DOMAANO 12:8 - Wanaadi A'deddu

⁸ ñäädä quedeiyente yäätuujaneichomo ’quene, yää jäcä daja oowoinchajai ña dea. Ñäädä täjemjönö u’jä’nei, ewontancädä’da u’jä’jai ña. Ñäädä quedeiyente e’se’täneichomo, towaadäädä töweiyancädä e’se’täjai ñaato. Ñäädä wentumja’como i’wa’täneichomo, ta’cwaiñe töweiyancädä yää tödööjai ña.

DOMAANO 12:8 ပူးပေါင်းရင်းမြစ်များ

MATEO 25:40

Yaawä Cajiichaana chäwwäiñe nä’döa’de: “Chäänönge yääje wä’döa äwwäiñe, tameedä sootoi jäcä mödöötäneedö, mäccö mmädä yeichaame töwö, öwwonooje dea yää mödöötäne;” quee nä’döa’de.

DOSECHO 11:23

Iiña ñäädä wä’döa’jäcä cöna’cwainchai yaawä chääjäcäiñe Wanaadi nödöödö aashichaato eneea’jäcä. Töwö cönwätuujaicho yaawä ejääduqueejö’da yeiyancädäiñe Cajiichaana woije yeichöcoomo wetä.

DOSECHO 13:12

Yaawä yää eneeä’jäcä acu’shänä cöneecamjöi, ñäädä Seejiyu Paudo täätö. Töwö yaacö’je cönä’jaacä Cajiichaana Jesuuquidiito jäcä ecammajäätödö etaadö.

DOSECHO 13:15

Ñanno we’jummatoojo tacancomo cöna’de’ta’to jenaado’jä waanontänä imennaajä, Wanaadi wa’deuwödö ecammannamo nimenno’jocoomo mmaja. Yää ’jeje we’jummatoojo edhaamo cönä’döa’to Paudo wwä: —Jimmä, soto wätuujato’como äwwäiñe töweiye yeiya’jäcä adha’deutäcä; quee cönä’döa’to.

DOSECHO 15:32

Ñanno Juudha, Siida mmaja töneecammajäätödööcomo que quedeiyentecoomo cönwätuujaicho, cömjädu’ta’to dea, Wanaadi wa’deuwödö ecammannamooje töweijäcäiñe.

DOSECHO 20:2

Töwö cönäämannäjöi tameedä yeichö wa’cä töneecammajäätödö que quedeiyentecoomo yäätuujancädäiñe. Yaawä Quedeesiya ña cönä’döi.

DOSECHO 20:28

Äädai’chätääcä’de eduuwa. Ajimmotoncomo mmaja edai’chätääcä’dede. Epíiditu Santo ayöödötääne Cajiichaana sotoi edai’chännamooje, ñanno taquiiyö que cöneewanaacaichodö.

DOSECHO 4:36

Ñanno quedeiyentecoomo antawäiñe cönä’jaacä dhanwa, José täätö; dewiitaje ñäädä cönä’jaacä, Chiipede antadö ña yennu’jödö. Waanaweeje cöne’ta’to ñanno anonta’como. Ya’dänei, quee töwä’dö’se yeichö.

DOMAANO 12:13

Quedeiyentecoomo i’wa’tätääcä chäwwäiñe a’que yeichawä. Aashicha tödöötäcä adöiñancomo wä’döa’como.

DOMAANO 13:6

Mädääje yeijäcä dea acu’shänä jödaata töneejemaajo weneene äwwäiñe, jata cone’catoojoje. Ñanno acu’shänä naato Wanaadi anoonöje; tönwanno tötaadawaajuichomo jäcä töwoowoincha weneeneto.

1 CODINTIYO 12:28

Mädääje mmaja Wanaadi cönnöi quedeiyentecoomo weicho’como: Awa’de anonta’como; yäätonno Wanaadi nutuudu woije ecammajä’nnamo; yäätonno owaanomannamo; yäätonno täneemö tödönnamo, äjiichö’tännamo mmaja, ’wa’tännamo mmaja, soto e’se’tännamo mmaja, anejja a’deucwe töwa’deuwaamo mmaja.

1 CODINTIYO 14:3

Dha’da ñäädä Wanaadi nutuudu woije ecammajä’nei, soto wwäiñeene na’deuwa ñäädä; ijäädu’toto’comooje na’deuwa, yäätuujato’comooje mmaja, i’wa’toto’comooje mmaja.

2 CODINTIYO 1:12

Ta’cwaiñe ñaa weneene, aashicha tötö’tajä’e ñaa weneene dea ñaa owaanäcä yeijäcä aashicha töwei’jödö, chäänönge töwei’jödö mmaja, edä nono de’woncomo antawäiñe, änwanno adhantawäiñe mmaja. Ñaa sejjedö que’da mädääje ñaa cönä’jaacä; Wanaadiiñe ñaa ’wa’täne.

2 CODINTIYO 11:3

Öwö tösaade wa äjääcäiñe; ñäädä äcääyu, äncu’tätä töweichö que Eewa cönencu’täichö wwä mmaja ätö’tajäätödööcomo shaadijannä’cajoojai ätö’taato öwwä, chäänöngato que Quidiito tumjumma aweichöcoomo jonno.

