DOMAANO 2:10 - Wanaadi A'deddu

¹⁰ Tameedä chäänöngato tödönnamo mmaane aashicha töweichö’como neneeaato’de, aashichaato mmaja, täncanoode’da töweicho’como mmaja, judhío awa’de, judhíojöönö mmaja.

DOMAANO 2:10 ပူးပေါင်းရင်းမြစ်များ

MATEO 10:13

Yäätä soto aashichaato töweiye yeiya’jäcä, yää aashicha yeicho’como mecammaato’dedö chäwwä nä’tua’de. Aashicha’da yeiya’comjäcä mmaane äwwäiñeene nä’tua’de.

DUUCA 1:79

Yää na’de ñanno tööjano’taca naatoodö weiyuuducoomoje, ñanno töwä’ja’aamo; täncanoode’da weiñä ai cä’se’täneichomooje mmaja yää na’dede; quee cönä’döaacä Saacadía.

DUUCA 12:37

Ta’cwaiñe eijai ñaato ñanno tädhaajotoncomo wwä edai’chädööja’como woojodööjodööcomo. Chäänönge yääje wä’döa äwwäiñe, töwö chäädhajootoncomo nesoomajä’a’de yaawä. Meesa dö’tä tanoonö najiimajaato’de, töwwä ewanshinchädööcomo wetä.

DUUCA 19:42

Töwö cönä’döaacä: —Odhoowanääcäiñe yei’she waadö’je täncanoode’da aweicho’como; töwäädä äwwäiñe totoone’tä naane’, aneene’da aweichöcoomo wetä.

DUUCA 22:14

Chu’nädö aca yä’döa’jäcä Jesuuquidiito cönaatajiimai meesa dö’tä, ñanno amoojadooto de’wä aaco’como anonta’como jadäiñe.

DUUCA 9:48

Yaawä töwö cönä’döaacä tönoowanoomadö wwäiñe: —Ñäädä öwö jääcäinchädä määdhä mude’cä’cä aashicha tödöönei, öwö mmaja aashicha yöödöa dea. Ñäädä aashicha yöödönei, yaanontänei’jödö aashicha tödöödö wa’cä mmaja na dea yää. Ñäädä dho’noncomo adhantawäiñe, ñäädä ñäädä adhe’jodha’como; quee cönä’döaacä Jesuuquidiito.

JUAN 12:26

Ñäädä sootoije töwei’shato waanontädö woije nödö’ñojo; öwö weichö dö’tä mmaja sootoi ña’de. Ñäädä öwö woije tödöönei jäcä Jaaja nödööa’de aashichaato.

JUAN 14:27

“Öötääje täncanoode’da aweicho’como wu’a, yää öwwono. Täncanoode’da weiñä edä nono de’wono nöngemjönö wu’a äwwäiñe. Cone’da’daane eichäcä adheewanööcomo jäcä; tösaade’da mmaja eichäcääde.

JUAN 16:33

Mädä wecammajäätöi äwwäiñe täncanoode’da aweichöcoomo wetä öwö jääcäinchädä. Edä nono de’wä aweichöcoomo mäntunaanö’ato’de; yääje yeichaame cone’da’daane eichäcä’de, öwö we’jodheinchane edä nono de’wono; quee cönä’döaacä Jesuuquidiito.

DOSECHO 10:35

Töwö Wanaadi tameedä soto weichö tumjumma, tönoiñe täneea’jäcä, aashichaato tödööa’jäcä mmaja.

DOMAANO 14:17

Wanaadi sotoije weiñä töweiye nai äwanshi jäcäinchädä’da, wocö jäcäinchädä’da mmaja, chäänönge weiñä jäcäinchädääne, täncanoode’da weichojo mmaja, ta’cwaiñe weiñä mmaja, yää Epíiditu Santo nutuudu.

DOMAANO 15:13

Ñäädä Wanaadi, cönwomoocödööcomo u’neije na; töwö adha’cwaniiyöcoomo nu’a, täncanoode’da aweicho’como mmaja, täcamjödö jäcäinchädä. Yaawä Epíiditu Santo woije wo’womo’nä ’je eijai maato.

DOMAANO 2:7

Töwö Wanaadi yeichöödäje weiñä nu’a’de ñanno töquinchancädäiñe’da aashichaato tödönnamo wwäiñe, ñanno aashichaato encano’tännamo, aashicha töweicho’como encano’tännamo mmaja, töwaatamemjönö encano’tännamo mmaja.

