DOMAANO 16:26 - Wanaadi A'deddu

²⁶ Eduuwaane ñäädä Wanaadi yeichöödoto yää wätunnä cöneecadeeme’joi töwa’deuwödö ecammajä’nnamo nimenno’jocoomo ai. Yää cöneecadeeme’joi tameedä soto weichöcoomo wa’cä, tameedä ecamjöiyeto, Wanaadi woije eiyetoode yaawä.

DOMAANO 16:26 ပူးပေါင်းရင်းမြစ်များ

MAADOCO 16:15

Töwö cönä’döaacä chäwwäiñe: —Ojoncomo’de tameedä nono weichö wa’cä. Aashichaato wätunnä ecammajä’täcä’de tameedä soto wwäiñe.

DOSECHO 10:43

Mädääje dea jenaadä Jesuuquidiito jäcä töneecammajä’e cönä’ja’to tameedä Wanaadi wa’deuwödö ecammannamo’jödö. Tönwanno töneecammajä’e cönä’ja’to tameedä Jesuuquidiito ecaanö’nei cone’nadiiyö choccatoojo, Jesuuquidiito jäcäinchädä dea; quee cönä’döaacä Peedhodo Conneediyo wwäiñe.

DOSECHO 6:7

Yaawä Cajiichaana Jesuuquidiito a’deddu jooje cöneejangacä. Wanna soto quedeiyenteje cönä’döjoicho Jeduusadén ña; Wanaadi wwä töwa’deuwaamo jadä’jödöödä cöneecamjöicho.

DOMAANO 1:2

Jenaadä yää wätunnä Wanaadi cöneecammajoi töwa’deuwödö ecammannamo wwäiñe, dha’deddu imennaajä jäcä naadö.

DOMAANO 1:20

Tameedä tödööajä naadö que Wanaadi weichö äänejöönö täne na. Edä nono tödö’jödö jonnoto’jödöödä ijäädudu töwaatamemjönö täne na, Wanaadije yeichö mmaja. Yääje yeijäcä ñanno chäänöngemjöncomo wa’deuto’como ’je’da na.

DOMAANO 1:5

Jesuuquidiito jäcäinchädä Wanaadi ñaa anontäne aashicha töweichö woije. Töwö ñaa anontäne Jesuuquidiito joi, tameedä soto wwäiñe ta’deddu ecammajä’e, ecamjödö wetä yaawä chäwwäiñe, Wanaadi woije yeichöcoomo wetä mmaja.

DOMAANO 15:18

Anejja jäcä a’deujai’cha wa, yää jäcä mmaane, Quidiito ni’wa’tädö que önnö’jödö jäcä mma, yää judhíojöncomo Wanaadi woije naatoodö. Yää wödööne ecammajäätödö que, tödööjätöödö que mmaja,

DOMAANO 15:4

Yää jenaadä Wanaadi a’deddu imennaajä jäcä cönä’mennäichö tömennä na cöwoowanoomato’comooje, yäätäädä cöweichöcoomo wetä cönwomoocödööcomo jäcä, Wanaadi a’deddu ni’wa’tädö que.

DOMAANO 3:21

Eduuwa cowaanäcäiñe na yää Wanaadi jadoonoje wä’dönä ecamjödö que mma yeichö, waanontänä tödöödö que’da yeichö mmaja. Mädääje dea waanontänä imennaajä jäcä cönäätäcammai jenaadä; Wanaadi wa’deuwödö ecammannamo’jödö mädääje cömmennoicho dea.

CAADATA 3:8

Jenaadä Wanaadi a’deddu imennaajä jäcä cönäätäcammai töjaadonooje judhíojöncomo tödööto’como Wanaadi wwä, ñeecamjödööcomo jäcäinchädä. Edääje aashichaato wätunnä cönäätäcammai Aawadán wwä: “Äjääcäinchädä aashichaato wödööa’de tameedä soto jäcäiñe;” quee.

EUJEESIYO 1:9

Töwö cöwwäiñe cöneenejoi chea töwwä töntö’tammecö’jödö tödöötojo, yää owaanojöönö’jödö, tumjummadö woije cöntö’tammecöichö.

