DOMAANO 14:10 - Wanaadi A'deddu

¹⁰ ¿Ane’cotoojo aweichacoono memmencaanä amäädä? ¿Ane’cotoojo michiiñeme’canä? Tameedä dajaane cä’mencajaato’de Quidiito wwä.

DOMAANO 14:10 ပူးပေါင်းရင်းမြစ်များ

MATEO 7:1

“Ajimmotoncomo mma manemmencatäi’che, Wanaadi wwä mma mätämmencajooto’node änwanno.

DUUCA 18:9

Yäätä cönä’ja’to anejjacoomo aashicha’como wääcamjödö, anejjacoomo soto chimmajä’nenaamo. Ñanno netaadöcoomoje Jesuuquidiito cöneecammajäätöi yaawä yö’seeno joi. Töwö cönä’döaacä:

DUUCA 23:11

Yaawä Edoodhe, shootoi suddau mmaja, Jesuuquidiito cönquimmajä’a’to. Tönwanno enno’jätöödöje cönwontoicho cajiichaana womö awä. Yaawä Edoodhe cöniiñacaanö’joi chea Pidaato wwadäädä.

JUAN 5:22

Jaaja soto anemmenca’da na. Töwö Tönnedö wwä cuntui soto emmencato’como.

DOSECHO 10:42

Töwö Jesuuquidiito ñaa anontäne soto wwäiñe ecammajä’e soto emmencaneichomooje tödö’jödö yeichö Wanaadi wwä, nudo’como emmencaneichomooje, yä’ja’a’como mmaja.

DOSECHO 17:31

Töwö Wanaadi cuncu’nä’täi soto emmencato’como anootoi’chädö. Chäänönge töwö nemmencajaato’de ñäädä dhanwa emmencaneichomooje töne’tädö wwä. Yääje yeichojo tacaade cönnöi yäämaajo jonno ñäädä dhanwa adoncadö que; quee cönä’döaacä Paudo Ateena ñancomo wwä.

DOSECHO 4:11

Ñäädä Jesuuquidiito yää täju änwanno maa amännamo michiiñeme’täneedö. Yää täju anno’tojooje na eduuwa.

DOMAANO 2:16

Yää anooto awä töwö Wanaadi Jesuuquidiito wwä nemmencaja’de tameedä tacaademjönö soto nödöödöcoomo. Mädääje na; mädääje dea aashichaato wätunnä töneecammajä’e wäänene.

1 CODINTIYO 4:5

Yääje yeijäcä awa’dennodä’daane emmencatääcä. Cajiichaana neejö’ñojo awa’de, yaawä töwö jaiñoone necaademe’ca’de tameedä tööjato aca etoone’taajä. Töwö necaademe’ca’dede tameedä soto tö’tajäätödööcomo; yaawä Wanaadi chääwaadäiñe niya’deme’caato’de iiñö’jocoomo ’cäwa’cä.

2 CODINTIYO 5:10

Tameedä cä’mencajaato’de Quidiito wwä; yaawä cöwaadäiñe cäje’jocoomo queiyato’de chäwwä, edä nono de’wä cönnö’jocoomo jäcäinchädä, aashichaato jeiñe mma, conemjönö jeiñe mma.