DOMAANO 12:6 - Wanaadi A'deddu

⁶ Cöwwäiñe Wanaadi cuntui cöwaadäiñe cöweicho’como, utu’se töweichö woije. Chäänönge tödööjai caato yää cöweicho’como u’ajä. Ñäädä Wanaadi nutuudu woije ecammajä’nei, töneecamjödö ’cäwa’cä ecammajä’jai ña;

DOMAANO 12:6 ပူးပေါင်းရင်းမြစ်များ

MATEO 23:34

Yääje yeijäcä adöiñaiñe wene’jaato’de ya’deddu ecammannamo, töseedujä’na’como mmaja, odhoowanoomannamo mmaja. Dhantai möja’ato’de; dhantai cuduusa jäcä majoijaato’de. Anejjacoomo maiju’jä’ato’de awe’jummato’como taca; yäänejeedööcomo waadäi maje’caato’de, imaaminchadööcomo wetä.

MATEO 25:22

Yää ’jeje ñäädä aacä miide jödaata eiñei’jödö cöneejä dea yaawä; cönä’döaacä: “Cajiichaana öwwä mu’ne aacä miide jödaata. Edä na yää öncana’ca’jödö, aacä miide jödaata mmaja;” quee cönä’döaacä.

DUUCA 11:49

“Yääje yeijäcä Wanaadi tösejjeque töweichö woije yääje cönä’döaacä: “Wa’deuwödö ecammannamo, anejjacoomo yaanonö mmaja, wanaanontaato’de yöiñaiñe. Dhantai nöja’aato’de; dhantai ’chene nimaaminchaato’de;” quee Wanaadi cönä’döaacä.

DOSECHO 13:1

Yaawä Antiyooquía ña quedeiyente antawäiñe cönä’ja’to anejjacoomo Wanaadi a’deddu ecammannamo, Wanaadi a’deddu jäcä owaanomannamo mmaja. Ñanno cönä’ja’to: Waanawé; Simón mmaja, ñäädä Juduumatooje mmaja chäätö conä’ja’dö; Duusiyo mmaja cönä’ja’dea, ñäädä Sideene ñano; Maanaén mmaja, ñäädä Edoodhe Caadideea ñano acu’shänäi’chädö jadoono wennejenca’jödö; Saudo mmaja cönä’ja’dea.

DOSECHO 15:32

Ñanno Juudha, Siida mmaja töneecammajäätödööcomo que quedeiyentecoomo cönwätuujaicho, cömjädu’ta’to dea, Wanaadi wa’deuwödö ecammannamooje töweijäcäiñe.

DOSECHO 2:17

Wanaadi yääje nä’döa: Anooto ataamejai yä’döa’jäcä Epíiditu Santo wu’a’de tameedä soto wwäiñe; iiñacoomo untudu woije necammajä’aato’de, dhanwaacomo, wodiiñamo mmaja; ääjömannamo töwäänemjönö neneeaato’de; inchoncomo niwäänetööaato’de.

DOSECHO 21:9

Iiñacoomo cönä’ja’to aacäichea ajei’choto’ja’como, töiñoquemjöncomo. Ñanno töneecammajä’e cönä’ja’to Wanaadi nutuudu woije.

DOMAANO 1:11

Adheene’seiñe wa jooje, quedeiyenteje aweichöcoomo jäcä ä’wa’tädööcomo wetä, äjäädu’täneichomooje mmaja.

DOMAANO 12:3

Aashichaato Wanaadi nutuudu öwwä naadö woije edääje wä’döa äwwäiñe: Anejja mma to’jodheene chö’tajäätöi’che. Acu’shämjeene ätö’tajä’täcä, ecamjödö Wanaadi nutuudu äwwäiñe naadö ’cäwa’cä mma.

1 CODINTIYO 12:18

Yääje’daane na; chääwaadäiñe Wanaadi cönnöi adheejö jäcoono, tumjummadö woije.

1 CODINTIYO 13:2

Wanaadi nutuudu woije ecammajä’neije weiya’jäcä mmaja, jooje towaanojo’ne weiya’jäcä mmaja, ecamjödö öwwä töweiye yeiya’jäcä jöö eseecatoojo jadä’jödöödä, yaawääne’ wä’jummanä ’je’da weiya’jäcä a’que wa.

1 CODINTIYO 14:1

Wä’jummanä ’je aweichöcoomo encano’tätääcä; ijummatääcä Epíiditu Santo nu’jätöödö. Wanaadi nutuudu woije ecammajäätödö jooje’cä ijummatääcä.

1 CODINTIYO 14:24

Dha’da ’quene tameedä Wanaadi nutuudu woije ecammajäätödööje aweiya’comjäcä, yää ecammajäätödö aca quedeiyentejöönö womonga’jäcä, towaanojo’nemjönö jeiñe mma, töwö töcoone’nadiiyö jäcä cone’da ä’döjoojai ña yaawä; töwwäädä ätämmencajai ña yaawä yää aneecammajäätödööcomo etaadö’jo.

1 CODINTIYO 14:29

Aacä Wanaadi nutuudu woije ecammajä’nnamo na’deuwö’ña’to, aaduwaawä jeiñe mma. Anejjacoomo chö’tamme’jai ñaato ñeecammajäätödööcomo.

1 CODINTIYO 3:5

¿Änääcö ñäädä Paudo? ¿Änääcö ñäädä Apoodo? Wanaadi anoonöje mma ñaa na; ñaa joi mecaanö’täne änwanno. Töwaadäi ñaa cönnöi Cajiichaana nutuudu tötaadawaajui.

1 CODINTIYO 7:7

Öwö waadöje mmaja tameedä awei’sheiñe waadö’je; yaawääne’, yoowanääcä na awaadäiñe Wanaadi nutuudu töweiye yeichö aweicho’como, anejja yääje, anejja ’quene yääje’da.

2 CODINTIYO 8:12

Utu’se töweichö que u’a’jäcä, töwö Wanaadi yaacö’je na yääje utuudu. Töwwä töweiye yeichö woije mma tunu’jo töwö Wanaadi; töwwä töweiye yeichö e’jodhe änu’jo’da.

EUJEESIYO 3:5

Yää owaanojöönö’jödö jenaadä täneejo’da cönä’jaacä soto wwäiñe. Eduuwaane Wanaadi woije Epíiditu Santo yää cöneenejoi aashicha’como anonta’como wwäiñe, Wanaadi wa’deuwödö ecammannamo wwäiñe mmaja.

EUJEESIYO 4:11

Töwö Quidiito cöwaadaiñe cuntui cöweicho’como; anejjacoomo wwä cuntui anonta’comooje yeicho’como, anejjacomo ’quene Wanaadi nutuudu woije ecammajä’nnamooje yeicho’como, anejjacoomo ta’deddu adännamooje, anejjacoomo quedeiyentecoomo es’e’tännamooje, owaanomannamooje mmaja.

JIDIIPENSE 3:15

Yääje yeijäcä cönwannoodä, chäänönge caatoodö, mädääje cötö’tajä’täiye. Aneiñaja ätö’tajäätödööcomo yeiya’jäcä mmaane yää mmaja Wanaadi nisha’dumincha’da äwwäiñe.

1 TEESADOONISENSE 5:20

Änquiiñemeecö’da eichäcä Wanaadi nutuudu ecammajäätödö.

2 PEEDHODO 1:20

Odhoowanääcäiñe tödöötäcä Wanaadi a’deddu soto nichö’tammecöödö woije ätääcammajai’cha yeichö;