DOMAANO 14:6 - Wanaadi A'deddu

⁶ Ñäädä anooto ooto’jodhe tödöönei, Wanaadi wwonooje yääje nödööa. Ñäädä ooto’jodhe anooto ännöjöönö, Wanaadi wwonooje mmaja yääje nödööa dea. Ñäädä tameedä tänäänei, Wanaadi wwonooje yääje nödööa, aashicha Wanaadi wwä töwa’deuwancädä. Ñäädä tameedä änämjönö, Wanaadi wwonooje mmaja yääje nödööa dea, Wanaadi wwä aashicha töwa’deuwancädä mmaja.

DOMAANO 14:6 ပူးပေါင်းရင်းမြစ်များ

MATEO 14:19

Yaawä Jesuuquidiito soto cönaajimaajoicho woi ye’wä. Töwö uu cönannäjöi yaawä, yää ijaatoodea i’yaca’jödö, na’cwacaano’ca mmaja, a’nädäncädä. Caju ña ene’mancädä yää äwanshi jäcä cöna’deuwöi yaawä. Yaawä uu cöni’yajäätöi. Tönoowanoomadö wwäiñe cuntui. Ñanno cöneecamoicho yaawä soto wwäiñe.

MATEO 15:36

Yää aacä amoojato i’yaca’jödö cönannäjöi yaawä, na’cwacancomo’cä mmaja. Töwa’deuwödö’jo yää cöni’yajäätöi. Tönoowanoomadö wwäiñe cuntui yaawä. Tönwanno cöneecamoicho soto wwäiñe.

JUAN 6:28

Yaawä tönwanno cöneecamma’joicho: —¿Aaquene Wanaadi tadaawaajui tödööjai ñaa nai? quee cönä’döa’to.

CAADATA 4:10

Änwanno tönaamoi’chä määnetääne anooto, nuunä mmaja, chu’nä’taajä mmaja, wedu mmaja.