DOMAANO 16:2 - Wanaadi A'deddu

² Cajiichaana Jesuuquidiito jäcäinchädä aashicha tödöötäcä’de, quedeiyente weichö nönge deaane. I’wa’tätääcä’de tameedä iiñödö jäcä. Quedeiyente i’wa’täneichomo töwö; öwö mmaja ö’wa’tätä weneene dea.

DOMAANO 16:2 ပူးပေါင်းရင်းမြစ်များ

MATEO 25:40

Yaawä Cajiichaana chäwwäiñe nä’döa’de: “Chäänönge yääje wä’döa äwwäiñe, tameedä sootoi jäcä mödöötäneedö, mäccö mmädä yeichaame töwö, öwwonooje dea yää mödöötäne;” quee nä’döa’de.

DOSECHO 9:13

Yää eta’jäcä Aananía cönä’döaacä: —Cajiichaana, ñäädä ecaadö töneeta wäänene Jeduusadén ña conemjönö iiñödö adheecanö’nnamo jäcä.

DOSECHO 9:15

Yaawä Cajiichaana cönä’döaacä: —Äjääneene; öwö weiñä ñäädä ya’deddu ecammaneije töweiyemööje tameedä soto wwäiñe, cajiichaanacoomo wwä, iisadaaediitacoomo wwä mmaja.

DOSECHO 9:36

Yaawä Joope ña cönä’jaacä wodi. Quedeiyenteje töwö cönä’jaacä, Tawiitaje chäätö; Doodacaaje mmaja chäätö cönä’ja’dea, quidiiyeeco a’deucwe. Ñäädä Doodaca jooje aashichaato tönnöe cönä’jaacä; weiñäje wentumja’como töni’wa’täiñe töwö cönä’jaacä.

DOSECHO 9:39

Yaawä Peedhodo cöntämä chääjadäiñe. Iiña töwä’döa’jäcä ñanno quedeiyente cönaamonno’joicho chääquejöödö döiña. Yäätä cönä’ja’to wodiiñamo, iiño wä’jajo’jödö. Tönwanno cönaamoa’to; cöneenejoojä’a’to tameedä nudä töweichö Doodaca nishoocajäätö’jödö.

DOSECHO 9:41

Peedhodo cönaajäi yaawä dhamäädö jäcä. Yaawä Peedhodo quedeiyentecoomo cöna’dejjaicho, iiño wä’jajo’jödö mmaja; nudä cöneenejoi chäwwäiñe.

DOMAANO 15:7

Yääje yeijäcä aashicha Wanaadi weichö eneejodö wetä aashicha ajimmotoncomo tödöötäcä, Quidiito aashicha cödöötäneedöje mmaja.

DOMAANO 16:15

Ya’deujödö ecammatääcä’dede Jidoodoco wwä, Juudiya wwä mmaja, Nedeeo wwä mmaja, ijaaduichö wwä mmaja, Odimja wwä mmaja.

DOMAANO 16:23

Caayo mmaja ta’deujödö nadääja dea, ñäädä immai chaca öwö Paudo wä’döaajä waadö; tameedä quedeiyentecoomo wä’döto’comooje mmaja na dea edä Caayo mmai. Edaasato mmaja ta’deujödö nadääja dea äwwadäädäiñe, ñäädä jata jödaatai edhaajä; cöjimmotoncomo Cwaadoto mmaja.

DOMAANO 16:6

Madía wwadäädä mmaja ya’deujödö wadääja dea, ñäädä äjääcäinchädäiñe jooje töweetadaawa’cajo weneenedö.

DOMAANO 16:9

Ya’deujödö wadääja dea Uuduwaano wwadäädä, Quidiito tadaawaajui jäcä ñaa ’wa’tänei; Etaaqui wwadäädä mmaja, ñäädä umjummadö;

EUJEESIYO 5:3

Eduuwa Wanaadi jadoncomooje aweichomjäcä masuuduichanä jäcä a’deujai’cha jadä’jödöödä maato, anejja chäänöngemjönö jäcä mmaja, ane’cä’cä ijummadö jäcä töwäätätäädä weiñä jäcä mmaja.

JIDIIPENSE 1:27

Edääje mma eichäcä’de, Quidiito wätunnäi aashichaato necammadö woije mma. Yaawä adöiñaiñe ööta’jäcä, tä’da weiya’jäcä jeiñe mma, aashicha dea adheecadööcomo äätäiye’de öwwä, jäduujeedä aweichöcoomo, aata’deucone aweichöcoomo mmaja, aashichaato wätunnä ecamjödö jäcäinchädä tujuumä töweewänä’tä aweichöcoomo mmaja äätaiye’dede.

JIDIIPENSE 2:29

Yääje yeijäcä Jesuuquidiito jäcäinchädä aashicha tödöötäcä’de mä’dä Epaujodiito, adha’cwaniiyöcoomo que. Määdhä nöngato ijummatääcä.

CODOOSENSE 4:10

Aaditaaducu, ñäädä yaacä jedeesoje naadö, ta’deujödö nadääja äwwadäädäiñe; Maadoco mmaja, ñäädä Waanawé weichacoono, ta’deujödö nadääja dea. Jenaadä manaanontätääne ñäädä Maadoco tödöötojo jäcä; adöiñaiñe iicha’jäcä aashicha tödöötäcä’de.

1 TIIMOTEO 2:10

Aashichaato tödöödö queene ennataamajai ñaato, Wanaadi wwä yä’tua’como töweiye naichodööjeene.

2 TIIMOTEO 1:18

Cajiichaana wentumje neneea’de yää anooto awä. Amäädä odhoowanääcä na dea jooje Eujeeso ña cö’wa’to’jocoomo chäwwä.

TIITO 2:3

Chäänönge mmaja ñanno no’sancomo, nontätä mmaja eijai ñaato dea, wätunnä dha’me’da mmaja, ä’dacu’da mmaja. Aashicha weiñä jäcä owaanomannamooje eijai ñaato,

JIIDEMÓN 1:12

Öwö wiiñacaanö’ja adöiña; yääje yeijäcä aashicha tödööcä’de öwö yöödöjai maadö wa’cä dea.

JIIDEMÓN 1:17

Yääje yeijäcä, aweichacoonoje äwwä tö’ta’jäcä, aashicha mä’dä Onéesimo tödööcä’de, öwö yöödöjai maadö wa’cä dea.

2 JUAN 1:10

Adöiñaiñe anejja wöta’jäcä, edä wätunnä nönge’da ñeecammajäätödö yeiya’jäcä, manaamonno’jotäi’che ämmaichomo taca; ta’cwaiñe meichäi’che chääjäcä.