DOMAANO 16:25 - Wanaadi A'deddu

²⁵ Aashicha wa’deutojooje Wanaadi ña; töwö äjäädu’täjaiñe na aashichaato wätunnä töneecammajä’e wääneneedö que, Jesuuquidiito ecammajäätödö que mmaja, yää edä nono tödö’jödö jonnoto’jödöödä owaanäcä’da cönä’ja’dö.

DOMAANO 16:25 ပူးပေါင်းရင်းမြစ်များ

MATEO 13:17

Chäänönge yääje wä’döa äwwäiñe, jooje Wanaadi wa’deuwödö ecammannamo, jooje soto aashicha’como mmaja, ene’se cönä’ja’to mädä töneene määnetäänedö; aneene’daane cöneiya’to. Eta’se cönä’ja’to dea mädä töneeta määnetäänedö; aneeta’daane cöneiya’to.

MATEO 13:35

Yääje cönä’jaacä chäänönge yä’dödö wetä Wanaadi a’deddu ecammanei nimennä’jödö naadö: Yö’seeno ai ya’deuwa’de. Wecammajä’a’de yää tacaade’da cönä’ja’dö Wanaadi wwä edä nono amoode’nä’jödö jonnoto’jödöödä; quee imennaajä wä’dödö.

MATEO 20:7

Ñanno cönä’döa’to yaawä: “Ñaa anontänei ’je yeichöjöönö;” quee. Yääje mma yaawä ñäädä dhanwa cönä’döaacä: “Änwanno mmaja ojoncomoode naudä’jödö aca. Chäänönge maneejemaato’de yaawä;” quee cönä’döaacä.

DOSECHO 20:32

“Eduuwa jimmä, Wanaadi wwä maneedai’chajaato. Töwö dha’deddu aashichaato adheedai’chaato’de, äjäädu’taato’dede. Töwö dha’deddu tödöödö que änwanno ejoodöjai maato ñanno shooma’como jadäiñe aweicho’como.

DOSECHO 9:20

Yaawä we’jummatoojo waadäi Saudo cönaajäntäi Wanaadi nnedööje Jesuuquidiito weichö ecammajäätödö.

DOMAANO 11:25

Änwanno jimmä, edä owaanojöönö’jödö odhoowanääcäiñe yei’she wa, o’jodhe ätö’tajäätödööcomo queiñe: Ñanno iisadaaediitacoomo dhantai cöntäijamöicho, ñanno judhíojöncomo Wanaadi sotoije töwä’döaamo yääwanaacadööcomo wa’cä mma.

DOMAANO 14:4

¿Änääcö amäädä anejja sotoi chiiñemeecödö wetä? Chäädhajääne mädä encano’täjai ña, chäänönge yeichö jeiñe mma, chäänönge’da yeichö jeiñe mma. Chäänöngeene na’de, Cajiichaana Jesuuquidiito jäduuje yeijäcä mädä tödöödö jäcä.

DOMAANO 16:24

Cädhaajotoncomo Jesuuquidiito nutuudu aashichaato äwwäiñe na. Amén.

DOMAANO 2:16

Yää anooto awä töwö Wanaadi Jesuuquidiito wwä nemmencaja’de tameedä tacaademjönö soto nödöödöcoomo. Mädääje na; mädääje dea aashichaato wätunnä töneecammajä’e wäänene.

1 CODINTIYO 1:23

Yääje yeichaame ñaa töneecammajä’e weneene Quidiito, ñäädä cuduusa jäcoono wääma’jödö. Yää ecammajäätödö na judhío cone’da yä’döjooto’comooje, judhíojöncomo wwäiñe ’quene na i’jeta’jödö nönge.

1 CODINTIYO 2:7

Ñaa töneecammajä’e weneene Wanaadi sejjedö owaanojöönööne, yää owaanäcä’da jenaadä cönä’ja’dö, edä nono tödöödö owaajodä cöwääwanaacato’comooje Wanaadi cöneejodöichö.

1 CODINTIYO 4:1

Yääje yeijäcä Quidiito anoonöje mma ñaa weichö chö’tamme’jai maato, Wanaadi nödöödö owaanojöönö’jödö jäcä ecammajä’nnamooje anonta’comooje mmaja.

2 CODINTIYO 4:3

Aashichaato wätunnä töneecammajä’e ñaa weneenedö ääta’da yeiya’jäcä töwännanö’a’como wwä mma ääta’da na.

2 CODINTIYO 4:5

Ñaa wwä ecammajäätödaawä töweichö dea aneecammajäätö’da ñaa weneene, Jesuuquidiito Cajiichaanaje yeichööne. Jesuuquidiito junnei äwwäiñe tödönnamooje mma töwääcamma ñaa weneene.

CAADATA 2:2

Wanaadi nanontädö woije wötääne. Yäätä Jeduusadén ña täneejuca’como jadäiñe ñaa cöne’jummai töudäje. Chäwwäiñe wecammajä’ne yaawä aashichaato wätunnä, yää judhíojöncomo wwä töneecammajä’e wääneneedö. Yää chäwwäiñe wecammajä’ne töwäädämmatooje taadawaajui ei’ño, taadawaajui’jödö mmaja, quee öucwadööje.

