DOMAANO 15:14 - Wanaadi A'deddu

¹⁴ Jimmä, öwö yoowanääcä na aashichaato tönnöe aweichöcoomo, töseedujä’ne aweichöcoomo mmaja, änwannoje dea ä’wätuujajai aweichöcoomo mmaja.

DOMAANO 15:14 ပူးပေါင်းရင်းမြစ်များ

1 CODINTIYO 1:5

Quidiito jadä aweichomjäcä tameedä Wanaadi nutuudu aashichaato äwwäiñe na, awa’deuto’como, tösejjeque aweicho’como mmaja.

1 CODINTIYO 12:8

Anejja wwä Epíiditu Santo ai Wanaadi nu’a tösejjeque ya’deutojo; anejja wwä ’quene Wanaadi nu’a towaanojo’ne ya’deutojo, ñäädä dea Epíiditu Santo ai.

1 CODINTIYO 13:2

Wanaadi nutuudu woije ecammajä’neije weiya’jäcä mmaja, jooje towaanojo’ne weiya’jäcä mmaja, ecamjödö öwwä töweiye yeiya’jäcä jöö eseecatoojo jadä’jödöödä, yaawääne’ wä’jummanä ’je’da weiya’jäcä a’que wa.

1 CODINTIYO 8:1

Edääje wä’dö’se wa eduuwa äwanshi jäcä, yää saaquidiijiisiyooje chu’taajä wwä u’ajä jäcä. Towaanojo’ne cöweichaameiñe mma’ne mädä jäcääne’, yaawääne’ yää towaanojo’ne weiñä o’jodhe tö’tamme’jojä’tä mma töweiye nai; wä’jummanä mmaane ’wa’tätä na.

1 CODINTIYO 8:10

Chu’taajä weichojo taca äwääwashincha’jäcä naadö naane’; amäädä yää chu’taajä jäcä chö’tajäätö’da aweichaame anejja quedeiyente jäduujemjönö tö’tajäätödö adheenejai yaawä iiña aweichö. Töwö mmaja yää chu’taajä wwä u’ajä tänääjai ña dea yaawä.

1 CODINTIYO 8:7

Tameedä’da soto mädä dhowaanäcäiñe na. Anejja chu’taajä jäcä töwäämu’ca töwei’jödö weijäcä yää chu’taajä wwä u’ajä tänääjai ña yääje tötö’tajä’ancädä: “Chu’taajä wwä u’ajä wänääanä;” quee tötö’tajä’ancädä. Yaawä jäduuje’da tötö’tajäätödö weijäcä conemjönö nejoodöja tötö’tajäätödö ai.

2 CODINTIYO 8:7

Änwanno anejja jäcä a’que’da’da maato: ecamjödö jäcä, ecammajäätödö jäcä mmaja, sejje jäcä mmaja, chäänönge tödööjätö’se weiñä jäcä mmaja, ñaa jummadö jäcä mmaja. Yääje yeijäcä yää aashichaato tödöödö wecammaadö jäcä mmaja a’que’da’da eijai maato dea.

EUJEESIYO 5:9

Yää tawaanato aca weiñä nä’dhe’ma ta’cwaiñe weiñäje, chäänöngatooje mmaja, aashicha weiñäje mmaja.

JIDIIPENSE 1:11

Mädääje Jesuuquidiito ni’wa’tädö que aashichaato tödöödö ’je eijai maato. Yaawä tacaade eijai ña aashicha Wanaadi weichö; aashicha soto a’deujai ñaato yaawä chääjäcä.

JIDIIPENSE 1:7

Chäänönge mädääje äjääcäiñe tötö’tajä’e wäänene, öwwä tujunne aweijäcäiñe. Jedeesoje weichö jeiñe mma, aashichaato wätunnä chu’de’tännamo ye’wononcadööje weichö jeiñe mma, ecammajäätödööje weichö jeiñe mma, tameedä änwanno jaadä tönooneja mmaja Wanaadi nutuudu aashichaato.

CODOOSENSE 3:16

Ätö’tajäätödööcomo acaadä Quidiito a’deddu tödöötäcä; yäätä ejannä’catääcä. Ajimmotoncomo owaanomaatäcä, yäätuujatääcäde tameedä asejjedööcomo que. Adheewanööcomo jäcä aashicha Wanaadi jäcä ätö’tajä’ancädäiñe adheecanta’ñätääcä saadomo jäcä, anejja wecanta’ñotoojo jäcä mmaja, ätö’tajäätödööcomo ai mmaja.

1 TEESADOONISENSE 5:11

Yääje yeijäcä ä’wa’dätääcä änwannoje dea; ä’jädu’tätääcä, tönnöe määnetäänedööje dea.

1 TEESADOONISENSE 5:14

Jimmä, edääje mmaja ñaa äwäätuujaato dea: Yootuujatääcä ñanno töquiiña’como. Wentumja’como tö’tajäätödö ya’dätääcä; jäduujemjöncomo i’wa’tätääcä. Äätömaacoije’da eichäcä tameedä soto jäcäiñe.

2 TEESADOONISENSE 1:11

Yääje yeijäcä Wanaadi wwä töwa’deuwe ñaa weneene äjääcäiñe. Töne’ca’e ñaa weneene tanoonöje ayöödöto’como. Ijäädudu que ä’wa’tojootäiñe ñaa weneene dea, tameedä aashichaato tödö’se määnetäänedö jäcä, ännödööcomo jäcä mmaja, yää aneecamjödööcomo que tönnöe määnetäänedö.

2 TIIMOTEO 1:5

Tötö’ta wäänene aneecamjödö chäänöngato jäcä, yää awa’deene onootö Dowiida wwä cönä’jadö, yää ’jeje aanö Euniise wwä cöna’ja’dö mmaja, eduuwa amäädä äwwä daja nichö’ta.

JIIDEMÓN 1:21

Äwwadäädä wimennäi neecammadö tödööjai aweichö yoowanääcä yeiyancädä. Yoowanääcä na wecammaichö e’jodhe’cä töödööjai aweichö.

EEWEDEO 5:12

Owaanomannamoojeene meichädöödö’je eduuwa änwanno, numa äwä’döeetöcoomo’da. Dha’da maato, towaanomaamoje dea maato Wanaadi a’deddu sö’jemjönö’cä jäcä. Shiichu’cä shuushu ennei töweiye naichöje maato, ijuunu tänääjai’cha.

EEWEDEO 6:9

Yääje ñaa nä’döaadö’je äwwäiñe, änwanno jimmä umjummadö, yaawääne’ yääje’daane ätö’taato; yääwanaaca’como weichö nöngeene ätö’taato.

2 PEEDHODO 1:12

Yääje yeijäcä weiñäje ätö’tamme’jodööcomooje dea wäänene mädä jäcä, odhoowanääcäiñe yeichaame, jäduujeedä aweichaameiñe mmaja mädä chäänöngato äwwäiñe naadö jäcä.

1 JUAN 2:21

Chäänöngato odhoowanääcäiñe’da aweichöcoomo jäcäinchädä’da äwwadäädäiñe wimenna, odhoowanääcäiñe yeichö jäcäinchädääne. Änwanno odhoowanääcäiñe wä’duntänä chäänöngato woije’da yeichö.