DOMAANO 16:12 - Wanaadi A'deddu

¹² Tidiijeena wwä mmaja, Tidiijoosa wwä mmaja, ñanno Cajiichaana tadaawaajui jäconcomo wetaadawa’cajoodö; Jeesida wwä mmaja, ñäädä Cajiichaana tadaawaajui jäcä töweetadaawa’cajo weneenedö.

DOMAANO 16:12 ပူးပေါင်းရင်းမြစ်များ

MATEO 5:47

Ajimmotoncomo dea mma a’dejja’jäcä äwwäiñe, weiñä töweiye naichö e’jodhe’da mödööato. Mädääje mmaja Wanaadi dhowaanojöncomo tönnöe weneeneto.

MATEO 9:38

Yääje yeijäcä adha’deutäcä tadaawaaju Edhaajä wwä, töwö tötaadawaajui dödö jäcä soto anaanontäiyeto; quee cönä’döaacä Jesuuquidiito.

DOMAANO 16:11

Ñäädä jaatacoiño Edoodiyón wwä mmaja ya’deujödö ecammatääcä’dede, Naadisiiso wä’jimmä’tädö wwäiñe mmaja, ñanno quedeiyentecoomo;

DOMAANO 16:13

Duuju wwadäädä mmaja ya’deujödö wadääja dea, ñäädä quedeiyente täneejucaato; yeenö wwadäädä mmaja, ñäädä maama nönge mmaja öwwä naadö;

1 CODINTIYO 15:10

Yääje yeichaame anontaajäje wa aashicha Wanaadi weichö woije. Yää aashichaato inchudu öwwä töwäädämma’da cöneiyacä; anejjacoomo anonta’como e’jodheiñe yeetadaawa’cajoone; öwööjönö weichaame, Wanaadiiñe jaadä weneene, aashicha töweichö woije.

1 CODINTIYO 15:58

Yääje yeijäcä jimmä umjummadö, jäduujeiñe eichäcä; yäätäädä ätö’tajäätödööcomo tödöötäcä, jooje’cä Cajiichaana tadaawaajui tödööancädä aweichöcoomoje, odhoowanääcäiñe yeijäcä töwäädämmatooje’da yeichö Cajiichaana Jesuuquidiito wwonooje aweetadaawa’cajoodöcoomo.

1 CODINTIYO 16:16

Yääje yeijäcä yääja’como i’wa’täjai maato, tameedä ñönga’como mmaja, anejjacoomo ’wa’tännamo mmaja, töweetadaawa’caja’como mmaja.

CODOOSENSE 1:29

Mädä jäcäinchädä jooje töweetadaawa’cajo wäänene; töwä’jädu’tä wäänene tameedä jäädudu Quidiito nutuudu que.

CODOOSENSE 4:12

Epaujada mmaja ta’deujödö nadääja dea, ñäädä Quidiito anoonö, ajimmotoncomo dea. Töwö weiñäje Wanaadi wwä töwa’deuwe weneene äjääcäiñe, ejääduqueejö’da aweichöcoomo wetä, chäänönge aweichöcoomo wetä mmaja, tameedä Wanaadi waanontädö tödööcoije aweichöcoomo wetä mmaja.

1 TEESADOONISENSE 1:3

Cumöötoncomo Wanaadi owaadäädä tötö’ta ñaa weneene ännödööcomo jäcä, yää ecamjödö jäcäinchädä tönnöe määnetäänedö. Tötö’ta ñaa weneene dea ataadawaajuichomo jäcä, yää wä’jummanä jäcäinchädä tönnöe määnetäänedö. Aashicha shinchädö que äwäntunamjödööcomo jäcä mmaja tötö’ta ñaa weneene dea. Yää tönshinchä määnetääne Jesuuquidiito weejödö tönwomo’que aweijäcäiñe.

1 TIIMOTEO 4:10

Mädä jäcäinchädä dea töweetadaawa’cajo cäänetääne, töwäätana’tojo cäänetääne dea, Wanaadi nudooto ecamjödö weijäcä cöwwäiñe, ñäädä tameedä soto Ewaanacaaneichomo, töwaacö’je ñanno täcaanö’nnamo.