DOMAANO 15:13 - Wanaadi A'deddu

¹³ Ñäädä Wanaadi, cönwomoocödööcomo u’neije na; töwö adha’cwaniiyöcoomo nu’a, täncanoode’da aweicho’como mmaja, täcamjödö jäcäinchädä. Yaawä Epíiditu Santo woije wo’womo’nä ’je eijai maato.

DOMAANO 15:13 ပူးပေါင်းရင်းမြစ်များ

JUAN 14:1

“Cone’da’daane eichäcä adheewanööcomo jäcä. Wanaadi ecaanö’täcä, öwö mmaja cäcaanö’täcääde.

JUAN 14:27

“Öötääje täncanoode’da aweicho’como wu’a, yää öwwono. Täncanoode’da weiñä edä nono de’wono nöngemjönö wu’a äwwäiñe. Cone’da’daane eichäcä adheewanööcomo jäcä; tösaade’da mmaja eichäcääde.

DOMAANO 12:12

Ta’cwaiñe eichäcä onwomoocödööcomo jäcä. Aashicha shinchätääcä äwäntunamjödööcomo. Yeichöje Wanaadi wwä adha’deutäcä.

DOMAANO 14:17

Wanaadi sotoije weiñä töweiye nai äwanshi jäcäinchädä’da, wocö jäcäinchädä’da mmaja, chäänönge weiñä jäcäinchädääne, täncanoode’da weichojo mmaja, ta’cwaiñe weiñä mmaja, yää Epíiditu Santo nutuudu.

DOMAANO 15:19

ene’ju’tojo tödöödö que mmaja, täneemö tödöödö que mmaja; Epíiditu Santo jäduudu que yää wödööne. Mädääje wä’cane Quidiito wätunnäi ecammajäätödö, yää aashichaato wätunnä. Yää wecammajä’ne Jeduusadén ña, tameedä yeichö wa’cä mmaja, Idíidico ña tödööene.

DOMAANO 15:5

Ñäädä Wanaadi yäätäädä aweicho’como nu’a, äwä’wa’dätö’como mmaja. Töwö ä’wa’taato aata’deucwe aweichöcoomo wetä, Jesuuquidiito jadoncomo töweiye naichodööje deaane.

1 CODINTIYO 2:4

Ya’deddu, neecammajäätödö mmaja, cönä’jaacä a’deu aashichaato que acaana’cato’comooje’da, soto sejjedö que’da mmaja, Epíiditu Santo neneejodö queene, Wanaadi jäduudu que mmaja.

2 CODINTIYO 9:8

Wanaadi tameedä aashichaato u’jai ña äwwäiñe, ewontancädä’da; yaawä chääwa’cä äwwäiñe na’de äwwäiñe tujunnato; chääwa’cä mmaja na’dede aashichaato tödööemööje.

CAADATA 5:22

Epíiditu Santo nödöödö weja’caajä mmaane wä’jummanä, ta’cwaiñe weiñä mmaja, täncanoode’da weiñä mmaja, aashicha shinchädö mmaja, tamääne’da weiña mmaja, aashichaato jummadö mmaja, chäänönge weiñä mmaja,

EUJEESIYO 1:2

Aashichaato, täncanoode’da aweicho’como mmaja, äwwäiñe yei’she wa, Cumöötoncomo Wanaadi nutuudu, Cajiichaana Jesuuquidiito nutuudu mmaja.

1 TEESADOONISENSE 1:5

Ñaa wwä aashichaato wätunnä ecammajä’a’jäcä äwwäiñe, ecammajäätödö que mma’da ñaa cöneecammajäätöi, Epíiditu Santo jäduudu que mmajaane, chäänönge yeichö ñaa owaanäcä yeiyancädä mmaja. Odhoowanääcäiñe na äjääcäinchädäiñe aashicha adhantawäiñe ñaa wei’jödö.

1 TIIMOTEO 1:1

Öwö Paudo, Jesuuquidiito nanontädö, Cäwaanacaaneichomo Wanaadi nanontä’jödö woije, Cajiichaana Jesuuquidiito woije mmaja, ñäädä cönwomoocödööcomooje naadö.

EEWEDEO 6:11

Mädääje dea tameedä aweichonse ñaa na, yaatameedö jonaane, chäänönge äwwäiñe yä’dödö wa’cä yää onwomoocödööcomooje naadö.

1 PEEDHODO 1:8

Ñäädä Jesuuquidiito mijummaato eneedö’jo’da; eduuwa aneene’da aweichaameiñe mmaja mecaanö’ato, ta’cwaiñe aweiyancädäiñe, yää ecammadö e’jodhaato a’cwani aashichaato que.