DOMAANO 12:1 - Wanaadi A'deddu

¹ Yääje yeijäcä jimmä, edääje äwäätuuja’seiñe wa, Wanaadi wwä wentumje adheene’jocoomo weijäcä: Chäwwä ä’tutääcä, saaquidiijiisiyo nudootoje, tösooma, Wanaadi wacö’je mmaja. Mädääje chäwwä tödööjai maato.

DOMAANO 12:1 ပူးပေါင်းရင်းမြစ်များ

DUUCA 7:47

Yääje yeijäcä edääje wä’döa äwwä, töwö choone’nadiiyö täncwanno’jo na, töwö chäwwä jooje jummadö weijäcä. Ñäädä she’caasa choone’nadiiyö encwanno’jaajä, jummatä’daiche; quee cönä’döaacä Jesuuquidiito.

DOMAANO 12:2

Edä nono de’wono woije’da eichäcä; tösa’duminchaane ätö’tajäätödööcomo sha’duminchatääcä, aweichöcoomo mmaja esa’duminchaiyede yaawä. Yaawä Wanaadi woijato odhoowanääcäiñe ä’döjai ña, töwö yaacötö mmaja, yää aashichaato, chäänöngato mmaja.

DOMAANO 15:16

Töwö Wanaadi yöödöne Quidiito anoonöje, judhíojöncomo wwäiñe ecammajäätödö wetä Wanaadi wätunnäi, yää aashichaato wätunnä. Yää töneecammajä’e wäänene Wanaadi wwä judhíojöncomo utuudu wetä yaawä öwwä, saaquidiijiisiyo utuudu töweiye naichöje, Wanaadi wacö’je, Epíiditu Santo nishoomadööje mmaja.

DOMAANO 15:30

We’wa’tojo’se wa äwwäiñe, jimmä, Cädhaajotoncomo Jesuuquidiito jäcäinchädä, wä’jummanä Epíiditu Santo nutuudu jäcäinchädä mmaja; mädä wewäänä’tänä wödööaadö jäcä cö’wa’tätääcä Wanaadi wwä öwö jääcä awa’deuwödööcomo que.

DOMAANO 2:4

¿Aashicha Wanaadi weichö ca michiiñeme’canä’, ocoone’nadiiyö tönshinchä yeichö mmaja? ¿Mädä tönshinchä yeichö ätö’tajäätödö sha’duminchatoojoje yeichö äntö’tammecö’da ca manä?

DOMAANO 6:13

Chäänöngemjönö tödönnamooje mma mä’tutäi’che conemjönö wwä. Wanaadi wwä mmaane ä’tutääcä, yä’ja’a’como waadonca’comoone aweiya’como. Wanaadi wwä adheejöcoomo u’täcä, aashichaato tödööneijeene meichäiye.

DOMAANO 6:16

Änwanno odhoowanääcäiñe na anejja soto wwä äwä’tua’comjäcä shootoije aweichöcoomo wetä, ñäädä anoonöje eijai aweichöcoomo yaawä; imjummadö woije eijai yaawä. Mädääje mmaja änwanno; conemjönö woije aweiya’comjäcä wäämato’me noowonö’jaca. Dha’da ’quene Wanaadi woije aweiya’comjäcä chäänönge aweicho’comooje daja nejoodöja.

DOMAANO 6:19

Yö’seeno joi mädääje ya’deuwa, anejjejaato ai etaajai’cha aweijäcäiñe. Jenaadä chäänöngemjönö tödöödö wetä conemjönö wwä töwä’tue mä’ja’quene; mädääje mmaja eduuwa chäänönge weiñä wwä ä’tujai maato, aashichaato tödöödö wetä daja. Mädääje Wanaadi woije jeene eijai maato.

DOMAANO 9:23

Töwö ñanno conemjöncomo tönshinchäiñe cönä’jaacä aashicha töweichö eneejodö wetä cöwwäiñe. Ñanno cönwanno wentumje ñeenedö. Töwö jenaadä cödöötäne aashicha töweichö enennamooje.

1 CODINTIYO 1:10

Jimmä, Cädhaajotoncomo Jesuuquidiito eetö joi mänwätuujaato; aata’deucwe eichäcä, äätu’de’tä’daane. Aashichaane eichäcä ääjäcä, yää dea ätö’tajäätödööcomo weiyancädä, yää dea adha’dedducoomoje tödööancädä mmaja.

2 CODINTIYO 10:1

Öwö Paudo dea ya’deuwa äwwäiñe, Quidiito nutuudu ta’cwaiñe weichö que, tumjunne weichö que mmaja. Edääje dhantai jääcä töwä’döe määnetääne: “Cöjaadäiñe yeichawä jäduuje’da weneene; cöjääcäiñe amoinche töweichawä mmaane jäduuje weneene;” quee jääcä töwä’döe määnetääne.

2 CODINTIYO 4:1

Yääje yeijäcä ejääduqueejö’da ñaa na, Wanaadi nödööjo’jödö yeijäcä edä ñaa tadaawaajuije naadö, wentumje äneetä töweichö woije ñaa wwä cuntuichö.

2 CODINTIYO 4:16

Yääje yeijäcä ejääduqueejö’da ñaa weneene. Ñaa ejö wataametaame, ñaa do’tacaano mmaane anooto waadäi töwaatö’nä’e’cä mma naatö’nä’a.

