DOMAANO 12:13 - Wanaadi A'deddu

¹³ Quedeiyentecoomo i’wa’tätääcä chäwwäiñe a’que yeichawä. Aashicha tödöötäcä adöiñancomo wä’döa’como.

DOMAANO 12:13 ပူးပေါင်းရင်းမြစ်များ

MATEO 25:35

Öwö ämiije weichawä änwanno cäwanshinchätääne. Emjätö’se weichawä mmaja woocödö mu’täne dea öwwä. Tömmaiche’da weichawä änwanno wääwa’totoojo mecammatääne yaawä.

DOSECHO 10:4

Töwö Conneediyo tösaadöje yäätäädä amoode cöneene’maacä; cönä’döaacä chäwwä: —¿Ane’cä mädä, Cajiichaana? quee cönä’döaacä. Yaawä ñäädä amoode cönä’döaacä: —Wanaadi töneeta weneene töwwä awa’deuwödö; töneene weneene dea wentumja’como i’wa’tädö äwwä.

DOSECHO 4:35

chääje’jödö tunu’e cönä’ja’to yaawä anonta’como wwä. Ñanno töneecamo cönä’ja’to yaawä a’ca’como wwä.

DOMAANO 12:8

ñäädä quedeiyente yäätuujaneichomo ’quene, yää jäcä daja oowoinchajai ña dea. Ñäädä täjemjönö u’jä’nei, ewontancädä’da u’jä’jai ña. Ñäädä quedeiyente e’se’täneichomo, towaadäädä töweiyancädä e’se’täjai ñaato. Ñäädä wentumja’como i’wa’täneichomo, ta’cwaiñe töweiyancädä yää tödööjai ña.

1 CODINTIYO 16:15

Jimmä, edääje wä’dö’se wa äwwäiñe: Odhoowanääcäiñe Eteujana wä’jimmä’tädö awa’deene quedeiyenteje yääwaacajo’jocoomo Acaaya ña. Tönwanno quedeiyentecoomo töni’wa’tä weneeneto, yeichöcoomoje.

2 CODINTIYO 9:1

Äwwadäädäiñe imennäjai’cha weichaame yää quedeiyente i’wa’toto’como i’jummadö jäcä,

2 CODINTIYO 9:12

Mädä aashichaato cöödöaatoodö quedeiyentecoomo wäntunamjödööcomo i’wa’tädö mmajöönö mädä; yää jäcäinchädä aashicha Wanaadi wwä soto wa’deuto’como queejodööjaato dea.

CAADATA 6:10

Yääje yeijäcä, tödööjai caatoodawäädä, aashichaato cöödötäiye tameedä soto jäcäiñe; quedeiyentecoomo jäcä jooje’cä jeene aashichaato tödööjai caato.

1 TIIMOTEO 3:2

Yääje yeijäcä ñäädä ansiyaano aashicha eijai ña, täcammajä’emööje’da töweichö wetä. Tooni mma ijiiñamo eijai ña; wataasheje’da’da mmaja töwö eijai ña dea, acu’shämje mmaja, dhanwaaje mmaja. Tödöiñano wä’döaajä aashicha tödööjai ña töwö. Dhowaanäcä eijai ña soto owaanomaadöcoomo.

1 TIIMOTEO 5:10

Tacaade eijai ña aashichaato iiñö’jödö, mude’cä’cä iiñejenca’jödö jeiñe mma, aashicha soto tödöiñano womoomödö tödö’jödö jeiñe mma, quedeiyentecoomo i’wa’tä’jödö jeiñe mma, wentumja’como i’wa’tä’jödö jeiñe mma, anejja aashichaato tödö’jödö jeiñe mma.

TIITO 1:8

Tödöiña yä’döa’como ewanshinchäneichomooje töwö eijai ña. Aashichaato tödööneije eijai ña dea, towaadoodoto mmaja, chäänöngato mmaja, Wanaadi woijato mmaja, acu’shämjato mmaja.

TIITO 3:14

Quedeiyentecoomo näämu’ca’ña’to aashichaato tödöödö jäcä, a’ca’como i’wa’tädööcomo jäcä mmaja, tödööneije’da mma ei’ñoto.

JIIDEMÓN 1:7

Weichacoono, mädä wä’jummanä ’je aweichö ya’cwaimatä weneene, jäädu’tätä mmaja, amäädä ani’wa’tädö que quedeiyentecoomo tömjädu’täiñe aweijäcä.

EEWEDEO 13:16

Aashichaato tödöödöje dea eichäcä; äwwäiñe naadö que anejjacoomo i’wa’tätääcä. Mädääjato saaquidiijiisiyo Wanaadi wacö’je na.

EEWEDEO 13:2

Adhe’sacaiñe aneewa’tojo’da’da eichäcä aneiñajancomo we’a’como, aneewashinchäiñe’da’da mmaja. Mädääje anejjacoomo soto aashichaato cönnöicho amoode jäcäiñe, Wanaadi amoodedööje yeichöcoomo towaanäcäiñe’da yeichaame.

EEWEDEO 6:10

Chäänöngato ñäädä Wanaadi; ataadawaajuichomo’jödö aneenejäätö’da’da töwö na. Äwwäiñe tujummadö jäcäinchädä quedeiyentecoomo ’wa’to’jocoomo mmaja aneenejäätö’da’da na dea töwö, mädä tönnöe määnetäänedö.

1 PEEDHODO 4:9

Adhaaquiñuuducoomoje yeiyancädä’da soto adhe’sacaiñe ewa’tojootäcä, ewanshinchätääcä’dede.

1 JUAN 3:17

Ñäädä töwwä töweiyato, töweichacoono a’que eneetaame ani’wa’täjöönö, Wanaadi nutuudu wä’jummanä ’je’da na ñäädä wwä.

3 JUAN 1:5

Weichacoono umjummadö, chäänönge töwäänejo määnene äwwä quedeiyentecoomo i’wa’tädööcomo que, odhoowanoojöncomo yeichaameiñe.