DOMAANO 12:11 - Wanaadi A'deddu

¹¹ Ä’jädu’tätääcä; töquiiñe’da eichäcä; tödö’se aweichöcoomo que Cajiichaana Jesuuquidiito wwä tödöötäcä.

DOMAANO 12:11 ပူးပေါင်းရင်းမြစ်များ

MATEO 24:12

Joojato conemjönö weijäcä wä’jummanä ’je’da soto naato’de.

MATEO 25:26

Yaawä chäädhajä cönä’döaacä chäwwä: “Sootoi conemjönö amäädä, töquiiñato mmaja. Odhoowanääcä cönä’jaacä tönoiñe weichö, naatödööjönö tömjä’e weichö mmaja, önnödööjönö töneiye weichö mmaja.

DOSECHO 18:25

Cajiichaana Jesuuquidiito jadä weiñä jäcä yoowanoomaajä cönä’jaacä töwö. Jäduuje dha’deddu cönä’jaacä; sa’donna töneecammajä’e cönä’jaacä Jesuuquidiito jäcä. Töwö töneecammajä’e cönä’jaacä wautisaaje wä’döjoonä jäcä Juan Wautiita töneecammajä’e cönä’ja’döje mmaja.

DOSECHO 20:19

Ajaadäiñe weichö Cajiichaana Jesuuquidiito woije töweiye wä’jaaquene, anejja e’jodhe tö’tajä’ancädä’da. Jooje waamodö que Cajiichaana tadaawaajui tönnöe wä’jaaquene, jooje wäntunamjödö que mmaja, yää judhíocoomo maaminchatä yei’jocoomo.

1 CODINTIYO 7:22

Ñäädä Cajiichaana Jesuuquidiito wwä ta’dejjadaawä tädhaajäque cönä’ja’dö, eduuwa tädhaajäque yeichö jonno u’caajä töweiye naichöje na, Cajiichaana Jesuuquidiito anoonöje yeichö wetä. Yääje mmaja ñäädä ta’dejjadaawä tädhaajäque’da cönä’ja’dö; Quidiito anoonöje na eduuwa ñäädä.

EUJEESIYO 4:28

Ñäädä tämeenato’jödö tämeene’da nei’ñojo eduuwa; töweetadaawa’cajoone netaadawa’cajo’ñojo. Tamäädö que tadaawaaju aashichaato nödö’ñojo, chäwwä töweiye yeichö wetä yaawä a’ca’como wwä tu’emö.

CODOOSENSE 4:1

Änwanno ädhaamo, aashicha osootoichomo tödöötäcä, chäänöngeene, odhoowanääcäiñe yeijäcä änwanno mmaja tädhaajäque aweichöcoomo, ñäädä caju ña naadö.

1 TIIMOTEO 5:13

Töquiiñuta mmaja chiiñutaajai ñaato dea yaawä, ä’sa waadäi töwäämannäjöödöcoomo que; töquiiñe mma’da, wa’deuto’jönö jäcä töwa’deuwe mmaja.

EEWEDEO 12:28

Cöwwäiñe Wanaadi nutuudu na cöjaatadööcomo ätu’mejöönö. Yääje yeijäcä ta’cwaiñe queichäiye Wanaadi jäcä; quiiya’deme’täiye töwö yaacötö tödööancädä, ñontancädä mmaja.

SANTIYAACO 5:16

Yääje yeijäcä ocoone’nadiiyöcoomo töneecamma eichäcä ajimmotoncomo wwä; Wanaadi wwä adha’deutäcä ääjäcäiñe, täjiichö’tääne meichäiye. Ñäädä soto chäänöngato Wanaadi wwä sa’donna ya’deuwödö jäduuje na.

1 PEEDHODO 1:22

Änwanno chäänöngato wätunnä mecaanö’täne Epíiditu Santo ni’wa’tädö que. Mädääje adheewanööcomo michoccajootäne, wätäncu’tänä que’da quedeiyentecoomo ijummadööcomo wetä äwwäiñe. Yääje yeijäcä joojeene ä’jummatääcä, adheewanööcomo jadäädääne.

1 PEEDHODO 4:8

Mädä de’wä mmaja jeene adheewanööcomo jadäädä ä’jummatääcä, wä’jummanä jooje conemjönö töneetatannä’ca yeijäcä.

APOOCADIISI 2:4

Yääje yeichaame cone’daiche wa äjääcä. Amäädä cujumma eduuwa awa’deene jumma’jödö nönge’da.