2 CODINTIYO 5:20

Yääje yeijäcä Quidiito nanontädööje ñaa na. Wanaadi chea äwwäiñe na’deuwa ñaa ntai. Yääje yeijäcä Quidiito woije edääje ñaa nä’döa äwwäiñe: Ääweichacoonoje ä’dötääcä Wanaadi jadä.

2 CODINTIYO 6:1

Yääje yeijäcä, Wanaadi jadoono wetaadawa’cajoodöje ñaa weijäcä, edääje ñaa mänwätuujaato: Töwäädämmatooje’da tödöötäcä äwwäiñe Wanaadi nutuudu aashichaato.

EUJEESIYO 4:1

Yääje yeijäcä edääje mänwätuujaato, öwö Cajiichaana jo’tädööje jedeesojaato: Chäänönge eichäcä, Wanaadi na’dejjadö weichö nöngeene, ña’dejjadööne aweiya’como.

EUJEESIYO 5:10

Äwwäiñe Cajiichaana a’cwaimatoojo jäcä oowanoomatääcä.

JIDIIPENSE 1:20

Öwö tö’tajäätödö she’caasa ömjöichädö ’je yei’she’da. Tösaade’da weichö que mmaane Quidiito aashicha wa’deuto’me tödö’se wa, weichö nöngeedä, nudä weichö que jeiñe mma, wäämadö que jeiñe mma.

JIDIIPENSE 2:17

Öwö ta’cwaiñe dea eijai wa saaquidiijiisiyo nönge töwä’tueemöje weichaame, yää saaquidiijiisiyo ännödööcomo de’wä mmaja, ecamjödö que tönnöe määnetäänedö. Adhaacoodaaneiñe ta’cwaiñe eijai wa.

JIDIIPENSE 4:18

Chääwa’cä öwwä na yää änne’jo’jocoomo, ye’jodhe deja. Tameedä öwwä tujunnato töweiye na Epaujodiito wwä mene’jotäänedö que. Yää na juu shimi’jotoojo yau’cwaajä jodö töweiye naichö wa’cä, caado, saaquidiijiisiyo Wanaadi wacöötö töweiye naichöje mmaja.

1 TEESADOONISENSE 4:1

Änwanno jimmä, edääje äwwäiñe töwä’dö’se ñaa na, äwäätuujadööcomooje, Cädhaajotoncomo Jesuuquidiito eetö joi: Ñaa odhoowanoomatääne Wanaadi wacö’je weiñä jäcä, mädä maatoodö. Yääje yeichaame jooje’cä jeene mädä tödööjo’se ñaa na äwwäiñe.

1 TEESADOONISENSE 4:10

Mädääje dämma tumjumma määnetääne tameedä quedeiyentecoomo Maasedooniya ñancomo. Yääje yeichaame jooje’cä jeene mädä tödööjo’se ñaa na äwwäiñe.

1 TEESADOONISENSE 5:12

Änwanno jimmä, edääje ñaa äwäätuujaato: Tönoiñe eneetäcä ñanno äjääcäiñe töweetadaawa’cajo weneenetoodö, Jesuuquidiito jäcäinchädä adhe’se’tännamo, ñanno äwäätuujannamo.

1 TIIMOTEO 2:3

Mädääje weiñä aashicha na, Cäwaanacaaneichomo Wanaadi wacö’je mmaja.

1 TIIMOTEO 5:4

Anejja iiño wääma’jödö iiñedö töweiye yeiya’jäcä, ijaadö jeiñe mma, ñannoone noowanooma’ña’to chäänönge töwä’jimmä’tädö tödöödö; tönnejenca’jocoomo nemeetacaama’ña’to tönnejencannamo’jödö jäcäiñe, yää Wanaadi wacö’je yeijäcä.

JIIDEMÓN 1:10

Edääje wä’dö’se wa äwwä mä’dä önnedö Onéesimo jäcä, jedeesoje weichö quedeiyenteje önnödö.

JIIDEMÓN 1:9

yaawääne’ wä’jummanä jäcäinchädä täcamma’jo mmaane maneecamma’ja, öwö Paudo, inchomo’cä, Jesuuquidiito jäcäinchädä jedeesojaato.

EEWEDEO 13:22

Änwanno jimmä, aashichaane etaatäcä edä äwäätuujadööcomo öwwä; tawe’daasa mma wimennäi äwwadäädäiñe.

1 PEEDHODO 2:20

¿Aaquene mmaja täje eichöde’ conemjönö ännö’jödö jo’tädööje mmädä amaaminchadö shinchädö? Yääne Wanaadi yaacö’je na, aashichaato tödö’jödö weichaame äwäntunamjödö shinchädööne.

1 PEEDHODO 2:5

Änwanno mmaja täju yeichöödoto töweiye naichöje maato. Wanaadi woije oojodö’täcä Epíiditu Santo ewöötöje aweichöcoomo wetä, maa amääajä töweiye naichöje, Wanaadi wwä töwa’deuwaamo shooma’comooje aweichöcoomo wetä mmaja. Yaawä Jesuuquidiito ai Wanaadi wwono saaquidiijiisiyo aashichaato u’jai maato, Wanaadi wacö’je.