Biblia Todo Logo
အွန်လိုင်း သမ္မာကျမ်းစာ

- ကြော်ငြာတွေ -




DOMAANO 12:12 - Wanaadi A'deddu

12 Ta’cwaiñe eichäcä onwomoocödööcomo jäcä. Aashicha shinchätääcä äwäntunamjödööcomo. Yeichöje Wanaadi wwä adha’deutäcä.

အခန်းကိုကြည့်ပါ။ ကော်ပီ




DOMAANO 12:12
71 ပူးပေါင်းရင်းမြစ်များ  

Adha’cwainchatääcä’de yaawä; ä’wa’dätääcä’dede, adheejemaato’como jooje yeijäcä caju ña. Mädääje dea tömmaminchaiñe töweiye cönä’ja’to odhoowajoodo’como Wanaadi wa’deuwödö ecammannamo.


Yääje yeichaame odo’sha onontätäiñe yeichö jäcä’daane ta’cwaiñe eijai maato, caju ña adheetöcoomo tömennä yeichö jäcäinchädääne; quee cönä’döaacä Jesuuquidiito.


Yää shinchädö que aweichöcoomo michaana’caato’de.


Yää dhadöödö aashichaato nono de’wä cönä’meichö mmaane, chäänönge tötö’tajäätödööcomo que Wanaadi a’deddu etannamo cu’tädö yää. Ñanno chö’taqueejö’da netaato, yoije tönnöe yaawä. Chäänönge töweichöcoomo que nejössataato yaawä.


Tameedä ñanno weiñäje töwe’jumma cönä’ja’to Wanaadi wwä töwa’deuwödööcomo wetä Jesuuquidiito acontomo jadä, yeenö Madía jadä mmaja, anejjacoomo wodiiñamo jadäiñe mmaja.


Mädääje jedeeso ewöötö’tädö taca Peedhodo cöneedai’cha’to. Quedeiyentecoomo mmaane jooje Wanaadi wwä cöna’deuwa’to chääjäcä.


Ñanno chäänönge tönnöe cönä’ja’to anonta’como wwä towaanomaadöcoomo; aashicha töweiye cönä’ja’to tönwannoje dea. Töwe’jumma töweiye cönä’ja’to Wanaadi wwä töwa’deuwödööcomo wetä, Santa Seena tödöödö weta mmaja.


Ñaa mmaane Wanaadi a’deddu ecammajäätödö jäcä eijai ñaa na, Wanaadi wwä wa’deunä jäcä mmaja; quee cönä’döa’to anonta’como quedeiyente wwäiñe.


Ñäädä Wanaadi, cönwomoocödööcomo u’neije na; töwö adha’cwaniiyöcoomo nu’a, täncanoode’da aweicho’como mmaja, täcamjödö jäcäinchädä. Yaawä Epíiditu Santo woije wo’womo’nä ’je eijai maato.


Yää jenaadä Wanaadi a’deddu imennaajä jäcä cönä’mennäichö tömennä na cöwoowanoomato’comooje, yäätäädä cöweichöcoomo wetä cönwomoocödööcomo jäcä, Wanaadi a’deddu ni’wa’tädö que.


Töwö Wanaadi yeichöödäje weiñä nu’a’de ñanno töquinchancädäiñe’da aashichaato tödönnamo wwäiñe, ñanno aashichaato encano’tännamo, aashicha töweicho’como encano’tännamo mmaja, töwaatamemjönö encano’tännamo mmaja.


Äänejöönööne quiiyomo’cato; yääje yeijäcä chincha’da yoomo’jai caato.


Mädääje na; aaduwaawä töwaatamemjönö töweiye na: ecamjödö, wo’womo’nä mmaja, wä’jummanä mmaja. Tameedä cho’jodha’como jaiñoone wä’jummanä.


Yää shancwajootojo aaduwaawäde Cajiichaana wwä we’ca’nedö’je,


Edääje mmaja wä’dö’se wa dea jimma: Cajiichaana Jesuuquidiito jäcäinchädä ta’cwaiñe eichäcä. Yaaquiñuuduje’da na yää dea öwwä imennädö äwwadäädäiñe, chäänönge aweicho’comoojeene yeiyajä.


