DOMAANO 15:8 - Wanaadi A'deddu

⁸ Edääje wä’döa äwwäiñe: Quidiito cöneejä judhío wwäiñe tödööneije, chäänönge tödöödö wetä yää ñaa adaichö wwäiñe Wanaadi necamma’jödö, eneejodö wetä mmaja chäänönge Wanaadi töneecamma’jödö tönnöe yeichö.

DOMAANO 15:8 ပူးပေါင်းရင်းမြစ်များ

MATEO 15:24

Yääje mma yaawä töwö Jesuuquidiito cönä’döaacä: —Oweeja sadiijanga’como jäcäinchädäiñe Wanaadi yaanontäne, ñanno iisadaaediitacoomo mma; quee cönä’döaacä Jesuuquidiito tönoowanoomadö wwäiñe.

MATEO 20:28

Soto nnedöödä cöneejäne’, soto anontäneichomooje’da, chäwwäiñe tödööneije mmaane, töwä’tudu wetä mmaja jooje soto wääwanaacato’comooje; quee cönä’döaacä Jesuuquidiito.

JUAN 1:11

Töwö tönoonodö de’cäi yä’dö’jödö weichaame ijimmä ämjumma’da cöneiya’to.

JUAN 10:16

Anejja oweeja töweiye mmaja naato dea öwwä, edä cudaada acancomoojönö; tönwanno mmaja täne’emje naato dea. Tönwanno netaato’de ya’deddu; tooni mma na’de cudaada, tooni mmaja oweeja edai’chäneichomo.

DOSECHO 13:46

Yaawä Paudo, Waanawé mmaja, tösaade’da cöna’deuwöicho; cönä’döa’to: —Wanaadi a’deddu täcammajä’emje cönä’jaacä äwwäiñe awa’de, änwanno judhíocoomo, töwäädä eta’se’da maatoone’; ämjumma’da maato töwaatamemjönö aweicho’como. Yääje yeijäcä judhíojöncomo wwä ñaa necammajä’ta eduuwa.

DOMAANO 11:22

Eneecä’ma aashicha Wanaadi weichö, tumjunne’da yeichö mmaja. Ñanno cönsadiijamöichodö jäcä tumjunne’da töwö cönä’jaacä; äjääcä mmaane aashicha töwö na. Aashicha Wanaadi weichö woije dea aweiya’jäcä chäänönge eijai ma. Yääje’da aweiya’jäcä mmaane amäädä mmaja mataacä’ja’dede.

DOMAANO 11:30

Änwanno judhíojöncomo, jenaadä Wanaadi woije ei’cha mä’ja’quene; eduuwa judhíocoomo daja Wanaadi woije ei’cha naato. Wanaadi wentumje adheeneaato eduuwa.

DOMAANO 15:16

Töwö Wanaadi yöödöne Quidiito anoonöje, judhíojöncomo wwäiñe ecammajäätödö wetä Wanaadi wätunnäi, yää aashichaato wätunnä. Yää töneecammajä’e wäänene Wanaadi wwä judhíojöncomo utuudu wetä yaawä öwwä, saaquidiijiisiyo utuudu töweiye naichöje, Wanaadi wacö’je, Epíiditu Santo nishoomadööje mmaja.

DOMAANO 3:26

Eduuwaane töwö Wanaadi neneeja chäänönge töweichö, Jesuuquidiito ecaanö’nei töjaadonooje tönnöe töweichö mmaja.

DOMAANO 3:3

Yääje yeichaame dhantai aneecamjö’da cöneiya’to. ¿Chäänönge Wanaadi weichö ca ninwacaamanto, yääje yeiya’jäcä, aneecamjö’da töweichöcoomo que?

DOMAANO 4:16

Yääje yeijäcä yää Wanaadi necamma’jödö cönäätäcammai ecamjödö jäcäinchädä, täje’da yä’tudu wetä yaawä, tameedä Aawadán atö’jödö wwoncomoojeene yeichö wetä mmaja. Jenaado’jä waanontänä woija’como wwonooje mma’da yää Wanaadi necamma’jödö, Aawadán necamjö’jödö nönge ecaanö’nnamo wwonooje mmajaane. Yääje yeijäcä ñäädä Aawadán tameedä cadai’choncomooje na,

1 CODINTIYO 1:12

Edääje wä’dö’se weichö mädä: Edääje awaadäiñe töwä’döe määnetääne: “Paudo sotoi öwö;” quee; anejja ’quene: “Apoodo sotoi öwö;” quee; dhantai ’chene: “Peedhodo sotoi öwö;” quee; “Quidiito sotoi öwö;” quee daja anejjacoomo.

1 CODINTIYO 10:19

“Chäänöngato yää chu’taajä,” quee öucwadööje’da yääje wä’döa, äwanshi chu’taajä wwä u’ajä anejja äwanshi e’jodhe e’tancädä’da mmaja.

1 CODINTIYO 10:29

Amäädä chö’tajäätö’da aweichaame, töwööne chö’tajä’jai ña. Edääje chö’tajä’jai’cha maato: “ ¿Aaquene mmaja anejja tö’tajäätödö woije wääwashinchädö deaade’ ?

1 CODINTIYO 15:50

Edääje wä’döa äwwäiñe jimma: Mädä cäjööcomo naadö caju ña täjai’cha na, yää töwaatameemö tönnödööje tödööjai’cha yeijäcä yeichöödoto.

2 CODINTIYO 1:20

töwö tameedä Wanaadi necamma’jödö tönnöe weneene. Yääje yeijäcä aashicha Wanaadi jäcä cöwa’deuwödaawäiñe “Amén” quee töwä’döe cäänetääne, töwö Jesuuquidiito jäcäinchädä dea.

EUJEESIYO 2:12

Yaawä Quidiito jadä’da mä’ja’quene. Töudäje mä’ja’quene, Iisadaaediita jadäiñe’da. Odhoowanääcäiñe’da cönä’ja’dea weichojo, yää Wanaadi necamma’jödö. Edä nono de’wä mä’ja’quene onwomoocödööcomo ’je’da, Wanaadi jadä’da mmaja.