DOMAANO 2:1 - Wanaadi A'deddu

¹ Yääje yeijäcä awa’deutojo ’je’da na amäädä töweichacoono a’de’tänei. Aweichacoono a’de’tädö que amäädä mmaja mata’de’ta dea, yää dea tönnöeene aweiyajä. Amäädä äwwä a’de’tätaame mödööa dea töwö iiñödö nönge.

DOMAANO 2:1 ပူးပေါင်းရင်းမြစ်များ

DUUCA 12:14

Töwö Jesuuquidiito cönä’döaacä yaawä: —Adheecamma’joneichomoojönö öwö, dhanwa, äwwäiñe ecammojooneijönö mmaja; quee cönä’döaacä.

DUUCA 19:22

Yaawä chäädhajä cönä’döaacä: “Sootoi conemjönö amäädä. Amäädä awa’deuwö’jödö que dea äwäätä’maminchatoojo wecamma. Odhoowanääcä cönä’jaacä tääde’cwade weichö, önnödööjönö töneiye weichö, naatödööjönö tömjä’e weichö mmaja.

DUUCA 6:37

“Ajimmotoncomo mma manemmencatäi’che, Wanaadi wwä mma mätämmencajooto’node änwanno. Anejja chäänöngemjönööje mane’tätäi’chede, yääje mmaja mätä’täjooto’node Wanaadi wwä. Conemjönö äjääcäiñe ajimmotoncomo nödöödö tönencwanno’joone eichäcä, ocoone’nadiiyöcoomo ätäncwanno’joiyede.

DOMAANO 14:22

Äwwä mma tödööcä mädä aneecamjödö, Wanaadi owaadäädä. Ta’cwaiñe ñäädä tötö’tajäätödö tönsa’duminchadö jäcä cone’da ä’döjoojönö.

DOMAANO 2:2

Cönwanno cowaanäcäiñe na chäänönge Wanaadi tömmaminchaiñe yeichö ñanno yää tödönnamo.

DOMAANO 2:3

¿Wanaadi amaamincha’da ca nichö’taanä amäädä yää dea tödööancädä töweichacoono a’de’tänei?

DOMAANO 3:9

¿Aaquene yaawä? ¿Anejjacoomo e’jodha’como ca ñaa judhíocoomo, yääje yeiya’jäcä? Ñg’jn, cho’jodheiñe’da. Cönwanno cowaanäcäiñe na tameedä conemjönö wwä oto’jodheinchajoojai cöweichöcoomo, judhíocoomo mmaja, judhíojöncomo mmaja.

DOMAANO 9:20

Amäädä mmädä, soto mmädä, Wanaadi maneccujäätödööde’. ¿Yääje ca ädiiñä amoode’naajä ä’döjai ñai tamoode’nänei’jödö wwä: “ ¿Ane’cotoojo mädääje camoode’näne?” quee?

1 CODINTIYO 4:5

Yääje yeijäcä awa’dennodä’daane emmencatääcä. Cajiichaana neejö’ñojo awa’de, yaawä töwö jaiñoone necaademe’ca’de tameedä tööjato aca etoone’taajä. Töwö necaademe’ca’dede tameedä soto tö’tajäätödööcomo; yaawä Wanaadi chääwaadäiñe niya’deme’caato’de iiñö’jocoomo ’cäwa’cä.

1 CODINTIYO 7:16

Edääje wä’dö’se wa äwwäiñe, änwanno quedeiyentecoomo: Amäädä wodi, ¿oiño quedeiyenteje’da naadö ewaanacaajai aweichö jäcä chö’tajäätö’da ca määnene? Amäädä mmaja dhanwa, ¿ajiiñamo quedeiyenteje’da naadö ewaanacaajai aweichö jäcä chö’tajäätö’da ca määnene?

SANTIYAACO 2:20

Chö’tamme’cä’ma amäädä chö’tajä’jönö; tödöödö jadä’da aneecamjödö yeiya’jäcä, ¿tödööto’jönö jönca yää yääjato ecamjödö?

SANTIYAACO 4:11

Jimmä, ajimmotoncomo änquimmajäätö’daane eichäcä. Ñäädä töweichacoono chiimajä’nei, töweichacoono a’de’tänei mmaja, Wanaadi waanontädö nichiimajä’a; Wanaadi waanontädö nemmenca dea. Waanontä’jä emmenca’jäcä äwwä, waanontä’jä tödööneijönö yaawä amäädä, emmencanei mma.