Cajiichaana nutuudu que ta’cwaiñe eichäcä yeichöje. Yääje mmaja wä’döa dea, ta’cwaiñe eichäcä.


Töne’ca’e ñaa weneene dea Wanaadi wwä äjäädu’toto’como töwö ijäädudu aashichaato que, adha’cwaniiyöcoomo que tameedä tönshinchä aweichöcoomo wetä yaawä, chincha’da aweichöcoomo wetä mmaja.


Töwö tösootoi wwäiñe ecaademe’jo’se cönä’jaacä joojato aashichaato tönnödö judhíojöncomo jäcäiñe. Edä yää owaanojöönö’jödö wecammaadö: Quidiito ataacaiñe yeichö. Yää na aashichaato äwwäiñe töweiyemö onwomo’to’comooje.


Epaujada mmaja ta’deujödö nadääja dea, ñäädä Quidiito anoonö, ajimmotoncomo dea. Töwö weiñäje Wanaadi wwä töwa’deuwe weneene äjääcäiñe, ejääduqueejö’da aweichöcoomo wetä, chäänönge aweichöcoomo wetä mmaja, tameedä Wanaadi waanontädö tödööcoije aweichöcoomo wetä mmaja.


Yeichöje Wanaadi wwä adha’deutäcä, töwö ya’deme’cancädä, odhoowadäädäiñe aweiyancädäiñe mmaja.


Cumöötoncomo Wanaadi owaadäädä tötö’ta ñaa weneene ännödööcomo jäcä, yää ecamjödö jäcäinchädä tönnöe määnetäänedö. Tötö’ta ñaa weneene dea ataadawaajuichomo jäcä, yää wä’jummanä jäcäinchädä tönnöe määnetäänedö. Aashicha shinchädö que äwäntunamjödööcomo jäcä mmaja tötö’ta ñaa weneene dea. Yää tönshinchä määnetääne Jesuuquidiito weejödö tönwomo’que aweijäcäiñe.


Cönwanno mmaane anooto awoncomo; cowaadäädäiñe eijai caato. Cöwwäiñe cöwoowontoto’comooje tödööjai caato ecamjödö, wä’jummanä mmaja, suddau tödo’tadö ewontotoojo tönnöe töweiye naichöje. Cuju’jocoomo ewontotoojo mmaja cöwwäiñe tödööjai caato dea, yää cöwääwanaacato’como tönwomo’que cäänetäänedö, suddau tuju’jä ewontotoojo tönnöe töweiye naichöje mmaja.


Äjääcäiñe ta’cwaiñe töweichö que adheecammajä’täiñe ñaa weneene tameedä quedeiyentecoomo wecanta’ñoto’como waadäi. Töneecammajä’e ñaa weneene aashicha tönshinchä aweichöcoomo jäcä, töneecanö’e aweichöcoomo jäcä mmaja, äwäätä’maminchajoodöcoomo jona’da, äwäntunamjödööcomo jona’da mmaja, yää miyeetuncaatoodö.


Cädhaajotoncomo ä’wa’taato Wanaadi jummadö äwwäiñe yeichö wetä, yäätäädä ätö’tajäätödööcomo weichö wetä mmaja, yää Jesuuquidiito nutuudu que.


Amäädä Wanaadi anoonö mmaane tameedä mädoocomo jonno äänejeecä. Aashichaato mmaane encano’täcä, Wanaadi woije weiñä mmaja, ecamjödö mmaja, wä’jummanä mmaja, aashicha shinchädö mmaja, o’jodhe chö’tajäätö’da weiñä mmaja.


Amäädä mmaane öwö noowanoomadö odhoowanääcä na, öwö weichö mmaja, nencano’tädö mmaja, neecamjödö mmaja, aashicha tönshinchä weichö mmaja, wä’jummanä ’je weichö mmaja. Wäätä’maminchajoodö tönshinchä weichö mmaja odhoowanääcä na dea, wäntunamjödö mmaja. Amäädä odhoowanääcä na tameedä jääcä cöneeja’dätäichö Antiyooquía ña, Icooniyo ña mmaja, Diitada ña mmaja, yää iiña wäätä’maminchajo’jödö. Tameedä yää jonno Cajiichaana yeewanaacane.


