DOMAANO 2:16 - Wanaadi A'deddu

¹⁶ Yää anooto awä töwö Wanaadi Jesuuquidiito wwä nemmencaja’de tameedä tacaademjönö soto nödöödöcoomo. Mädääje na; mädääje dea aashichaato wätunnä töneecammajä’e wäänene.

DOMAANO 2:16 ပူးပေါင်းရင်းမြစ်များ

MATEO 16:27

Tamoodedö jadäiñe Soto nnedö ne’a’de, Tumö nataadö töjääcä. Yaawä töwö nejeemaato’de tameedä soto waadäiñe iiñö’jocoomo nönge.

DUUCA 8:17

Tameedä etoone’taajä töwääcatu’nacaamöje na. Tameedä tacaademjönö töweecataamöje na dea, owaanäcä töwä’döeemöje mmaja.

JUAN 12:48

Ñäädä quiiñeme’nei, ya’deddu ämjummajöönö, nätämmencaja’de. Anooto wataamedaawä töwö nätämmencaja’de yää eduuwa töwa’deuwe wääneneedö eta’jödö weijäcä töwwä.

DOSECHO 10:42

Töwö Jesuuquidiito ñaa anontäne soto wwäiñe ecammajä’e soto emmencaneichomooje tödö’jödö yeichö Wanaadi wwä, nudo’como emmencaneichomooje, yä’ja’a’como mmaja.

DOSECHO 17:31

Töwö Wanaadi cuncu’nä’täi soto emmencato’como anootoi’chädö. Chäänönge töwö nemmencajaato’de ñäädä dhanwa emmencaneichomooje töne’tädö wwä. Yääje yeichojo tacaade cönnöi yäämaajo jonno ñäädä dhanwa adoncadö que; quee cönä’döaacä Paudo Ateena ñancomo wwä.

DOMAANO 16:25

Aashicha wa’deutojooje Wanaadi ña; töwö äjäädu’täjaiñe na aashichaato wätunnä töneecammajä’e wääneneedö que, Jesuuquidiito ecammajäätödö que mmaja, yää edä nono tödö’jödö jonnoto’jödöödä owaanäcä’da cönä’ja’dö.

DOMAANO 2:5

Töwäätuujacoone’da aweijäcä dajaane aweichö änsa’dumincha’da ma; yääje yeijäcä äwäätä’maminchajootojo mejoodöja wätämmencajootojo anootoi’chadö jona tödööene. Yää anooto awä Wanaadi neneeja’de chäänönge tönemmenca töweichö.

DOMAANO 3:6

Ng’jn, chäänönge’da’da yeichaame. Chäänönge’da Wanaadi weiya’jäcä soto emmencaneichomooje eijai’cha na yaawä.

1 CODINTIYO 15:1

Jimmä, ätö’tamme’jo’seiñe wa äwwäiñe aashichaato wätunnä neecammajäätö’jödö jäcä, yää aashicha metaatäneedö, chääjäcäinchädä ejääduqueejö’da maatoodö.

1 CODINTIYO 4:5

Yääje yeijäcä awa’dennodä’daane emmencatääcä. Cajiichaana neejö’ñojo awa’de, yaawä töwö jaiñoone necaademe’ca’de tameedä tööjato aca etoone’taajä. Töwö necaademe’ca’dede tameedä soto tö’tajäätödööcomo; yaawä Wanaadi chääwaadäiñe niya’deme’caato’de iiñö’jocoomo ’cäwa’cä.

2 CODINTIYO 5:10

Tameedä cä’mencajaato’de Quidiito wwä; yaawä cöwaadäiñe cäje’jocoomo queiyato’de chäwwä, edä nono de’wä cönnö’jocoomo jäcäinchädä, aashichaato jeiñe mma, conemjönö jeiñe mma.

CAADATA 1:11

Edääje yeichö odhoowanääcäiñe yei’she wa, jimmä: Mädä aashichaato wätunnä töneecammajä’e wääneneedö soto nejoodödööjönö.

1 TIIMOTEO 1:11

Yää chäänöngato woowanoomanä na Wanaadi aashichaato wätunnäi woije, yää täcammajä’emööje öwwä tu’e naadö.

2 TIIMOTEO 2:8

Jesuuquidiito jäcä ätö’täcä, ñäädä töwäämaajo jonnoto waadonca’jödö, Dawí atöödö. Mädääje aashichaato wätunnä töneecammajä’e wäänene.

2 TIIMOTEO 4:1

Edääje mänwätuuja Wanaadi owaadäädä, Jesuuquidiito owaadäädä mmaja. Ñäädä Jesuuquidiito cajiichaanaje ne’a’de tameedä nudo’como emmencadööcomo wetä, yä’ja’a’como emmencadööcomo wetä mmaja. Ñäädä owaadäädä edääje wä’döa äwwä:

2 TIIMOTEO 4:8

Yääje yeijäcä öwwonooje yeeje’jödö tösooma na, yää chäänönge wei’jödö eje’jödö. Cajiichaana yää nu’a’de öwwä yää anooto awä, ñäädä chäänönge emmencanei. Öwwä mma’da yää nu’a’de, tameedä ñanno ijummadö que yeejö’sa’como’jödö wwäiñe mmajaane.

EEWEDEO 9:27

Soto wäämatoojo ecammaajä na tooniye mma, yää ’jeje yäätämmencajootojo.

1 PEEDHODO 4:5

Tönwanno töwei’jocoomo jäcä nätääcamma’jajaato’de ñäädä nudo’como emmencaneichomo wwä, ñäädä yä’ja’a’como emmencaneichomo dea.

2 PEEDHODO 2:9

Mädääje Wanaadi ñanno cöneewanaacaicho. Töwö dhowaanäcä na dea töwoija’como ewaanacaadöcoomo yä’yunaacajoodöcoomo jonno. Töwö dhowaanäcä mmaja töwoijemjöncomo maminchadööcomo, wätä’maminchajootojo anootoi’chädö neene jona tödööene.