ane’que’nei, quee ’ja? Waanontänä tödöödö que’da wääwanaacanä yeijäcä, ecamjödö que mmaane.

DOMAANO 9:32

¿Ane’que’nei, quee ’ja? Ecamjödö que’da uji’jödö weijäcä chäwwäiñe; tödöödö que mma yää cunuujiya’to. Tönwanno cöneeju’cätoicho yää täju soto weju’co’to’como jona,

2 CODINTIYO 11:22

¿Eewedeeo ca tönwanno? Öwö mmaja Eewedeeoje wa dea. ¿Iisadaaeedä weichö ca tönwanno dea? Öwö mmaja. ¿Aawadán atö’jödö ca tönwanno? Öwö mmaja Aawadán atöödöje wa dea.

CAADATA 2:15

Judhíocoomo neene ñaa, judhío nnacoomo mmaja, conemjönö dönnamoojönö, anejjacoomo soto weneenetoodöje’da.

EUJEESIYO 2:11

Yääje yeijäcä änwanno judhíojöncomo, ätö’tatääcä jenaadä awei’jocoomo jäcä. Judhíoje’da aweichomjäcä ñanno judhío siicunsidaadojemjöncomooje adhe’tätäiñe cönä’ja’to. Tönwanno mmaane siicunsidaadoja’comooje yäätä’tädööcomo weneene, yää täjööcomo jäcä tönnöe weneenetoodö jäcäinchädä.

APOOCADIISI 2:9

Yoowanääcä na tameedä ännödö, yeetunu eneedö äwwä, tönsomaaque’da aweichö mmaja, Wanaadi nödöödö jäcä tönsomaaque aweichaame jooje. Yoowanääcä na adheementädö ñanno judhíoja’como wätä’tädö wwäiñe, judhíoje’da töweichaameiñe, Caajuushawa sotoiñe.

APOOCADIISI 3:1

Edääje mmaja ñäädä soto nnedö nöngato cönä’döa’dea öwwä: —Edääje imennäcä’de amoode wwadäädä, ñäädä Saadisi ñancomo quedeiyente edai’chäneichomo wwadäädä: “Edääje nä’döa ñäädä aacä amoojato’como Epíiditu edhaajä, aacä amoojato’como shidiichä edhaajä mmaja: Yoowanääcä na tameedä ännödö. Töwääma dajaane ma, nudä adheecadö weichaame.

APOOCADIISI 3:9

Öwö wene’jaato’de ñanno Caajuushawa sotoi, judhíoja’como wätä’tädö, ñannoje’da töweichaameiñe, äncu’tännamoojeene. Ñanno wene’jaato’de äwwadäädä; tä’mudhe wödööjaato’de aje’taca, dhowaanäcäiñe yeichö wetä öwwä ajummadö.