EUJEESIYO 2:20

Maa amääajä töweiye naichöje maato; änwanno tösö’ma maato anonta’como necammajäätö’jocoomo de’wä, Wanaadi wa’deuwödö ecammannamo’jödö necammajäätö’jocoomo de’wä mmaja, maa a’täi ye’wä shö’madö töweiye naichöje. Jesuuquidiito mmaane anno’tojooje na, yää täju tameedä chä’sejöije töweiye naichöje, täju que maa amäädawä.

CODOOSENSE 1:26

ecaademeecödö wetä mmaja yää owaanojöönö’jödö, yaajäntä’jödö jonnoto’jödöödä tacaade’da töweiye cönä’ja’dö. Eduuwaane töwö Wanaadi yää owaanojöönö’jödö cöneecadeeme’joi tösootoi wwäiñe.

1 TIIMOTEO 1:17

Yääje yeijäcä aashicha tödööto’me na ñäädä Cajiichaana yeichöödoto, aashicha wa’deutojooje mmaja yeichöödäje. Töwäämamjönö töwö, töwäänemjönö mmaja, ñäädä mma Wanaadi, töseedujä’nato. Amén.

1 TIIMOTEO 3:16

Chäänöngato mädä adai’jä cöneecamjödööcomo weichö, yää owaanojöönö’jödö, edääje yeichö: Wanaadi sotooje cönäänejoi; Epíiditu Santo chäänönge yeichö cöneenejoi; amoode cöneenea’to. Tameedä soto wwäiñe töwö cönäätäcammai chea; tameedä yeichö wa’cä cönäätäcamjöi yaawä; caju ña cönaatadoojoi chea.

2 TIIMOTEO 1:10

Eduuwaane töwö cujummatäiñe töweichö cöneenejoi Cäwaanacaaneichomo Jesuuquidiito wäänejoodö que. Töwö Jesuuquidiito wäämanä cömjäduucai; aashichaato wätunnä ecammajäätödö que töwö cöncatu’nacaajoi töwä’camjönö weiñä, yää yeichöödoto.

EEWEDEO 13:8

Jesuuquidiito chäänöngeedä weneene; jenaadä cönä’ja’döje dea na eduuwa, yeichöödäje.

EEWEDEO 9:14

Dha’daane Quidiito aquiiyö, jäduuje’cä jeene yää; cötö’tajäätödööcomo jaiñoone choccajai ña, wäämatoojo ännö’da cöweichöcoomo wetä, Wanaadi nudooto anoonöjeene cöweichöcoomo wetä. Töwö Quidiito yeichöödoto Epíiditu Santo woije Wanaadi wwä cönä’tui saaquidiijiisiyo chäänöngatooje.

1 JUAN 5:20

Cowaanäcäiñe na Wanaadi nnedö weejö’jödö. Töwö cösejje’tätääne Wanaadi chäänöngato jadoonoje cöweichöcoomo wetä. Cönwanno caato ñäädä Wanaadi chäänöngato jadoonoje, Iiñedö Jesuuquidiito jadä cöweijäcäiñe. Ñäädä ñäädä Wanaadi chäänöngato, weiñä töwaatamemjönö edhaajä.

APOOCADIISI 1:17

Öwwä eneea’jäcä ye’duccane yo’wawä, yaatacoichaajä nönge. Yaawä töwö yaajojoone tamäädö ämu’demjönö que; cönä’döaacä: —Määcatoncai; öwö ñäädä awa’deeto, yaatameedö mmaja.

APOOCADIISI 19:10

Yaawä tä’mudhe wä’döne ñäädä amoode o’wawä, ya’demeecödööje. Töwö cönä’döaacä öwwä yaawä: —Mädääje’daane; Wanaadi anoonö mmaja öwö dea, anöngato mmaja, ajimmä nönga’como mmaja, ñanno chäänönge Jesuuquidiito a’deddu ecammajä’nnamo. Wanaadiiñe ya’deme’cä; quee cönä’döaacä. Ñanno Jesuuquidiito a’deddu ecammajä’nnamo ñanno Wanaadi nutuudu woije töneecammajä’e weneenetoodö.