EUJEESIYO 1:9

Töwö cöwwäiñe cöneenejoi chea töwwä töntö’tammecö’jödö tödöötojo, yää owaanojöönö’jödö, tumjummadö woije cöntö’tammecöichö.

EUJEESIYO 3:11

Wanaadi yääje cönnöi jenaadä töntö’tammecö’jödö woije, yää Cädhaajotoncomo Jesuuquidiito ai cönnöichö.

EUJEESIYO 3:9

Wanaadi yaanontäne tameedä soto wwäiñe ecaademeecödö wetä töwwä tödöötojo yää owaanojöönö’jödö. Yää owaanojöönö’jödö numa tacaade’da cönä’jaacä, Wanaadi woije dea, ñäädä tameedä tödöönei’jödö.

EUJEESIYO 6:19

Öwö jääcä mmaja Wanaadi wwä adha’deutäcä’dede, soto wwäiñe wa’deuwödö waadäi wa’deutojo äntuiye yaawä, tösaade’da wecammajäätöiye yaawä aashichaato wätunnä owaanojöönö’jödö jäcä.

CODOOSENSE 2:2

Tötö’tajäätödööcomo jäcä yä’jädu’tä’seiñe wa, äänönge töwä’jummancädäiñe. Chäwwäiñe yeejamö’se wa ecamjödö chäänöngato, yää towaanojo’ne weiñawä töweiye naichö. Quidiito dhowaanäcäiñe yei’she wa dea, ñäädä Wanaadi woije jenaadä owaanäcä’da cönä’ja’dö.

CODOOSENSE 4:3

Ñaa jäcä mmaja chäwwä adha’deutäcä, ñaa wwä ta’deddu ecammajo’tojo Cajiichaana äntuiye, Quidiito jäcä owaanojöönö’jödö ñaa wwä ecammajo’tojo äntuiyede, yää chääjäcäinchädä jedeesoje waadö.

1 TEESADOONISENSE 3:13

Töwö äjäädu’taato ätö’tajäätödööcomo jäcä yäätäädä aweichöcoomo wetä, tösooma mmaja, conemjönö ’je’da aweichöcoomo wetä mmaja Cumöötoncomo Wanaadi owaadäädä, tameedä tösootoi jadäiñe Jesuuquidiito we’a’jäcä.

2 TEESADOONISENSE 2:14

Mädääjatooje töwö Wanaadi adha’dejjatääne, aashichaato wätunnä ñaa necammajäätö’jödö que, aashicha Cädhaajotoncomo Jesuuquidiito weichö ejoodödö wetä äwwäiñe.

2 TEESADOONISENSE 3:3

Chäänöngato ñäädä Cädhaajotoncomo. Töwö äjäädu’taato’de; adheewontaato’dede conemjönö wwä.

2 TIIMOTEO 1:9

Töwö Wanaadi cäwaanacaatäne; ca’dejjatääne dea töwwonooje cöweichöcoomo wetä. Töwö cäwaanacaatäne aashichaato cönnödööcomo jäcäinchädä’da, tumjummadö woijeene, Jesuuquidiito jäcäinchädä cujummatäiñe töweijäcä mmaja. Töwö Wanaadi cujummatääne edä nono tödöödö owaajodääde.

2 TIIMOTEO 2:8

Jesuuquidiito jäcä ätö’täcä, ñäädä töwäämaajo jonnoto waadonca’jödö, Dawí atöödö. Mädääje aashichaato wätunnä töneecammajä’e wäänene.

TIITO 1:2

töwaatamemjönö weichojo chäwwäiñe töweiye yeichö wetä yaawä. Edä nono woojodö’jödö owaajodä töwö Wanaadi cöneecammai yää töwaatamemjönö weichojo; ätäncu’täjöönö ñäädä Wanaadi.

EEWEDEO 7:25

Yääje yeijäcä töwö yeichöödäje ewaanacaajai ñaato ñanno töjoinchomo Wanaadi wwadäädoncomo wötäädö, yeichöödäje nudä töweijäcä; chääjäcäinchädäiñe töwö töwa’deuwe weneene Wanaadi wwä.

1 PEEDHODO 1:20

Edä nono tödöödö owaajodä mädääje töweiyemööje Quidiito cönäätä’täjoichö’je; yaawääne’ eduuwa jeene cönäänejoi, anooto ataamejai yä’döa’jäcä jeene, änwanno äjääcäinchädäiñe.

1 PEEDHODO 5:10

A’dhe äwäntunamjö’jejeiñe Wanaadi ocoonecaato’de. Töwö ä’wa’taato’de, yäätäädä äjäädu’taato’dede. Wanaadi ñäädä aashichaato edhaajä. Töwö ca’dejjatääne aashichaato töwaatamemjönö enennamooje cöweichöcoomo wetä, Jesuuquidiito jadä.

APOOCADIISI 10:7

Yää anootoi’chädö awä dea, aacä amoojatooto amoode wwä waajänta’jäcä töjaanau’cwai etöödö, Wanaadi necamma’jödö owaanojöönö’jödö neja’dä’a’de, yää tanoonö wwäiñe cöneecammajäätöichö, ñanno ta’deddu ecammajä’nnamo; quee cönä’döaacä amoode.