DOMAANO 16:4 - Wanaadi A'deddu

⁴ Wäämadö jonno yeewanaacadö wetä tönwanno äämadö cöneiya’to; yääje yeijäcä öwö mmajöönö ta’cwaiñe chääjäcäiñe wa, tameedä quedeiyente judhíojöncomo mmajaane.

DOMAANO 16:4 ပူးပေါင်းရင်းမြစ်များ

JUAN 15:13

Töweichacoono junnei wäämanä yää yää wä’jummanä chäänöngato; anejja ’je’da na yää nöngato wä’jummanä e’jodhaato.

DOSECHO 15:26

Ñanno Paudo, Waanawé jooje töwäntunaanö’e weneeneto Jesuuquidiito junnei, äämajai tödööene.

DOSECHO 15:41

Siidiya chäcä cönäämannäjöicho, Sidiisiya chäcä mmaja, quedeiyentecoomo jädu’tancädäiñe.

DOSECHO 16:5

Mädääje tameedä Quidiito sotoi cönä’jädu’ta’to; anooto waadäi quedeiyentecoomo cöneejanga’to.

DOSECHO 9:31

Yaawä tameedä Quidiito sotoi täncanoode’da cönä’ja’to; jäduujeiñe cönä’ja’to dea, ñanno Judheea ñancomo, Caadideea ñancomo mmaja, Samaadiya ñancomo mmaja. Tönwanno tönoiñe Cajiichaana Jesuuquidiito töneene cönä’ja’to. Epíiditu Santo ni’wa’tädö que jooje cöneejanga’to.

DOMAANO 16:3

Ya’deujödö wadääja Pidiisiida wwadäädä, Aquiida wwadäädä mmaja, ñanno Quidiito tadaawaajui jäcä weetadaawa’cajoodö jimmä.

DOMAANO 16:5

Ya’deujödö wadääja dea Pidiisiida, Aquiida e’sacaiñe töweecanta’ñä weneenetoodö wwadäädäiñe mmaja, umjummadö Eepeneeto wwadäädä mmaja, ñäädä Acaaya ñano awa’deene Quidiito ecaanö’nei’jödö.

DOMAANO 5:7

Cowaanäcäiñe na anejja jäcäinchädä soto äämajai’cha yeichö, aashichaato jäcäinchädä jadä’jödöödä; anejja äämajai yeichaame’da ca’dö jääcä aashichaato jäcäinchädä jeene yeiya’jäcä.

1 CODINTIYO 16:1

Edääje wä’dö’se wa jödaata quedeiyentecoomo i’wa’toto’como i’jummadö jäcä. Änwanno tödööjai maato Cadaasiya ñancomo quedeiyentecoomo wwä wödööjoneedöje mmaja.

1 CODINTIYO 7:17

Änwanno eijai maato awaadäiñe aweicho’como Cajiichaana nutuudu woije, Wanaadi wwä adha’dejjadaawäiñe mä’ja’quennö nönge dea. Mädääje tameedä Quidiito sotoi tönoowanoomaiñe wääneneeto.

JIDIIPENSE 2:30

Töwö Quidiito tadaawaajui jäcäinchädä äämadö cöneiyacä. Äämajai töweichaame öwwä tönnöjä’e cönä’jaacä yää öwwonooje tödööjai’cha mä’ja’quennö.

1 TEESADOONISENSE 2:14

Änwanno jimmä, ajimmotoncomo wwä äwäätä’maminchajoodawäiñe änwanno mä’ja’quene anejjacoomo Wanaadi ecaanö’nnamo wei’jocoomo nönge mmaja, ñanno Judheea ñancomo, Jesuuquidiito sotoi. Tönwanno mmaja cönäätä’maminchajoicho dea töjimmotoncomo judhío wwäiñe.

1 JUAN 3:16

Cöjääcäinchädäiñe Jesuuquidiito wääma’jödö que cönwanno coowanoomatääne wä’jummanä chäänöngato jäcä. Yääje mmaja cönwanno cöweichöcoomo u’jai caato cöjimmotoncomo jäcäinchädä.

APOOCADIISI 1:4

Öwö Juan, äwwadäädäiñe wimenna, änwanno Aasiya ñancomo quedeiyentecoomo, aacä amoojato ajaatadööcomo naadö. Aashichaato, täncanoode’da aweicho’como mmaja äwwäiñe yei’she wa, Wanaadi nutuudu, ñäädä eduuwa naadö, jenaadä cönä’ja’dö dea, äcuude na’dedö dea, ñanno aacä amoojato’como Epíiditu nutuudu mmaja, ñanno Wanaadi mudei o’wawä naatoodö,