DOMAANO 16:10 - Wanaadi A'deddu

¹⁰ Apeede wwadäädä mmaja, ñäädä chäänönge Quidiito ecaanö’nei tacaadato; Aaditóowudu wä’jimmä’tädö wwadäädäiñe mmaja.

DOMAANO 16:10 ပူးပေါင်းရင်းမြစ်များ

DOMAANO 14:18

Ñäädä mädä tödööancädä Quidiito wwä tödöönei, Wanaadi na’cwaima, soto wacö’jeiñe mmaja.

DOMAANO 16:3

Ya’deujödö wadääja Pidiisiida wwadäädä, Aquiida wwadäädä mmaja, ñanno Quidiito tadaawaajui jäcä weetadaawa’cajoodö jimmä.

DOMAANO 16:7

Ya’deujödö ecammatääcä’de Antodoonico wwä, Juuniya wwä mmaja; jaatacoinchomo ñanno, jedeesoje weichö jaadoncomo’jödö. Täneejuca’como tönwanno anonta’como wwäiñe. Tönwanno yoowajoodä Quidiito cöneecamjöicho.

DOMAANO 8:11

Töwö Wanaadi Quidiito cönaadoncai yäämaajo jonno. Wanaadi nanontädö Epíiditu Santo ataacaiñe yeiya’jäcä töwö Wanaadi adheejöcoomo nadonca’dede Epíiditu Santo ataacaiñe naadö ai.

1 CODINTIYO 11:19

¿Aashicha jönca mädääje ätö’taato, töwä’tu’de’tä? ¿Mädääje ca chäänöngato quedeiyente töweichö töneenejo nai, töjimmä jadäiñe aashicha oojodö’da töweichö que?

2 CODINTIYO 12:2

Amoojadooto de’wä aacäichea wedu na eduuwa dhanwa ene’jödö öwwä, quedeiyente töwö. Ñäädä cönaatadoojoi aaduwaawoto caju de’cäi tödööene. ¿Aaquene ca cöntännö jääcä, yä’jödöödä jeiñe mma’da ca’dö jääcä, yäänetöödö ai jeiñe mma? Wanaadi mma dhowaanäcä na yääje yeichö.

2 CODINTIYO 2:9

Mädä jäcä äwwadäädäiñe wimennäne odhoonejaadöcoomoje, tameedä waanontädö tödööjai aweichöcoomo eneedö wetä.

2 CODINTIYO 5:17

Ñäädä Quidiito jadoono eduuwaato amoodetaanö ñäädä. Yää jenaado’jä töwaatame yaawä; tameedä eduuwaatoje na yaawä.

2 CODINTIYO 8:22

Anejja quedeiyente mmaja ñaa nanonta dea canno Tiito jadäiñe. Chäänönge yeichö ñaa cöneedantäi tameedä iweichö jäcä. Jooje adöiñaiñe töötä’se na, jooje adhencano’tätäiñe töweijäcä.

CAADATA 1:22

Yeene’da dea cönä’ja’to Quidiito ecaanö’nnamo Judheea ñancomo.

JIDIIPENSE 2:22

Aashicha Tiimoteo weichö mmaane odhoowanääcäiñe na änwanno, mude’cä’cä tumö jadoono wetaadawa’cajoodö nönge jaadä yeetadaawa’cajo’jödö aashichaato wätunnä ecammajäätödö jäcä.

1 TIIMOTEO 3:10

Tämmencaane diyaacono eijai ñaato awa’de; chäänönge töwääneja’comjäcä yaawääne diyaaconooje eijai ñaato.

2 TIIMOTEO 4:19

Ya’deujödö wadääja Pidiisica wwadäädä, Aquiida wwadäädä mmaja, Oonesíijodo wä’jimmä’tädö wwadäädä mmaja.

1 PEEDHODO 1:7

Yää wäntunaanö’nä aneecamjödööcomo noneeja, chäänönge yeichö eneejodö wetä. Oodo töweiye naichö naane’, töwaatameemöje yeichaame wa’to que choonecaadö. Töwaacö’je aneecamjödööcomo, oodo e’jodhe’cä täje yeiyajä. Chäänönge aneecamjödööcomo wääneja’jäcä Wanaadi äjääcäiñe aashicha na’deuwa’de yaawä, awa’deme’cato’dede, aashicha ayöödöaato’dede, Jesuuquidiito wääneja’jäcä.