DOMAANO 15:2 - Wanaadi A'deddu

² Cöwaadäiñe cöjimmotoncomo weichö encano’täjai caato, aashicha yeichöcoomo wetä, yaatö’näjöödöcoomo wetä mmaja töneecamjödööcomo jäcä.

DOMAANO 15:2 ပူးပေါင်းရင်းမြစ်များ

DOMAANO 14:19

Yääje yeijäcä yääne quencano’täto’ñojo, täncanoode’da cöweichöcoomoone, cöwe’wa’tädööcomo mmaja.

1 CODINTIYO 10:23

Chäänönge yääje soto töwä’döe weneeneto: “Tameedä tödööemje na;” quee. Yääje yeichaame tameedä’da aashicha dötä na. Tameedä tödööjai cöweichaameiñe tameedä’daane ’wa’tätä na.

1 CODINTIYO 10:24

Cöwaadäiñe encano’täjai caato aashicha cöjimmotoncomo weicho’como, cönwanno aashicha cöweicho’como mmajöönö.

1 CODINTIYO 10:33

Mädääje wäänene öwö, tameedä soto a’cwaimato’como tunuujiye, öwö aashicha weichojo ujiiyancädä’da, tönwanno aashicha yeicho’comoone, yääwanaacadööcomo wetä yaawä.

1 CODINTIYO 13:5

Ñäädä wä’jummanä ’jano nossaje a’deuwö’da töweiye nai, töwö mma töwei’she’da mmaja, äätömaacoije’da mmaja, töweichacoono jäcä cone’da chö’tajäätö’da mmaja.

1 CODINTIYO 14:26

Mädääje na jimmä; awe’jummadaawäiñe awaadäiñe tödööjai maato. Anejja wecanta’ñänä dha’me eijai ña, anejja ’quene woowanoomanä dha’me, anejja mmaane töwwä Wanaadi neneejodö, anejja a’deucwe wa’deunä jeiñe mma, yää ecammajo’tojo jeiñe mma. Tameedä yää tödööjai maato quedeiyentecoomo wä’jädu’toto’comooje.

1 CODINTIYO 14:3

Dha’da ñäädä Wanaadi nutuudu woije ecammajä’nei, soto wwäiñeene na’deuwa ñäädä; ijäädu’toto’comooje na’deuwa, yäätuujato’comooje mmaja, i’wa’toto’comooje mmaja.

2 CODINTIYO 12:19

Ñaa woowontädö atäi’cha ca mädä mecaanö’atoodö jääcä. Ng’jn, Wanaadi owaadäädä dajaane ñaa na’deuwa Quidiito woije. Aashicha awa’tö’näjöödöcoomo jäcäinchädä mädääje ya’deuwa.

2 CODINTIYO 13:9

Yääje yeijäcä cone’da ännö’da ñaa na jäduuje’da töweichö, jäduuje dea aweiya’comjäcä änwanno. Wanaadi wwä wa’deunäje dea ñaa na’de chäänönge jeene äwä’dödööcomo wetä.

EUJEESIYO 4:12

Mädääje töwö Quidiito tösootoi wetaadawa’cajooto’como cuntui, chäänönge yeichöcoomo wetä tötaadawaajuichomo tödöödö jäcä, aashicha quedeiyentecoomo i’wa’tädööcomo wetä mmaja chäwwäiñe, ñanno Quidiito ejööje naatoodö.

EUJEESIYO 4:29

A’deu conemjönö mma äntaiñe mämja’canö’jotäi, aashichaato dea mmaane, ’wa’tänei chea mmaja, wa’deutojo cu’nädö awä mma, tameedä etannamo aashicha etaiyeto.