DOMAANO 14:13 - Wanaadi A'deddu

¹³ Yääje yeijäcä cöjimmotoncomo chimmajä’jai’cha caato. Edääjeene eijai maato: Aweichacoono sadiijannä’caneije mma mei’che, conemjönö aca mma manaadimai’chede.

DOMAANO 14:13 ပူးပေါင်းရင်းမြစ်များ

MATEO 16:23

Jesuuquidiito cönä’jedennacai yaawä; cönä’döaacä: —Ääsecaacä yoowajonno, amäädä Caajuushawa. Saadijannä’ca’se’jödö mädääje adha’deuwa. Soto tö’tajäätödö nönge mma ätö’tajä’a, Wanaadi tö’tajäätödö nönge’da; quee cönä’döaacä Jesuuquidiito Peedhodo wwä.

MATEO 18:7

Cone’da dämma na sadiijannä’catä weiñä; ataamejaichojöönö yää. Yaawääne’ jooje wentumje na’de ñäädä soto sadiijannä’canei’jödö.

MATEO 7:1

“Ajimmotoncomo mma manemmencatäi’che, Wanaadi wwä mma mätämmencajooto’node änwanno.

DUUCA 12:57

“ ¿Ane’que’nei änwanno dea chäänöngato que ecooneca’da määnetääne?

DUUCA 17:2

Ñäädä mude’cä’cä yeecanö’nei shaadijannä’canei, täju ijöncäcä tö’wadö’tämje yei’jödö na, dama sö’jato ’cwaca emaadöje mma.

DOMAANO 11:9

Dawí mmaja yääje cönä’döa’dea: Yääwashinchädööcomo jadä’jödöödä yaatashiichuudoto’comooje nei’ñojo, cadancwani aca we’duccanä töweiye naichöje; encudiijamöiyeto yaawä, ä’cuseijaiyetoode.

DOMAANO 14:10

¿Ane’cotoojo aweichacoono memmencaanä amäädä? ¿Ane’cotoojo michiiñeme’canä? Tameedä dajaane cä’mencajaato’de Quidiito wwä.

DOMAANO 14:3

Ñäädä tameedä tänäänei chiiñeme’jai’cha na ñäädä änämjönö; ñäädä änämjönö ’quene cone’da a’deujai’cha na dea tänäänei jäcä, Wanaadide tönnedööje tödööeetö’da.

DOMAANO 14:4

¿Änääcö amäädä anejja sotoi chiiñemeecödö wetä? Chäädhajääne mädä encano’täjai ña, chäänönge yeichö jeiñe mma, chäänönge’da yeichö jeiñe mma. Chäänöngeene na’de, Cajiichaana Jesuuquidiito jäduuje yeijäcä mädä tödöödö jäcä.

DOMAANO 16:17

Edääje wä’dö’se wa äwwäiñe jimmä: Odhoowadäädäiñe tödöötäcä ñanno tönwannoje dea quedeiyente chu’de’tojonnamo, ñanno odhoowanooma’jocoomo juntaca asaadijannä’ca’sa’como. Ä’sancwatääcä ñanno jonnoiñe.

1 CODINTIYO 10:32

Soto sadiijanto’comooje mma meichäi’che, judhío jeiñe mma, judhíojöönö jeiñe mma, quedeiyente jeiñe mma.

1 CODINTIYO 11:13

Änwanno dea chö’tamme’täcä’ma; ¿aashicha ca töweiye nai Wanaadi wwä wodi wa’deuwödö tuju’jä ta’duque’da?

2 CODINTIYO 5:14

Quidiito wwä ñaa jummadö yeijäcä anejjeja eijai’cha ñaa na. Ñaa owaanäcä na tooniyaano dhanwa wääma’jödö tameedä soto jäcäinchädo’comooje; yääje yeijäcä tameedä naato yä’ja’a’como nönge.

2 CODINTIYO 6:3

Soto sadiijanto’como döancädä’da ñaa weneene, cone’da ñaa tadaawaajui jäcä ya’deuwödööcomo queiñe.

JIDIIPENSE 1:10

odhoowanääcäiñe yeichö wetä yaawä aashichaato jaiñoone edantädö. Mädääje conemjönö ’je’da eijai maato, tämentaamoje’da mmaja, Quidiito we’a’jäcä.

1 TIIMOTEO 5:14

Yääje yeijäcä ñanno mude’cäjeicha’como iiño wääma’jödö töwäätöiñonoone ätöiñonoojai ñaato, ennecaiyeto, tä’sadööcomo edai’chäiyeto; cutu’dedööcomo cöjääcäiñe cone’da ya’deutojo ’je’da yeichö wetä.

SANTIYAACO 2:4

Mädääje aweiya’comjäcä ooto’jodhe soto mödööato yaawä. ¿Chäänönge’da jönca ätö’taato yaawä mädääje soto emmencadööcomo äwwäiñe?

SANTIYAACO 4:11

Jimmä, ajimmotoncomo änquimmajäätö’daane eichäcä. Ñäädä töweichacoono chiimajä’nei, töweichacoono a’de’tänei mmaja, Wanaadi waanontädö nichiimajä’a; Wanaadi waanontädö nemmenca dea. Waanontä’jä emmenca’jäcä äwwä, waanontä’jä tödööneijönö yaawä amäädä, emmencanei mma.

1 JUAN 2:10

Ñäädä töweichacoono ijummanei mmaane tawaanato aca töweiye weneene; shaadijamjai’cha na töwö.

APOOCADIISI 2:14

Yääje yeichaame cone’daiche wa äjääcä. Iiña Peecamo ña töweiye na adhantawäiñe Wadan nowaanoma’jödö ecaanö’nnamo. Töwö Wadan Wadaaca tönoowanooma cönä’jaacä iisadaaediitacoomo shaadijannä’cadööcomo jäcä, chu’taajä wwä saaquidiijiisiyooje u’ajä tänäädö wetä yaawä chäwwäiñe, masuuduije yeichöcoomo wetä mmaja.