DOMAANO 14:4 - Wanaadi A'deddu

⁴ ¿Änääcö amäädä anejja sotoi chiiñemeecödö wetä? Chäädhajääne mädä encano’täjai ña, chäänönge yeichö jeiñe mma, chäänönge’da yeichö jeiñe mma. Chäänöngeene na’de, Cajiichaana Jesuuquidiito jäduuje yeijäcä mädä tödöödö jäcä.

DOMAANO 14:4 ပူးပေါင်းရင်းမြစ်များ

DOSECHO 11:17

Epíiditu Santo Wanaadi cuntui chäwwäiñe, ñanno judhíojöncomo wwäiñe, cöwwäiñe Cajiichaana Jesuuquidiito ecamjödaawä cuntuichöje mmaja. Edääje tö’tajä’aqueene yaawä: ¿Aaquene mmaja Wanaadi woijatooje yeichaame wanincha’mecöödö deeade’ ? quee tö’tajä’aqueene; quee cönä’döaacä Peedhodo chäwwäiñe.

DOMAANO 11:23

Ñanno judhío wwäiñe mmaja ecaanö’a’jäcä ääwaacajoojai ñaato dea yaawä töwei’jocoomo aca mmaja. Wanaadi jäduuje na; töwö yei’jocoomo aca mmaja tödööjai ñaato dea.

DOMAANO 14:3

Ñäädä tameedä tänäänei chiiñeme’jai’cha na ñäädä änämjönö; ñäädä änämjönö ’quene cone’da a’deujai’cha na dea tänäänei jäcä, Wanaadide tönnedööje tödööeetö’da.

DOMAANO 16:25

Aashicha wa’deutojooje Wanaadi ña; töwö äjäädu’täjaiñe na aashichaato wätunnä töneecammajä’e wääneneedö que, Jesuuquidiito ecammajäätödö que mmaja, yää edä nono tödö’jödö jonnoto’jödöödä owaanäcä’da cönä’ja’dö.

DOMAANO 9:20

Amäädä mmädä, soto mmädä, Wanaadi maneccujäätödööde’. ¿Yääje ca ädiiñä amoode’naajä ä’döjai ñai tamoode’nänei’jödö wwä: “ ¿Ane’cotoojo mädääje camoode’näne?” quee?

EEWEDEO 7:25

Yääje yeijäcä töwö yeichöödäje ewaanacaajai ñaato ñanno töjoinchomo Wanaadi wwadäädoncomo wötäädö, yeichöödäje nudä töweijäcä; chääjäcäinchädäiñe töwö töwa’deuwe weneene Wanaadi wwä.

1 PEEDHODO 1:5

Änwanno Wanaadi töneecanö’e aweichomjäcä töwö töjäädudu que adheedai’chätäiñe weneene, äwääwanaacato’como ejoodödö wetä äwwäiñe, yää yaatameedawä täneejoomöje naadö.

JUUDHA 1:24

Ñäädä Wanaadi jäduuje na aweejuccadööcomo queiñe adheedai’chädööcomooje. Töwö chäwwä na töweichojo aashichaato döiña adhaadoto’como, conemjönö ’je’da, ta’cwaiñe mmaja.