DOMAANO 15:7 - Wanaadi A'deddu

⁷ Yääje yeijäcä aashicha Wanaadi weichö eneejodö wetä aashicha ajimmotoncomo tödöötäcä, Quidiito aashicha cödöötäneedöje mmaja.

DOMAANO 15:7 ပူးပေါင်းရင်းမြစ်များ

MATEO 10:40

“Ñäädä aashicha ayöödöneichomo, aashicha yöödöa dea. Ñäädä aashicha yöödönei, aashicha yaanontänei’jödö tödöödö wa’cä mmaja na dea yää.

MAADOCO 9:37

—Ñäädä öwö jääcäinchädä määdhä mude’cä’cä nöngato aashicha tödöönei, öwö mmaja aashicha yöödöa dea. Ñäädä aashicha yöödönei, öwö mma’da aashicha yöödöa, yaanontänei’jödö mmajaane; quee cönä’döaacä Jesuuquidiito.

DUUCA 15:2

Yääje yeijäcä ñanno jaadiseeocoomo, judhío owaanomannamo mmaja, Jesuuquidiito jäcä cönenta’me’ca’to; cönä’döa’to: —Mä’dä conemjönö dönnamo jadä weneene, chääjadäiñe töwääwashinchä mmaja; quee cönä’döa’to.

DUUCA 9:48

Yaawä töwö cönä’döaacä tönoowanoomadö wwäiñe: —Ñäädä öwö jääcäinchädä määdhä mude’cä’cä aashicha tödöönei, öwö mmaja aashicha yöödöa dea. Ñäädä aashicha yöödönei, yaanontänei’jödö aashicha tödöödö wa’cä mmaja na dea yää. Ñäädä dho’noncomo adhantawäiñe, ñäädä ñäädä adhe’jodha’como; quee cönä’döaacä Jesuuquidiito.

JUAN 13:34

Eduuwaato waanontänä wecamma äwwäiñe: Ä’jummatääcä; änwanno mämjummaatoodöje mmaja ajimmotoncomo ijummajai maato.

JUAN 6:37

Tameedä öwwonooje Jaaja nutuudu ne’a öwwadäädä. Ñäädä öwwadoodono we’ajä änquiiñemeecö’da wa.

DOMAANO 15:9

Töwö Quidiito cöneejä judhíojöncomo mmaja aashicha Wanaadi jäcä a’deuwöiyeto wentumje äneetä yeichö jäcä. Edääje Wanaadi a’deddu imennaajä nä’döa: Yääje yeijäcä aashicha äjääcä ya’deuwa’de soto antawäiñe; ojoi yeecanta’ña’de, awa’demeecödööje; quee imennaajä nädöa.

DOMAANO 5:2

Quidiito woije Wanaadi jadoonoje cä’dötääne ecamjödö que; yääje yeijäcä Wanaadi nutuudu aashichaato cöwwäiñe na. Yää Wanaadi nutuudu aashichaato cöwwäiñe yeijäcä ejääduqueejö’da caato; ta’cwäiñe mmaja caato dea cowaanäcäiñe yeijäcä aashicha Wanaadi weichö cöwwoncomooje yeichojo.

EUJEESIYO 1:12

Töwö mädääje cödöötäne aashicha töweichö jäcä töwa’deuwaamoje cöweichöcoomo wetä. Awa’deene ñaa dea Quidiito ñaa cöneecamjöi.

EUJEESIYO 1:18

Wanaadi wwä ätö’tajäätödööcomo weijotoojo töne’ca’e wäänene dea, odhoowanääcäiñe yeichö wetä yaawä onwomoocödööcomo, yää äwwäiñe yeichö wetä adha’dejjatäänedö. Töne’ca’e wäänene dea odhoowanääcäiñe yeichojo joojato aashichaato Wanaadi nutuudu tösootoi wwäiñe.

CODOOSENSE 3:13

Äwwäädäiñe ä’shinchätääcä; conemjönö tödö’jödö encwanno’jocoije eichäcä, ajimmotoncomo jäcä cone’da aweiya’comjäcä. Quidiito cöcoone’nadiiyöcoomo cönencwanno’joichöje mmaja encwanno’jojai maato ajimmotoncomo nödöödö.