DOMAANO 12:14 - Wanaadi A'deddu

¹⁴ Aashicha adha’deutäcä amaaminchannamo jäcä; aashicha Wanaadi wwä chääjäcäiñe adha’deutäcä, cone’da’daane.

DOMAANO 12:14 ပူးပေါင်းရင်းမြစ်များ

MATEO 5:44

Öwö mmaane yääje wä’döa äwwäiñe: Ätu’de’tännamo jadä’jödöödä ijummatääcä. Adheunenaamo wwäiñe aashicha adha’deutäcä. Aashicha tödöötäcä aquiiñeme’nnamo. Wanaadi wwä adha’deutäcä adheetana’tännamo jäcäiñe, amaaminchannamo jäcäiñe mmaja.

DUUCA 23:34

Yääje mma yaawä cuduusa jäcä tajoijodaawä Jesuuquidiito cönä’döaacä: —Jaaja, choone’nadiiyöcoomo encwanno’joca; towaanojöönöcoomo mädääje nödööaato; quee cönä’döaacä. Yaawä ñanno suddau yoomö’jödö töwaadäiñe cöneemecantoicho, wä’cana’canä tödöödö’jo.

DUUCA 6:28

Adheunenaamo wwäiñe aashicha adha’deutäcä. Wanaadi wwä adha’deutäcä adheetana’tännamo jäcäiñe.

DOSECHO 7:60

Yaawä tä’mudhe töwä’dödö’jo töcä’de cöna’deuwöi; cönä’döaacä: —Cajiichaana, encwanno’jocä mädä conemjönö nödööaatoodö; quee. Yääje töwa’deuwödö’jo cönäämai yaawä.

DOMAANO 12:21

Conemjönö wwä mma moto’jodheinchajoi; amäädääne conemjönö e’jodheinchacä aashichaato que.

1 TEESADOONISENSE 5:15

Odhoowoinchadäiñe’da eichäcä, anejja mma adhantawäiñe töjääcä conemjönö tödö’jödö conemjönö que mmaja oojo’to’no. Aashichaato dödö mmaane encano’täjai maato änwannoje dea, tameedä soto jäcäiñe mmaja.

SANTIYAACO 3:10

Yää möta ai chea a’nädäncädä neja’ca, aashicha wa’deunä, wätäunä mmaja. Yääje weicho’me’da na, jimmä.

1 PEEDHODO 3:9

Conemjönö que mmaja conemjönö maneemetaacamaatäi’che. Ätuushimaajätöödawäiñe wä’tushiimanä que mmaja moojo’tätäi’che. Aashichaato que mmaane emeetacaamatääcä’de. Yääje töweiyaamoje ta’dejja maato, Wanaadi nutuudu aashichaato äwwäiñe yeichö wetä.