Yääje yeijäcä ta’cwaiñe quiiyomo’cato töwö ñeecamma’jödö aashichaato weja’dätäädö, yää tawaanato töjääcä Cäwaanacaaneichomo Jesuuquidiito weejödö, Cöwaanadiiyöcoomo täneejucaato weejödö.


Aashicha töweichö woije Wanaadi töjaadonooje cödöötäne, töwaatamemjönö cöweicho’como cöwwäiñe yeichö wetä, yää quiiyomo’catoodö.


Ätö’tatääcä jenaadä awei’jocoomo jäcä; yaawä ä’weijoonöje aweichöcoomo joojato wäntunaanö’nä tönshinchä mä’ja’quene.


Aaquiñu’tä’da aweicho’como tujunne na äwwäiñe, Wanaadi woijato tödöödö wetä yaawä äwwäiñe, ñeecamma’jödö mejoodötäiye yaawä.


Mädääje na; jooje naato ñanno ecamjödö ’ja’como wäänejoodö cöwwäiñe. Yääje yeijäcä cummichaatäiye tameedä cämu’däneichomooje naadö, conemjönö cashiichuudäneichomooje naadö mmaja. Chincha’da cöweiyancädäiñe cöötätäiye cäämadööcomo tai.


Quidiito mmaja chäänönge na dea Wanaadi sotoi edai’chädööcomo jäcä. Yaawääne’, Wanaadi nnedööjeene töwö na, dhanoonöje mma’da. Ñanno cönwanno Wanaadi sotoi tädai’chaamo, yaatameedö jona tödööene ejääduqueejö’da cöweiya’comjäcä cöneecamjödööcomo jäcä, ta’cwaiñe cöweiya’comjäcä mmaja yää cönwomoocödööcomo jäcäinchädä.


Yaawä edä nono de’wä Quidiito weichö, jooje töwa’deuwe töwö cönä’jaacä Wanaadi wwä, töwaamoone; töwö töne’ca’e cönä’jaacä Wanaadi wwä, ñäädä töwäämaajo jonno täwaanacaajaicho wwä. Wanaadi cöneetai ya’deuwödö, töwwä yä’tu’jödö weijäcä.


Töquiiñe aweichonse’da ñaa na. Ñanno wei’yejeiñeene aweichonse ñaa na, ecamjödö que mmaja, aaquiñu’tä’da töweichöcoomo que mmaja Wanaadi necamma’jödö ejoodönnamo wei’yejeiñeene.


Yaawä aaquiñu’tä’da yoomocö’jödö weijäcä Aawadán wwä, töwö cöneeneaacä töwwä Wanaadi necamma’jödö.


Yääje yeijäcä jimmä, aashicha tönshinchä eichäcä, Cajiichaana weejödö jonaane. Tönaudäcaato töweiye naichö naane’; töwö töquinchancädä’da conoojo wiiñadö jäcäinchädä tu’que yeichö waajäntädö niyoomo’ca, yä’cadö mmaja, yaawä jeene tönaichödö wau’cwangajä shoomadö wetä.


Ta’cwaiñe mmaane eichäcä Jesuuquidiito wäntunamjödö jimmäje aweijäcäiñe, ta’cwaiñe meichäiyede yaawä aashicha töweichö eneejodaawä chäwwä.


Tameedä yaatameetojo amoinche’da na. Yääje yeijäcä odhoowadäädäiñe eichäcä, acu’shämje mmaja. Yeichöje Wanaadi wwä adha’deutäcä.


towaanojo’ne weiñä jadä ’quene, wäädai’chänä; wäädai’chänä jadä ’quene, yäätäädä tö’tajä’nä; yääje weiñä jadä ’quene Wanaadi woije weiñä;


Ñäädä jedeesoje soto tödöönei jedeesoje mmaja nä’döja’de; ñäädä sauda que soto emaanei sauda canaadöje mmaja nääma’de. Yääje yeijäcä ecamjödööje dea Wanaadi sotoi eijai ñaato, aashicha tönshinchä mmaja.


ကြှနျုပျတို့နောကျလိုကျပါ:

ကြော်ငြာတွေ


ကြော်ငြာတွေ