DOMAANO 15:19 - Wanaadi A'deddu

¹⁹ ene’ju’tojo tödöödö que mmaja, täneemö tödöödö que mmaja; Epíiditu Santo jäduudu que yää wödööne. Mädääje wä’cane Quidiito wätunnäi ecammajäätödö, yää aashichaato wätunnä. Yää wecammajä’ne Jeduusadén ña, tameedä yeichö wa’cä mmaja, Idíidico ña tödööene.

DOMAANO 15:19 ပူးပေါင်းရင်းမြစ်များ

MATEO 12:28

Öwö mmaane odo’sha tömja’canö’jo wäänene ñäädä Wanaadi dö’sennoto Epíiditu Santo jäduudu que. Yääje yeijäcä odhoowanääcäiñe eijai ña Wanaadi acaajichaanaichomooje yä’dötoojoje yeichö.

JUAN 4:48

Jesuuquidiito cönä’döaacä chäwwä: —Ene’ju’tojo mmaja, aashichaato mmaja, aneene’da aweiya’comjäcä ecaanö’jai’cha maato; quee.

DOSECHO 1:8

Änwanno äjääduduucomo na’de Epíiditu Santo yä’ta’jäcä äjääcäiñe. Yaawä cäcammajä’ato’de Jeduusadén ña, tameedä Judheea ña mmaja, Samaadiya ña mmaja, tameedä yeichö wa’cä edä nono de’wä; quee cönä’döaacä Jesuuquidiito.

DOSECHO 13:14

Yää ’jeje Peedeje ñanno Paudo cöntonto yaawä Antiyooquía ña, yää Pisiidiya ñano jata. Iiña we’jummatoojo taca cönoomomöicho wäädeetatoojo anooto awä; cönaatajiimaicho yaawä.

DOSECHO 13:51

Yaawä Paudo tösaajatuichomo cönse’secaicho, yäätoncomo soto eta’se’da yeichöcoomo ene’ju’tojooje. Yaawä Icooniyo ña cöntonto.

DOSECHO 14:10

Yaawä Paudo töcä’de cöna’deuwöi; cönä’döaacä: —Aanöncä, jiidi eichä, sa’donna; quee cönä’döaacä Paudo secumjato wwä. Ñäädä cönammöi yaawä töwoojoimadööje mma.

DOSECHO 14:20

Yaawä quedeiyentecoomo tawoodhecääcä ye’jumma’comjäcä Paudo cönammöi; jataaca cöntäma yaawä. Yää jenamma naadöje Deedewe ña cöntäma Waanawé acä.

DOSECHO 14:25

Peedeje ña Wanaadi a’deddu ecammajä’a’jäcä cöntonto yaawä Ataadiya ña.

DOSECHO 14:6

Yaawä täma’seiñe yeichöcoomo eta’jäcä Paudo cönäänejeicho Waanawé acä; Diitada ña cöntonto, Deedewe ña mmaja, yää Dicaaoniiya ñano jata. Tameedä yää weichö wa’cä cönäämannäjöicho

DOSECHO 15:12

Yaawä tameedä ñanno cöneeta’jöjäätöicho; cöneeta’to yaawä Waanawé wwä ecammajäätödö Wanaadi nödö’jödö aashichaato töjääcäiñe; Paudo wwä ecammajäätödö cöneeta’to dea. Ñanno Paudo, Waanawé cöneecammajäätöicho Wanaadi wwä ene’ju’tojo tödööjo’jödö töwwäiñe judhíojöncomo neneedöcoomoje.

DOSECHO 16:18

Jooje anooto mädääje cönä’jaacä. Yaawä Paudo cönquinchai yää etaadö. Töwö cönä’jedennacai ñäädä ajei’choto’jaato wwadäädä; odo’sha wwä cöna’deuwöi, ñäädä chaaca cönä’ja’dö wwä; cönä’döaacä: —Jesuuquidiito eetö joi mämja’canö’ja; quee. Yaawä dea mma ñäädä odo’sha cöneeja’cai.

DOSECHO 17:10

Yaawä coijai yä’döa’jäcä Wedeea ña quedeiyentecoomo Paudo cönenno’jaicho, Siida mmaja. Iiña Paudo wä’döa’comjäcä judhío we’jummato’como taca cönoomomöicho yaawä.

DOSECHO 17:15

Ñanno Paudo adännamo Ateena ña cönaadoicho; yäätä Paudo ñänga’jäcä tönwanno cönennacaicho yaawä ya’deuwö’jödö dha’me. Edääje Paudo cönä’döaacä chäwwäiñe: —Eduuwaiche mma döiña neejö’ña’to Siida, Tiimoteo mmaja; quee.

DOSECHO 18:1

Yääje mma yaawä Paudo Ateena ñanno cöntämä Codinto ña.

DOSECHO 18:19

Eujeeso ña töwä’döa’comjäcä Paudo cönsancwaicho yaawä Pidiisiida, Aquiida mmaja. Töwö cöntämä yaawä we’jummatoojo taca. Yäätä cöna’deujä’acä judhío we’jumma’como jadäiñe.

