DOMAANO 12:3 - Wanaadi A'deddu

³ Aashichaato Wanaadi nutuudu öwwä naadö woije edääje wä’döa äwwäiñe: Anejja mma to’jodheene chö’tajäätöi’che. Acu’shämjeene ätö’tajä’täcä, ecamjödö Wanaadi nutuudu äwwäiñe naadö ’cäwa’cä mma.

DOMAANO 12:3 ပူးပေါင်းရင်းမြစ်များ

DUUCA 18:11

Ñäädä jaadiseeo jiidi cöna’deuwacä; edääje cönä’döaacä: “Amäädä Wanaadi, ta’cwaiñe wa anejjacoomo soto nönge’da weijäcä. Ñanno tämeena’como, chäänöngemjöncomo mmaja, masuuduija’como mmaja, nöngeiñe’da wa öwö, määdhä acu’shänä jödaatai i’jummanei nönge’da mmaja.

JUAN 3:34

Ñäädä Wanaadi nanontädö Wanaadi a’deddu necamma; Wanaadi Epíiditu Santo nu’a chäwwä ewontancädä’da.

DOMAANO 1:5

Jesuuquidiito jäcäinchädä Wanaadi ñaa anontäne aashicha töweichö woije. Töwö ñaa anontäne Jesuuquidiito joi, tameedä soto wwäiñe ta’deddu ecammajä’e, ecamjödö wetä yaawä chäwwäiñe, Wanaadi woije yeichöcoomo wetä mmaja.

DOMAANO 11:20

Yääje mma’ne; tönwanno cönaataco’joicho aneecamjö’da töweichöcoomo jo’tädööje. Amäädä mmaane ecamjödö que mma adhaatötaane, mädä eduuwa maadö. Yääje yeijäcä o’jodhe chö’tajä’jai’cha ma; tönontä mmaane ñontäjai ma.

DOMAANO 11:25

Änwanno jimmä, edä owaanojöönö’jödö odhoowanääcäiñe yei’she wa, o’jodhe ätö’tajäätödööcomo queiñe: Ñanno iisadaaediitacoomo dhantai cöntäijamöicho, ñanno judhíojöncomo Wanaadi sotoije töwä’döaamo yääwanaacadööcomo wa’cä mma.

DOMAANO 12:16

Ä’tu’de’tä’daane eichäcä änwannoje dea. O’jodhe awei’sheiñe’da eichäcääde; ema’jödööja’como jadä mmaja ääweichacoonoje eichäcä. Äwwäädäiñe mma towaanojo’ne määcanö’täi.

1 CODINTIYO 15:10

Yääje yeichaame anontaajäje wa aashicha Wanaadi weichö woije. Yää aashichaato inchudu öwwä töwäädämma’da cöneiyacä; anejjacoomo anonta’como e’jodheiñe yeetadaawa’cajoone; öwööjönö weichaame, Wanaadiiñe jaadä weneene, aashicha töweichö woije.

1 CODINTIYO 3:10

Wanaadi yaanontäneedöje dea dha’deddu awa’deene wecammajä’ne äwwäiñe, towaanojo’nato wwä maa amäädawä dha’täi awa’deene tönnöe töweiye naichöje. Anejja namääa eduuwa yää neecammajäätö’jödö de’wä. Towoinchadä’daane namo’ñojo ñäädä yää de’wä amäänei.

1 CODINTIYO 7:17

Änwanno eijai maato awaadäiñe aweicho’como Cajiichaana nutuudu woije, Wanaadi wwä adha’dejjadaawäiñe mä’ja’quennö nönge dea. Mädääje tameedä Quidiito sotoi tönoowanoomaiñe wääneneeto.

2 CODINTIYO 10:13

Ñaa mmaane töweichojo e’jodhe ääcammajai’cha ñaa na. Wanaadi chea cuncu’nä’täi ñaa wetaadawa’cajootojo; töwö dea ñaa adoojone adöiñaiñe, änwanno Codinto ñancomo.

2 CODINTIYO 12:13

Anejjacoomo quedeiyentecoomo o’näiñe ayöödötäiñe’da wä’jaaquene. Yää mma äwwäiñe ännöjo’da weiyaqueene, äwwäiñe wäädai’chojoodö mma. Yääje yeijäcä encwanno’jotääcä yää chäänöngemjönö nönge wei’jödö.

2 CODINTIYO 12:7

Yää Aashichato ña neene’jödö aashicha cönä’jaacä, jooje; yääje yeijäcä jooje deja yää jäcä o’jodhe tö’tajäätödö queiñe se’nato öwwä cönä’tui, wesooca’jä töweiye naichö nöngato. Yää cönä’jaacä Caajuushawa woijato, yuunacaaneije.

CAADATA 6:3

Ñäädä o’jodhaato tö’tajäätödö, o’jodhe’da töweichaame, töwö dea nätäncu’ta.

EUJEESIYO 3:2

Änwanno odhoowanääcäiñe nichö’ta Wanaadi wwä yaanontä’jödö äjääcäinchädäiñe aashichaato wätunnä ecammajä’neije; töwö yääje yöödöne aashicha töweichö woije.

EUJEESIYO 3:4

Yää a’de’ta’jäcä äwwäiñe odhoowanääcäiñe eijai ña yaawä Quidiito jäcä owaanojöönö’jödö yoowanääcä yeichö.

EUJEESIYO 4:16

Töwö yoije chääjö tojoodöjo na; tameedä chääjö jäcoono tojoodöjoojä’e na chu’nädö que. Tameedä chääjö jäcoono chäänönge yeetadaawa’caja’jäcä aashicha chääjö naatö’nä’a yaawä; wä’jummanääje adai’jä nä’döa.

