DOMAANO 13:7 - Wanaadi A'deddu

⁷ Tameedä aneejeque’näjöödöcoomo ejeematääcä. Audaajä jäcä ejeeque’nä’a’jäcä äwwä, ejeemacä, acu’shänä nejeemajoodö mmaja. Ñontätääcä ñäädä tönontäämö; o’jodhe ene’matääcä ñäädä o’jodhaato.

DOMAANO 13:7 ပူးပေါင်းရင်းမြစ်များ

MATEO 17:25

—Ee, tunu’e; quee cönä’döaacä Peedhodo. Ä’saca Peedhodo womonga’jäcä chäwwä Jesuuquidiito cöna’deuwöi awa’de; cönä’döaacä: —¿Aaquene nichö’taanä äwwä, Simón? ¿Änääcö wwä jödaata töne’ca’e weneeneto acu’shänä? ¿Tösootoichomo wwä ’ja, anejjacoomo wwääne? quee cönä’döaacä Jesuuquidiito Peedhodo wwä.

MATEO 22:21

Tönwanno cönä’döa’to: —Acu’shänä imennaajä mä’dä, töwö chäätö mmaja. Yaawä Jesuuquidiito cönä’döaacä chäwwäiñe: —Acu’shänä wwä u’täcä töwö chäwwono. Wanaadi wwono mmaane Wanaadi wwä u’täcä; quee cönä’döaacä Jesuuquidiito.

MAADOCO 12:17

Yaawä Jesuuquidiito cönä’döaacä chäwwäiñe: —Acu’shänä wwä u’täcä töwö chowwono. Wanaadi wwono mmaane Wanaadi wwä u’täcä; quee cönä’döaacä Jesuuquidiito. Tönwanno cöneeta’jöjäätöicho yaawä Jesuuquidiito wa’deuwödö eta’jäcä.

DUUCA 20:22

Edääje adheecamma’jo’se ñaa na: ¿Aashicha eijai ñai jödaata utuudu acu’shänä wwä, cone’daane? quee cönä’döa’to Jesuuquidiito wwä.

DUUCA 20:25

Yaawä Jesuuquidiito cönä’döaacä chäwwäiñe: —Acu’shänä wwä u’täcä töwö chäwwono; Wanaadi wwono mmaane Wanaadi wwä u’täcä; quee cönä’döaacä.

DUUCA 23:2

Iiña cönaajäntoicho yaawä ementädö; cönä’döa’to: —Määdhä ñaa cöneedantäi soto i’jedäädöcoomoje. Töwö chäwwäiñe jödaata äntujo’da acu’shänä wwä. Äwaanacaaneije töwäätä’tä weneene, cajiichaanaje mmaja; quee cönä’döa’to.

DOMAANO 12:10

Ä’jummatääcä töweichacoono ijummadö töweiye naichöje deaane, äwä’jummadö e’jodhe’cä aweichacoono ijummancädä, owo’nontancädäiñe mmaja.

DOMAANO 13:6

Mädääje yeijäcä dea acu’shänä jödaata töneejemaajo weneene äwwäiñe, jata cone’catoojoje. Ñanno acu’shänä naato Wanaadi anoonöje; tönwanno tötaadawaajuichomo jäcä töwoowoincha weneeneto.

EUJEESIYO 5:33

Yaawääne adheecammancädäiñe mmaja mädääje nä’döa dea. Änwanno tö’dha’como, awaadäiñe ajiiñanto’como ijummatääcä, äwä’jummadööcomo wa’cä dea; wodiiñamo mmaja töiñonootoncomo niñontä’ña’to.

EUJEESIYO 6:5

Änwanno tädhaajäca’como, adheedhajootoncomo edä nono de’woncomo woije eichäcä, ñontancädäiñe, aashicha tödööancädäiñe mmaja, tooni mma ätö’tajäätödööcomo tödööancädä, Quidiito wwä tödöödö töweiye naichöje.

1 TIIMOTEO 5:13

Töquiiñuta mmaja chiiñutaajai ñaato dea yaawä, ä’sa waadäi töwäämannäjöödöcoomo que; töquiiñe mma’da, wa’deuto’jönö jäcä töwa’deuwe mmaja.

1 TIIMOTEO 5:17

Ñäädä ansiyaano chäänönge soto edai’chäneichomo jooje’cä ijummajai maato, töwaacö’je ñanno ecammajäätödö jäconcomo wetaadawa’cajoodö, owaanomaadö jäconcomo wetaadawa’cajoodö mmaja.

1 TIIMOTEO 6:1

Ñanno tädhaajäca’como tädhaajotoncomo ñontäjai ñaato, anejjacoomo soto Wanaadi jäcä cone’da ya’deuwödööcomo queiñe, quedeiyenteje weiñä jäcä mmaja.

1 PEEDHODO 3:7

Yääje mmaja änwanno tö’dha’como, aneene’jutu’da’daane eichäcä ajiiñantoncomo tödöödö jäcä. Aashicha ajiiñantoncomo tödöötäcä, odho’näiche töwö ijäädudu weijäcä, a’nädäncädä Wanaadi nutuudu aweichöcoomo äwwäiñe yeijäcä mmaja. Mädääje aweiya’comjäcä Wanaadi wwä awa’deuwödööcomo emu’dänei ’je’da eijai ña.