DOMAANO 2:9

Ñanno conemjönö dönnamo nätä’maminchajaato’de, yeetunu neneeaato’dede, judhío awa’de, judhíojöönö mmaja.

DOMAANO 5:1

Yääje yeijäcä, ecamjödö jäcäinchädä Wanaadi jadoonoje cöweichomjäcä, äätu’dedööje’da caato eduuwa Wanaadi jadä, Cädhaajotoncomo Jesuuquidiito woije.

DOMAANO 8:6

Yää tujuunu nödöödö encano’tädö wäämatoojoje noowonö’jaca; Wanaadi nödöödö encano’tädö mmaane yeichöödoto weiñä daja nejoodöja, täncanoode’da weichojo mmaja.

DOMAANO 9:21

¿Tödö’se töweichö woije jönca ädiiñä tödööjä’nei tönnöe töweiye nai, anejja aashichaato ewöötöje, anejja ’quene conemjönö ewöötöje, yää chäccädiiñaajä que dea?

DOMAANO 9:23

Töwö ñanno conemjöncomo tönshinchäiñe cönä’jaacä aashicha töweichö eneejodö wetä cöwwäiñe. Ñanno cönwanno wentumje ñeenedö. Töwö jenaadä cödöötäne aashicha töweichö enennamooje.

CAADATA 5:22

Epíiditu Santo nödöödö weja’caajä mmaane wä’jummanä, ta’cwaiñe weiñä mmaja, täncanoode’da weiñä mmaja, aashicha shinchädö mmaja, tamääne’da weiña mmaja, aashichaato jummadö mmaja, chäänönge weiñä mmaja,

CAADATA 5:6

Jesuuquidiito jadä weiñawä siicunsidaadoje weiñä täje’da na, yääje’da weiñä täje’da mmaja; ecamjödö mmaane täje na, yää wä’jummanä que towäänejo weneenedö.

JIDIIPENSE 4:7

Yaawä Wanaadi nu’a’de äwwäiñe täncanoode’da aweicho’como, yää soto owaanojöönö. Yää täncanoode’da aweicho’como adheewanööcomo nedai’cha’de, ätö’tajäätödööcomo mmaja, Jesuuquidiito woije.

1 TIIMOTEO 1:17

Yääje yeijäcä aashicha tödööto’me na ñäädä Cajiichaana yeichöödoto, aashicha wa’deutojooje mmaja yeichöödäje. Töwäämamjönö töwö, töwäänemjönö mmaja, ñäädä mma Wanaadi, töseedujä’nato. Amén.

EEWEDEO 2:7

A’dhe mma soto mödööne amoode o’näiñe. Aashicha wa’deutojooje mödööne; o’jodhe yeichojo mu’ne dea. Amäädä mödööne tameedä anaamode’nädö edhaajäje.

SANTIYAACO 2:22

Töwö Aawadán töneecamjödö cöneenejoi tönnödö que. Mädääje ñeecamjödö chäänönge cönä’döi, tönnödö jadä yoojodöödö que.

SANTIYAACO 3:13

¿Änääcö adhantawäiñe towaanojo’ne nai, töseedujä’ne mmaja? Yääje yeiya’jäcä ñäädä tösejjedö neneejo’ñojo aashicha töweichö que, o’jodhe chö’tajäätö’da töweiyancädä, töseedujä’nato neene töweiye naichöje.

1 PEEDHODO 1:7

Yää wäntunaanö’nä aneecamjödööcomo noneeja, chäänönge yeichö eneejodö wetä. Oodo töweiye naichö naane’, töwaatameemöje yeichaame wa’to que choonecaadö. Töwaacö’je aneecamjödööcomo, oodo e’jodhe’cä täje yeiyajä. Chäänönge aneecamjödööcomo wääneja’jäcä Wanaadi äjääcäiñe aashicha na’deuwa’de yaawä, awa’deme’cato’dede, aashicha ayöödöaato’dede, Jesuuquidiito wääneja’jäcä.

1 PEEDHODO 5:4

Yaawä, ñäädä Ädai’chänei ñeene wääneja’jäcä, äwwäiñe nu’a’de aashichaato adheeje’jocoomoje, jemi yu’tacoi töweiye naichö nönge’da.