DOMAANO 12:10 - Wanaadi A'deddu

¹⁰ Ä’jummatääcä töweichacoono ijummadö töweiye naichöje deaane, äwä’jummadö e’jodhe’cä aweichacoono ijummancädä, owo’nontancädäiñe mmaja.

DOMAANO 12:10 ပူးပေါင်းရင်းမြစ်များ

MATEO 20:26

Änwanno mmaane yääje eijai’cha maato. Ñäädä adhantawäiñe o’jodhe töwei’shato töjimmä anoonöcoomoje eijai ña.

DUUCA 14:10

Edääjeene eichä adhaajä’ma’jäcä: Dho’noncomo weicho’como dö’tääne ataajimaacä’de. Yaawä ñäädä adha’dejjanei’jödö we’a’jäcä, edääje äwwä ä’döjai ñaadö naane’: “Eetääne ataajimaacä weichacoono, täneejuca’como weicho’como dö’tääne;” quee ä’döjai ña äwwä. Aashichaatoje adheene’maato’de yaawä ñanno ajaadoncomo wääwashinchädö.

JUAN 15:17

Edääje manaanontaato: Ä’jummatääcä.

JUAN 17:21

Äwwä we’ca’a äänönge chö’tajäätödööcomo weichojo, cöwö caadöje mmaja. Amäädä taaca maadö naane’, öwö mmaja ataaca; mädääje mmaja cöjaadä yeicho’como we’ca’a äwwä. Mädääje yeiya’comjäcä edä nono de’woncomo ecaanö’jai ñaato yaawä yaanontänei’jödööje aweichö.

DOSECHO 4:32

Tameedä ñanno ecaanö’nnamo aata’deucwe töweiye cönä’ja’to, tooni chö’tajäätödööcomo cönä’ja’dea. Tönnödööcomo töjääcäjeene töwwoncomooje ane’tä’da cönä’ja’to; tameedäädotoojeene tönnöe cönä’ja’to.

DOMAANO 13:7

Tameedä aneejeque’näjöödöcoomo ejeematääcä. Audaajä jäcä ejeeque’nä’a’jäcä äwwä, ejeemacä, acu’shänä nejeemajoodö mmaja. Ñontätääcä ñäädä tönontäämö; o’jodhe ene’matääcä ñäädä o’jodhaato.

CAADATA 5:13

Jimmä, Wanaadi adha’dejjatääne jedeeso nönge’da aweichöcoomo wetä. Yääje yeichaame mädääje aweichöcoomo ajuunucoomo nijummadö woije tödöötojooje tödööjai’cha maato. Ootowoije mmaane eichäcä, äwä’jummancädäiñe.

CAADATA 5:22

Epíiditu Santo nödöödö weja’caajä mmaane wä’jummanä, ta’cwaiñe weiñä mmaja, täncanoode’da weiñä mmaja, aashicha shinchädö mmaja, tamääne’da weiña mmaja, aashichaato jummadö mmaja, chäänönge weiñä mmaja,

CAADATA 5:6

Jesuuquidiito jadä weiñawä siicunsidaadoje weiñä täje’da na, yääje’da weiñä täje’da mmaja; ecamjödö mmaane täje na, yää wä’jummanä que towäänejo weneenedö.

JIDIIPENSE 2:3

Änwanno mma awei’sheiñe aweiyancädäiñe’da eichäcä, o’jodhe awei’sheiñe aweiyancädäiñe’da mmaja. Edääjeene eichäcä: O’jodhe ätö’tajä’ancädäiñe’da ajimmotoncomo adhe’jodheiñe tödöötäcä.

CODOOSENSE 1:4

ñaa wwä eta’jödö weijäcä Jesuuquidiito töneecanö’e aweichöcoomo, tameedä Wanaadi sotoi tumjumma aweichöcoomo mmaja.

1 TEESADOONISENSE 4:9

Töweichacoono ijummadö jäcä mmaane äwwadäädäiñe tömennämje’da na; Wanaadi chea odhoowanoomatäiñe weneene äwä’jummadööcomo jäcä.

2 TEESADOONISENSE 1:3

Änwanno jimmä, yeichöje Wanaadi wwä aashicha a’deujai ñaa na äjääcäinchädäiñe, jooje aneecamjödööcomo wejaamödö weijäcä, äwwäädäiñe äwä’jummadööcomo wejaamödö weijäcä mmaja.

EEWEDEO 13:1

Äwä’jummadööcomo mane’nomjatäi’che, quedeiyentecoomo töweiye naichodööje deaane.

1 PEEDHODO 1:22

Änwanno chäänöngato wätunnä mecaanö’täne Epíiditu Santo ni’wa’tädö que. Mädääje adheewanööcomo michoccajootäne, wätäncu’tänä que’da quedeiyentecoomo ijummadööcomo wetä äwwäiñe. Yääje yeijäcä joojeene ä’jummatääcä, adheewanööcomo jadäädääne.

1 PEEDHODO 2:17

Tameedä soto aashicha tödöötäcä. Quedeiyentecoomo ijummatääcä. Wanaadi ñontätääcä. Aashicha acu’shänä tödöötäcä.

1 PEEDHODO 5:5

Chäänönge mmaja änwanno mudeeshi, adhe’jodha’como woijeiñe eichäcä. Tameedäädääne ootowoije eichäcä, o’jodhe ätö’tajä’ancädäiñe’da, Wanaadi töni’wa’tä yeijäcä ñäädä o’jodhe chö’tajä’jönö, o’jodhaato tö’tajäätödö jäcä mmaane nä’jädu’ta töwö.

2 PEEDHODO 1:7

Wanaadi woije weiñä jadä ’quene, töweichacoono jäcä ta’cwaiñe weiñä daja mejoodöjootäiyede; töweichacoono jäcä ta’cwaiñe weiñä jadä ’quene wä’jummanä daja.

1 JUAN 4:11

Jimmä umjummadö, cönwanno mmaja ä’jummajai caato dea, mädä wa’cä cujummaatöcoomo’da Wanaadi wwä.

1 JUAN 4:20

Ñäädä edääjato wä’dödö: “Wanaadi tumjumma öwö;” queeto wä’dödö töweichacoono tönquiiñeme’que töweichaamato, töwä’dunaato ñäädä. Töweichacoono eneetaame ämjumma’da yeiya’jäcä ¿aaquene mmaja Wanaadi ämjummadö deaade’, ñäädä töneene’jödööjönöödä?