DOMAANO 2:12 - Wanaadi A'deddu

¹² Ñanno jenaado’jä waanontänä towaanäcäiñe’da yeiyancädä conemjönö tödönnamo nännanö’aato’de yää waanontänä ’je’da yeichaame chäwwäiñe. Ñanno jenaado’jä waanontänä towaanäcäiñe yeiyancädä conemjönö tödönnamo mmaja nätämmencajaato’dede yää waanontänä imennaajä wä’dödö nönge.

DOMAANO 2:12 ပူးပေါင်းရင်းမြစ်များ

MATEO 11:22

Yääje wä’döa äwwäiñe, wätämmencajootojo anooto awä änwanno mäntunaanö’ato’de, Tiido ñancomo e’jodhe’cä, Sidhón ñancomo e’jodhe’cä mmaja.

MATEO 11:24

Yääje yeijäcä yääje wä’döa äwwäiñe, wätämmencajootojo anooto awä Sodhooma ñancomo e’jodhe’cä mäntunaanö’ato’de; quee cönä’döaacä Jesuuquidiito.

JUAN 19:11

Jesuuquidiito cöneccujä’acä yaawä: —Wanaadi mädääje yöödöjo’se’da yeiya’jäcä yöödöjai’cha meichö. Ñäädä, äwwä yu’nei’jödö, jooje’cä jeene choone’nadiiyö na; quee cönä’döaacä Jesuuquidiito.

DOSECHO 2:23

Yääje yeichaame äwwäiñe yä’tua’jäcä änwanno majäichäne; cuduusa jäcä ajoijodö que memaajotääne yaawä conemjöncomo wwä. Tameedä yää cönä’jaacä jenaadä Wanaadi nichö’tammecö’jödö woije, imjummadö woije mmaja.

DOMAANO 1:32

Tönwanno dhowaanäcäiñe na Wanaadi wä’dö’jödö mädä tödöödö jäcä; dhowaanäcäiñe na mädä tödönnamo töwäämaamöje yeichöcoomo. Yääje yeichaame tödöödöje dea weneeneto, yaacö’comje mmaja töjimmotoncomo wwä tödöödö eneea’jäcä.

DOMAANO 4:15

Yää waanontänä wätä’maminchanä mma necamma. Waanontänä ’je’da yeiya’jäcä mmaane ija’do’jo’jödö ’je’da mmaja.

DOMAANO 8:3

Yääje cödööjaiñe’da cönä’jaacä waanontänä, yää Moisé nimennä’jödö, cujuunucoomo nijummadö tämu’däneije yeijäcä. Wanaadi mmaane yääje cödöötäne Tönnedö anontädö que. Töwö Tönnedö cönaanontäi sadä. Ñäädä Iiñedö cönä’jaacä sotooje, cönwanno cönöngeiñe, conemjönö tödööjaicho mmaja. Töwö saaquidiijiisiyooje cönäämai yaawä, conemjönö coccatoojoje. Mädääje Wanaadi conemjönö cöne’jodheinchai Jesuuquidiito ai, ñäädä sotooje cönä’ja’dö ai.

1 CODINTIYO 9:21

Ñanno Moisé nimennä’jödö waanontänä woijemjöncomo jadä weichö mmaane ñöngeiñe daja wäänene dea, tönwanno mmaja Quidiito sotoije chaana’cadööcomo wetä, Wanaadi waanontädö woije’da’da weichaame mmaja öwö, Quidiito waanontädö woije weichaame.

CAADATA 3:10

Ñanno jenaado’jä waanontänä tödö’sa’como töwännanö’e naato. Edääje Wanaadi a’deddu imennaäjä nä’döa: “Ñäädä jenaado’jä waanontänä tödö’sato töwännanö’e na tameedäädä ännö’da yeiya’jäcä;” quee.

CAADATA 3:22

Wanaadi a’deddu imennaajä necamma tameedä soto jedeeso nönge yeichöcoomo töcoone’nadiiyöcoomo awä. Yääje yeijäcä Jesuuquidiito ecamjödö queene Wanaadi necamma’jödö aashichaato nä’tua ecaanö’nnamo wwäiñe.

SANTIYAACO 2:10

Ñäädä tameedä waanontänä tödööneije töweichaame tooni’chä ija’da’ja’jäcä töwwä, tameedä waanontänä ija’do’jodö wa’cä dea na yää.