2 CODINTIYO 8:12

Utu’se töweichö que u’a’jäcä, töwö Wanaadi yaacö’je na yääje utuudu. Töwwä töweiye yeichö woije mma tunu’jo töwö Wanaadi; töwwä töweiye yeichö e’jodhe änu’jo’da.

2 CODINTIYO 9:11

Yaawä tameedä aashichaato äwwäiñe na’de, ewontancädä’da äwwäiñe utuudu wetä anejjacoomo wwä. Yaawä ñaa wwä ani’jumma’jocoomo adääja’jäcä äwwäiñe, ñanno quedeiyentecoomo aashicha na’deuwaato’de Wanaadi wwä.

2 CODINTIYO 9:13

Tönwanno aashicha Wanaadi jäcä na’deuwaato’de chäänönge Quidiito a’deddu tönnöe aweichöcoomo äwäänejo’jocoomo weijäcä. Wanaadi jäcä aashicha na’deuwaato’dede töwwäiñe äntuduucomo jäcäinchädä, anejjacoomo wwä äntuduucomo jäcäinchädä mmaja.

2 CODINTIYO 9:7

Awaadäiñe u’jai maato äntö’tammecöödöcoomo woije, utu’se’da töweichö que’daane, anontaajäje’da mmaja. Wanaadi wacö’je ñäädä ta’cwaiñe töweiyancädä u’nei.

EUJEESIYO 6:5

Änwanno tädhaajäca’como, adheedhajootoncomo edä nono de’woncomo woije eichäcä, ñontancädäiñe, aashicha tödööancädäiñe mmaja, tooni mma ätö’tajäätödööcomo tödööancädä, Quidiito wwä tödöödö töweiye naichöje.

CODOOSENSE 3:22

Änwanno tädhaajäca’como, edä nono de’woncomo adheedhajootoncomo woije eichäcä, töwö ñeenedööje mma’da, soto mma a’cwaimadaawoto töweiye naichöje’daane, chäänönge ätö’tajäätödööcomo yeiyancädääne, Wanaadi ñontancädä.

1 TEESADOONISENSE 2:3

Yää ñaa töneecammajä’e cönä’ja’dö äwwäiñe, ñaa wätäncu’tojo’jödööjönö cönä’jaacä. Conemjönö jäcä tötö’tajä’ancädä’da mmaja ñaa odhoowanoomatääne, adhencu’tädööcomooje’da mmaja.

1 TEESADOONISENSE 2:8

Ñaa ajummatääne jooje; yääje yeijäcä Wanaadi wätunnäi aashichaato mmajöönö ñaa cuntui äwwäiñe, töweichö jadä’jödöödä, ñaa wwä tujunne aweijäcäiñe.

1 TIIMOTEO 4:13

Adöiña öötädö jonaane yeichöje quedeiyente netaadöcoomoje Wanaadi a’deddu imennaajä a’de’tädööje eichä’de, ijä’du’tädööcomooje mmaja, owaanomaadöcoomoje mmaja.

1 TIIMOTEO 5:17

Ñäädä ansiyaano chäänönge soto edai’chäneichomo jooje’cä ijummajai maato, töwaacö’je ñanno ecammajäätödö jäconcomo wetaadawa’cajoodö, owaanomaadö jäconcomo wetaadawa’cajoodö mmaja.

1 TIIMOTEO 6:18

Ñanno tönsomaaca’como yäätuujacooto, aashichaato tödöiyeto; aashichaato tödöödö queene ninshomaata’ña’to. Tamääne’da nei’ña’tode, u’coijeene.

EEWEDEO 10:25

Cöwe’jummadööcomo e’nomjajai’cha caato, dhantai tä’da weneenetoodöje’daane. Töwä’wätuuja mmaane ä’wätuujajai caato, jooje’cä jeene eduuwa, amoinche’da Cajiichaana Jesuuquidiito we’tojo weijäcä.

EEWEDEO 13:17

Adhe’se’tännamo waanontädööcomo tödöötäcä; yoijeiñe eichäcä, aweichöcoomo edai’chännamooje yeichomjäcä. Äcuude tönwanno Wanaadi wwä nätääcamma’jajaato’de adheedai’cho’jocoomo jäcä. Aashicha eichäcä, ta’cwaiñe tötaadawaajuichomo tödöiyeto, taquiiñuque’daane. Äwwäiñe aquiñu’taja’jäcä aashicha aweicho’como ’je’da eijai ña.

EEWEDEO 13:22

Änwanno jimmä, aashichaane etaatäcä edä äwäätuujadööcomo öwwä; tawe’daasa mma wimennäi äwwadäädäiñe.

EEWEDEO 13:24

Ya’deujödö ecammatääcä tameedä adhe’se’tännamo wwäiñe, tameedä anejjacoomo quedeiyente wwäiñe mmaja. Itaadiya ñancomo ta’deujocoomo nadääjaato äwwadäädäiñe.

EEWEDEO 13:7

Adhe’se’tännamo’jödö ijummatääcä, ñanno äwwäiñe Wanaadi a’deddu cöneecammajäätöichodö. Iiñö’jocoomo jäcä ätö’tatääcä; ñeecamjödööcomo nönge mmaja ecaanö’täcä änwanno.