DOMAANO 13:1 - Wanaadi A'deddu

¹ Tameedä eijai maato acu’shänä woije. Acu’shänä ’je’da na Wanaadi woijatoojemjönö. Canno acu’shänääje naatoodö Wanaadi woije mädääje naato.

DOMAANO 13:1 ပူးပေါင်းရင်းမြစ်များ

MATEO 6:13

Ñaa mäiñunaacajoi’che; tösancwajoone ñaa sancwajoocä conemjönö jonno. Ñäädä mma amäädä Cajiichaana Jäduujato, aashichato wa’deuto’mato mmaja, yeichöödäje. Amén; quee caichäcä’de.

JUAN 19:11

Jesuuquidiito cöneccujä’acä yaawä: —Wanaadi mädääje yöödöjo’se’da yeiya’jäcä yöödöjai’cha meichö. Ñäädä, äwwä yu’nei’jödö, jooje’cä jeene choone’nadiiyö na; quee cönä’döaacä Jesuuquidiito.

DOSECHO 2:41

Yaawä ñanno dha’deddu ecaanö’nnamo wautisaaje cönä’döjoicho. Yää anooto awä aaduwaawä miide quedeiyenteje cönä’döicho.

DOMAANO 12:21

Conemjönö wwä mma moto’jodheinchajoi; amäädääne conemjönö e’jodheinchacä aashichaato que.

DOMAANO 13:2

Yääje yeijäcä ñäädä acu’shänä woijemjönö Wanaadi woijato jäcä nä’jädu’ta. Ñäädä yääjato töwoije nätä’maminchaja.

EUJEESIYO 5:21

Äwwäädäiñe ä’tutääcä, Wanaadi tönnontä aweijäcäiñe.

1 TIIMOTEO 2:2

Acu’shänä jäcä mmaja Wanaadi wwä a’deujai ñaato dea, tameedä cajiichaanacoomo jäcä mmaja, täncanoode’da cöweichöcoomo wetä yaawä, ätäncano’tä’daane, aashicha cöweichöcoomo wetä mmaja, Wanaadi woije.

TIITO 3:1

Quedeiyente chö’tamme’jocooto acu’shäna woije yeichöcoomo wetä, cajiichaanacoomo woijeiñe mmaja, ñaanontädööcomo woije yeichöcoomo wetä, tameedä aashichaato tödööemö tödö’se yeichöcoomo wetä mmaja.

JUUDHA 1:8

Yääje yeichaame ñanno chäänöngemjöncomo, cantawäiñe tacaade’da yääwaaca’como wecammaatoodö, yääje mmaja naato dea. Töwäänetööa’como tönwanno. Täjööcomo töncone’ma weneeneto; Cajiichaana Jesuuquidiito tönquimmajä’e mmaja. Cone’da töwa’deuwe weneeneto dea tameedä tönoiña’como jäcä.

APOOCADIISI 1:5

Jesuuquidiito nutuudu mmaja, ñäädä ecammajä’nei chäänöngato, awa’deenato töwäämaajo jonno weja’caajä, ñäädä edä nono de’woncomo cajiichaanacoomo Edhaajotoncomo. Töwö Jesuuquidiito cujummaneichomo, cöcoone’nadiiyöcoomo jonno cöcoccatääne taquiiyö que.

APOOCADIISI 17:14

Tönwanno newäänä’taato’de Oweeja nnedö’cä jadä. Töwö Oweeja nnedö’cä ne’jodheinchaato’de, cajiichaanacoomo Cajiichaanaichomooje töweijäcä, ädhaamo Edhaajotoncomooje töweijäcä mmaja. A’dejja’como ñanno Oweeja nnedö’cä jadoncomo, Wanaadi neichö mmaja, chäänönga’como mmaja; quee cönä’döaacä amoode öwwä.

APOOCADIISI 19:16

Yoomö jäcä chäätö imennaajä cönä’jaacä, ijeetö jäcä mmaja. Cajiichaanacoomo Cajiichaanaichomo, ädhaamo Edhaajotoncomo mmaja, quee chäätö imennaajä cönä’jaacä.