DOMAANO 14:22 - Wanaadi A'deddu

²² Äwwä mma tödööcä mädä aneecamjödö, Wanaadi owaadäädä. Ta’cwaiñe ñäädä tötö’tajäätödö tönsa’duminchadö jäcä cone’da ä’döjoojönö.

DOMAANO 14:22 ပူးပေါင်းရင်းမြစ်များ

DOSECHO 24:16

Yääje yeijäcä yoowadäädä töweiye wäänene conemjönö tödöödö queiñe Wanaadi jäcä, soto jäcä jeiñe mma.

DOMAANO 14:14

Quedeiyenteje weijäcä edääje wä’döa, Jesuuquidiito owaadäädä: Yoowanääcä na ane’cä’cä amoije’da yeichö. Yaawääne’ anejja wwä amoije ane’cä’cä chö’ta’jäcä, chäwwä amoije na.

DOMAANO 14:2

Anejja tameedä tönänque töweiye nai; anejja ’quene jäduuje’daiche töneecamjödö jäcä töweijäcä natö mma näu’cwa.

DOMAANO 14:23

Ñäädä amoije yeichö chö’tamme’cancädä tänäänei mmaane, conemjönö nödööa, ecamjödö woije’da tänä’jödö weijäcä. Tameedä ecamjödö woijemjönö tödöödö conemjönööje na.

DOMAANO 14:5

Anejja soto anooto ooto’jodhe nödööa; anejja wwä ’quene äänönge dea anooto na. Töwaadäiñe nisha’dumincha’ña’to tötö’tajäätödööcomo.

DOMAANO 2:1

Yääje yeijäcä awa’deutojo ’je’da na amäädä töweichacoono a’de’tänei. Aweichacoono a’de’tädö que amäädä mmaja mata’de’ta dea, yää dea tönnöeene aweiyajä. Amäädä äwwä a’de’tätaame mödööa dea töwö iiñödö nönge.

DOMAANO 7:15

Önnödö yoowanääcä’da weneene; yääne waacö’jönööne tönnöe wäänene.

DOMAANO 7:24

Mädääje wentumje wäänene. ¿Anääcö yeewanaacajai ñai juunu nijummadö jonno, yää wäämatoojoje naadö jonno?

1 CODINTIYO 8:7

Tameedä’da soto mädä dhowaanäcäiñe na. Anejja chu’taajä jäcä töwäämu’ca töwei’jödö weijäcä yää chu’taajä wwä u’ajä tänääjai ña yääje tötö’tajä’ancädä: “Chu’taajä wwä u’ajä wänääanä;” quee tötö’tajä’ancädä. Yaawä jäduuje’da tötö’tajäätödö weijäcä conemjönö nejoodöja tötö’tajäätödö ai.

2 CODINTIYO 1:12

Ta’cwaiñe ñaa weneene, aashicha tötö’tajä’e ñaa weneene dea ñaa owaanäcä yeijäcä aashicha töwei’jödö, chäänönge töwei’jödö mmaja, edä nono de’woncomo antawäiñe, änwanno adhantawäiñe mmaja. Ñaa sejjedö que’da mädääje ñaa cönä’jaacä; Wanaadiiñe ñaa ’wa’täne.

CAADATA 6:1

Jimmä, conemjönö wwä ajimmotoncomo woto’jodheinchaja’jäcä änwanno chäänönga’como yeeconeecadö jäcä i’wa’täjai maato yaawä, cho’jodhe ätö’tajä’ancädäiñe’da. Awaadäiñe äädai’chätääcä, änwanno mmaja mä’yunaacajooto’node.

SANTIYAACO 3:13

¿Änääcö adhantawäiñe towaanojo’ne nai, töseedujä’ne mmaja? Yääje yeiya’jäcä ñäädä tösejjedö neneejo’ñojo aashicha töweichö que, o’jodhe chö’tajäätö’da töweiyancädä, töseedujä’nato neene töweiye naichöje.

1 JUAN 3:21

Yääje yeijäcä jimmä umjummadö, conemjönö ’je’da cötö’ta’comjäcä, töjöiye’da eijai caato Wanaadi owaadäädä.