JIDIIPENSE 2:13

Wanaadi chea äwwäiñe nu’a aashichaato tödö’se aweicho’como. Töwö dea ä’wa’taato aashichaato tödöötojo jäcä, tumjummadö chäänöngato woije.

CODOOSENSE 1:29

Mädä jäcäinchädä jooje töweetadaawa’cajo wäänene; töwä’jädu’tä wäänene tameedä jäädudu Quidiito nutuudu que.

CODOOSENSE 2:13

Jenaadä töwääma mä’ja’quene ocoone’nadiiyöcoomo awä, ajuunucoomo nijummadö jäcä siicunsidaadoje’da awei’jocoomo weijäcä mmaja. Eduuwaane Wanaadi aweichöcoomo cuntui Quidiito jadä, tameedä ocoone’nadiiyöcoomo encwanno’jodö’jo.

1 TIIMOTEO 1:14

Mädääje Cädhaajotoncomo joojato aashichaato cönnöi jääcä; ecamjödö mmaja öwwä cuntui chea, wä’jummanä mmaja, yää Jesuuquidiito jadä cöweichomjäcä cöwwäiñe yä’tuaajä naadö.

1 TIIMOTEO 2:15

Yääje yeichaame töwö wodi nääwanaaca’de chäänönge tönnacoomo tödöödö que, ecamjödööje dea yeiya’jäcä, wä’jummanä ’je mmaja, masuuduije’da yeiya’jäcä mmaja, wataasheje’da’da yeiya’jäcä mmaja.

1 TIIMOTEO 2:9

Wodiiñamo aashicha ewontäjai ñaato, wataasheje’da’da, töjöiyato töweiye naichöjeene. Yensoma’tojo’to’como eijai ña tuju’jädööcomo acaajodööjönööne; oodojöönö mmaja yennataamato’comooje eijai ña dea, mayuudujöönö mmaja, womö täjeetojöönö mmaja.

TIITO 2:12

Yää cöjääcäiñe aashicha Wanaadi weichö que cönwanno oowanoomajai caato conemjönö tödöödö e’nomjadö jäcä, conemjönö tödö’se weiñä e’nomjadö jäcä mmaja, chäänönge weiñä jäcä mmaja, towaadäädä weiñä jäcä mmaja, Wanaadi woije weiñä jäcä mmaja edä nono de’wä cöweichöcoomo.

TIITO 2:2

Ñanno inchoncomo eijai ñaato towaadäädäiñe, nontätä mmaja, chäänönge töneecanö’e mmaja. Chäänönge eijai ñaato dea wä’jummanä jäcä, aashicha shinchädö jäcä mmaja.

TIITO 2:4

wodiiñamo mudeeshi owaanomaiyeto yaawä töiñonootoncomo ijummadö jäcä, tönnacontoncomo ijummadö jäcä mmaja.

TIITO 2:6

Dhanwaacomo mudeeshi mmaja yäätuujacooto towaadäädäiñe yeichöcoomo wetä.

SANTIYAACO 4:6

Töwö Wanaadi aashicha töweichö woije cö’wa’tätäiñe weneene. Edääje dha’deddu imennaajä jäcä nä’döa: “Wanaadi nä’jädu’ta o’jodhaato tö’tajäätödö jäcä; o’jodhe chö’tajä’jönö mmaane töwö töni’wa’tä weneene, aashicha töweichö woije;” quee nä’döa.

1 PEEDHODO 1:13

Yääje yeijäcä ätö’tajäätödööcomo ijäädu’tätääcä; odhoowadäädäiñe eichäcä. Chäänönge yoomo’täcä Wanaadi nutuudu aashichaato, yää Jesuuquidiito wäänejoodawä äwwäiñe töwä’tueemö.

1 PEEDHODO 4:11

Ñäädä ecammajä’nei, Wanaadi a’deddu ecammajäätödö töweiye naichöje necammajäätö’ñojo. Ñäädä anejja wwä tödööjä’nei, töjäädudu Wanaadi nutuudu que nödö’ñojo. Mädääje tameedä ännödööcomo que aashicha Wanaadi weichö tacaade eijai ña, Jesuuquidiito joi. Ñäädä Jesuuquidiito yeichöje aashicha wa’deutojooje na, tameedä cajiichaanaje mmaja. Amén.

1 PEEDHODO 4:7

Tameedä yaatameetojo amoinche’da na. Yääje yeijäcä odhoowadäädäiñe eichäcä, acu’shämje mmaja. Yeichöje Wanaadi wwä adha’deutäcä.

1 PEEDHODO 5:5

Chäänönge mmaja änwanno mudeeshi, adhe’jodha’como woijeiñe eichäcä. Tameedäädääne ootowoije eichäcä, o’jodhe ätö’tajä’ancädäiñe’da, Wanaadi töni’wa’tä yeijäcä ñäädä o’jodhe chö’tajä’jönö, o’jodhaato tö’tajäätödö jäcä mmaane nä’jädu’ta töwö.

1 PEEDHODO 5:8

Odhoowadäädäiñe eichäcä, äädai’chätääcä. Ätu’de’täneichomo odo’sha nätuujiya, mado töwaadeeto tääcaamö tunuujiye töweiye naichöje.

3 JUAN 1:9

Öwö wimennäneedö’je quedeiyentecoomo wwadäädäiñe, yaawääne’ ñäädä Diyootede ñaa eta’se’da na, töwö jaiñoone chäädhajootoncomooje töwei’she töweijäcä.