DOMAANO 15:3 - Wanaadi A'deddu

³ Quidiitode töweichö mma anencano’tä’da cöneiyacä. Wanaadi a’deddu imennaajä wä’dödö naadöje töwö cönä’jaacä, yää edääje yä’dödö naichö: “Ñanno äjääcä cone’da töwa’deuwe weneenetoodö öwö jääcä mmaja cone’da na’deuwaato dea;” queeto imennaajä nönge Quidiito cönä’jaacä.

DOMAANO 15:3 ပူးပေါင်းရင်းမြစ်များ

MATEO 10:25

Ñäädä towaanomaamö towaanomaanei weichö nönge töwä’dödö mma ijummajai ñai, cho’jodheene’daane. Chäänönge mmaja dhanoonö, tädhaajä weichö jäcä daja. Ñanno soto Caajuushawaaje chäädhajootoncomo cöne’toicho; töwaacö’je mma shootoi cone’da e’täjai ñaato.

MATEO 26:39

Mänseedä’cä Jesuuquidiito cöntämä yaawä; tu’dhe cöne’mo’täi. Wanaadi wwä cöna’deuwöi; cönä’döaacä: —Jaaja, yääje eijai yeiya’jäcä mädä jääcä töweeja’dä’emööje naadö mäiñetuncajoi’che öwwä. Amäädä ätö’tajäätödö woijeene, öwö woije’daane; quee cönä’döaacä Jesuuquidiito.

MATEO 26:42

Töwö cöntännea yaawä; Wanaadi wwä cöna’deuwöi chea; cönä’döaacä: —Jaaja, mädä äiñetunca’da eijai’cha weiya’jäcä, amäädä ätö’tajäätödö woije wei’ñojo; quee cönä’döaacä.

MATEO 27:44

Yääje mmaja ñanno tämeena’como cöneetana’ta’to dea, ñanno iiñäcä ajoija’como.

JUAN 15:10

Öwö waanontädö tödööa’jäcä äwwäiñe umjummadööje dea eijai maato, Jaaja nijummadööje waadöje mmaja, ñaanontädö tönnöe weijäcä.

JUAN 15:24

Dhantawäiñe jooje aashichaato ännö’da wei’jo äächädääjemma choone’nadiiyöcoomo eichö. Tönwanno cöneenea’to yää önnö’jödö; yääje yeichaame quiiñeme’caato, Jaaja nichiiñeme’caato dea.

JUAN 4:34

Jesuuquidiito cönä’döaacä chäwwäiñe: —Öwö yeewanshiñö yää yaanontänei’jödö waanontä’jödö tödöödö, chaadawaajui acoichadö wa’cä.

JUAN 5:30

“Öwö jäädudu que mma tödööjai’cha wa. Wanaadi wwä yaanontädö woije tönemmenca öwö. Chäänönge öwö nemmencadö. Öwö woije mma ännö’da wa, ñäädä Jaaja, yaanontänei’jödö woijeene.

JUAN 6:38

Öwö caju ñanno we’ne öwö woijato tödööe’da, yaanontänei’jödö woijeene.

JUAN 8:29

Ñäädä yaanontänei’jödö jaadä weneene; Jaaja jääcäjeene näämä’da na, yaacötö tönnöe weijäcä; quee cönä’döaacä Jesuuquidiito.

2 CODINTIYO 8:9

Odhoowanääcäiñe aashicha Cädhaajotoncomo Jesuuquidiito nödö’jödö. Tameedä töwwä yei’jödö weichaame töwö äjääcäinchädäiñe a’cato nönge cönä’döjoi, tameedä äwwäiñe töweiye yeichö wetä yaawä töwö a’cato nönge yä’döjo’jödö que.

JIDIIPENSE 2:5

Jesuuquidiito tö’tajäätödö wei’jödö nönge mmaja ätö’tajä’täcä.

JIDIIPENSE 2:8

Sotooje töwä’döa’jäcä i’she’jödööje cönä’döjoi. Wanaadi woije cönä’jaacä töwäämaane’jödöödä, yää cuduusa jäcä cönäämaichö.