DOMAANO 14:19 - Wanaadi A'deddu

¹⁹ Yääje yeijäcä yääne quencano’täto’ñojo, täncanoode’da cöweichöcoomoone, cöwe’wa’tädööcomo mmaja.

DOMAANO 14:19 ပူးပေါင်းရင်းမြစ်များ

MATEO 5:9

“Ta’cwaiñe eijai ñaato ñanno äätu’dedööje’da weiñä jäcä soto yäätuujannamo; tönwanno Wanaadi nnacoomoje nätä’täjaato’de.

MAADOCO 9:50

Aashicha saayu töweiye nai. Yaawääne’, dha’cwötöödö wataamea’jäcä, ¿aaquene ma’cwötöömaiyede yaawä? Saayu ’je eichäcä änwannoje dea, ta’cwaiñe eichäcä ajimmotoncomo jäcäiñe; quee cönä’döaacä Jesuuquidiito.

DOMAANO 12:18

Täncanoode’da eichäcä tameedä soto jäcäiñe, eijai aweichöcoomo woije.

DOMAANO 15:2

Cöwaadäiñe cöjimmotoncomo weichö encano’täjai caato, aashicha yeichöcoomo wetä, yaatö’näjöödöcoomo wetä mmaja töneecamjödööcomo jäcä.

1 CODINTIYO 10:23

Chäänönge yääje soto töwä’döe weneeneto: “Tameedä tödööemje na;” quee. Yääje yeichaame tameedä’da aashicha dötä na. Tameedä tödööjai cöweichaameiñe tameedä’daane ’wa’tätä na.

1 CODINTIYO 10:33

Mädääje wäänene öwö, tameedä soto a’cwaimato’como tunuujiye, öwö aashicha weichojo ujiiyancädä’da, tönwanno aashicha yeicho’comoone, yääwanaacadööcomo wetä yaawä.

1 CODINTIYO 14:26

Mädääje na jimmä; awe’jummadaawäiñe awaadäiñe tödööjai maato. Anejja wecanta’ñänä dha’me eijai ña, anejja ’quene woowanoomanä dha’me, anejja mmaane töwwä Wanaadi neneejodö, anejja a’deucwe wa’deunä jeiñe mma, yää ecammajo’tojo jeiñe mma. Tameedä yää tödööjai maato quedeiyentecoomo wä’jädu’toto’comooje.

1 CODINTIYO 14:3

Dha’da ñäädä Wanaadi nutuudu woije ecammajä’nei, soto wwäiñeene na’deuwa ñäädä; ijäädu’toto’comooje na’deuwa, yäätuujato’comooje mmaja, i’wa’toto’comooje mmaja.

1 CODINTIYO 14:4

Ñäädä anejja a’deucwato wa’deuwödö töwö dea mma nejäädu’ta. Ñäädä Wanaadi nutuudu woije ecammajä’nei mmaane tameedä quedeiyentecoomo nijäädu’taato.

1 CODINTIYO 14:5

Tameedä änwanno anejja a’deucwe awei’sheiñe waadö’je; Wanaadi woije ecammajäätödö mmaane jooje’cä jeene äwwäiñe yei’she wa. Yää ecammajäätödö anejja a’deucwe wa’deunä e’jodhe’cä na, täcamma’da ya’deuwö’jödö yeiya’jäcä, tameedä quedeiyentecoomo ä’jädu’täiyeto yaawä.

1 CODINTIYO 7:15

Quedeiyentejöönö e’nomjaneije yeiya’jäcä mmaane tödöötojo ’je’da na; tancanoode’da ñäädä quedeiyente eijai ña yaawä. Aashicha töweiyaamoje Wanaadi ca’dejjatääne, töwäätäuwaamoje’daane.

1 CODINTIYO 8:1

Edääje wä’dö’se wa eduuwa äwanshi jäcä, yää saaquidiijiisiyooje chu’taajä wwä u’ajä jäcä. Towaanojo’ne cöweichaameiñe mma’ne mädä jäcääne’, yaawääne’ yää towaanojo’ne weiñä o’jodhe tö’tamme’jojä’tä mma töweiye nai; wä’jummanä mmaane ’wa’tätä na.

2 CODINTIYO 12:19

Ñaa woowontädö atäi’cha ca mädä mecaanö’atoodö jääcä. Ng’jn, Wanaadi owaadäädä dajaane ñaa na’deuwa Quidiito woije. Aashicha awa’tö’näjöödöcoomo jäcäinchädä mädääje ya’deuwa.

2 CODINTIYO 13:11

Mädääje mma wä’dö’se wä’jaanä, jimmä. Chäänönge aweichöcoomo encano’tätääcä; ä’jädu’tätääcäde; aata’deucwe eichäcä; täncanoode’da eichäcääde. Yaawä Wanaadi ajaadäiñe eijai ña, ñäädä täncanoode’da weiñä edhaajä, wä’jummanä edhaajä mmaja.

EUJEESIYO 4:12

Mädääje töwö Quidiito tösootoi wetaadawa’cajooto’como cuntui, chäänönge yeichöcoomo wetä tötaadawaajuichomo tödöödö jäcä, aashicha quedeiyentecoomo i’wa’tädööcomo wetä mmaja chäwwäiñe, ñanno Quidiito ejööje naatoodö.

EUJEESIYO 4:29

A’deu conemjönö mma äntaiñe mämja’canö’jotäi, aashichaato dea mmaane, ’wa’tänei chea mmaja, wa’deutojo cu’nädö awä mma, tameedä etannamo aashicha etaiyeto.

1 TIIMOTEO 1:4

wätunnä wwadäädä ijaanata’da yeichöcoomo wetä mmaja, soto adai’choncomo’jödö ime’cu’tädö mmaja, yää yä’cadö ’jemjönö. Mädä ecammajäätödö que wätäccujä’nä mma noojodööa, Wanaadi tadaawaajui ecamjödööcato tödöödö jäcä mmaane wa’tätä’da na, yää cöwwäiñe töwö cuntuichö.

2 TIIMOTEO 2:22

Yääje yeijäcä äänejeecä mude’cäje weiñä cone’nadi jonno. Chäänönge weiñääne encano’täcä, ecamjödö mmaja, wä’jummanä mmaja, täncanoode’da weiñä mmaja, ñanno aashicha tötö’tajäätödööcomo yeiyancädä Cajiichaana ecaanö’nnamo jadäiñe.

EEWEDEO 12:14

Tameedä soto jäcä äätu’dedööje’da aweicho’como encano’tätääcä, aashicha aweiyancädäiñe. Ñäädä aashicha yeichö ’jemjönö Cajiichaana aneene’da na’de.

1 PEEDHODO 3:11

Nä’sancwa’ñojo conemjönö jonno; aashichaatoone nödö’ñojo. Täncanoode’da töweichojo nencano’to’ñojo; yää jäcä noowoincha’ñojoode.