DOSECHO 19:1

Yääje mma yaawä Codinto ña Apoodo weichö Paudo cönäämannä’acä aneiñaja; töwö cönä’döi yaawä Eujeeso ña. Yäätä cöneejodöicho anejjacoomo quedeiyentecoomo.

DOSECHO 20:20

Yääje yeichaame ane’nomja’da töweiye wä’jaaquene äwäätuujadööcomo. We’jummanaawä odhoowanoomatäiñe töweiye wä’jaaquene, adhe’sacaiñe mmaja.

DOSECHO 20:6

Yää ’jeje yaawä uu ummannä’cajootojo ’jemjönö taut’ojo comjedensiyai’chädö ija’dä’ja’jäcä ñaa cöneeja’cai Jidiipo ñanno jidaawa awä. Ijaatoodea anoototo ai Todoowa ña ñaa cönoojodöi yaawä ñanno jadäiñe, ñaa owaajo cöntontodö jadäiñe. Yäätä ñaa cönä’jaacä aacä amoojato anooto.

DOMAANO 15:13

Ñäädä Wanaadi, cönwomoocödööcomo u’neije na; töwö adha’cwaniiyöcoomo nu’a, täncanoode’da aweicho’como mmaja, täcamjödö jäcäinchädä. Yaawä Epíiditu Santo woije wo’womo’nä ’je eijai maato.

DOMAANO 15:16

Töwö Wanaadi yöödöne Quidiito anoonöje, judhíojöncomo wwäiñe ecammajäätödö wetä Wanaadi wätunnäi, yää aashichaato wätunnä. Yää töneecammajä’e wäänene Wanaadi wwä judhíojöncomo utuudu wetä yaawä öwwä, saaquidiijiisiyo utuudu töweiye naichöje, Wanaadi wacö’je, Epíiditu Santo nishoomadööje mmaja.

DOMAANO 15:24

yääje yeijäcä Epaña ña öötädaawä ädö’täcäiñe wöta’de. Yaawä numa’cäiche ajaadäiñe wä’döa’jäcä änwanno ö’wa’täjai maato Epaña ña öötädö jäcä.

1 CODINTIYO 2:4

Ya’deddu, neecammajäätödö mmaja, cönä’jaacä a’deu aashichaato que acaana’cato’comooje’da, soto sejjedö que’da mmaja, Epíiditu Santo neneejodö queene, Wanaadi jäduudu que mmaja.

2 CODINTIYO 12:12

Wä’shinchancädä adhantawäiñe yeetadaawa’cajoone; yaawä anontaajäje chäänöngatooje weichö cönääne’ju’joi öwwä täneemö tödöödö que, ene’ju’tojo tödöödö que mmaja, aashichaato tödöödö que mmaja.

CAADATA 3:5

Wanaadi wwä Epíiditu Santo u’a’jäcä äwwäiñe, aashichaato adhantawäiñe tödööa’jäcä mmaja, ¿ane’cäämö jäcäinchädä yää tönnöe weneene? Jenaado’jä waanontänä tödöödö jäcäinchädä’da yää nödööa, ta’deddu aneeta’jocoomo ecamjödö jäcäinchädä mmaane.

CODOOSENSE 1:25

Öwö wa quedeiyentecoomo anoonöje, äjääcäinchädäiñe taadawaajui Wanaadi nutuudu woije, tameedä Wanaadi a’deddu ecammajäätödö wetä öwwä,

1 TEESADOONISENSE 1:5

Ñaa wwä aashichaato wätunnä ecammajä’a’jäcä äwwäiñe, ecammajäätödö que mma’da ñaa cöneecammajäätöi, Epíiditu Santo jäduudu que mmajaane, chäänönge yeichö ñaa owaanäcä yeiyancädä mmaja. Odhoowanääcäiñe na äjääcäinchädäiñe aashicha adhantawäiñe ñaa wei’jödö.

2 TIIMOTEO 4:17

Cajiichaana mmaane jaadä cönä’jaacä; töwö jäädudu cuntui tacoichaane ta’deddu ecammajäätödö wetä öwwä judhíojöncomo netaadöcoomoje. Mädääje Cajiichaana yeewanaacane mado jonno;

EEWEDEO 2:4

Wanaadi mmaja chäänönge yää wätunnä weichö cöneenejoi ene’ju’tojo tödööjodö que, täneemö tödööjodö que mmaja, jooje aashichaato tödööjodö que mmaja, aneejejaiñene’jödöödä Epíiditu Santo utuudu que mmaja, tumjummadö woije.

1 PEEDHODO 1:12

Wanaadi chäwwäiñe cöneecammai yää chäwwoncomooje’da yeichö, cöwwoncomoojeene. Yää äwwäiñe täcamma na eduuwa aashichaato wätunnä ecammajä’nnamo wwäiñe, ñäädä Epíiditu Santo caju ñanno anontaajä jäduudu que. Wanaadi amoodedö mmaja towaanäcäiñe yei’she naato dea yää.