DOMAANO 11:36 - Wanaadi A'deddu

³⁶ Wanaadi jonnoto we’ajä mädä tameedä naadö. Töwö dea cönnöi; chäwwonooje na dea. Aashicha wa’deutojooje Wanaadi ña yeichöödäje. Amén.

DOMAANO 11:36 ပူးပေါင်းရင်းမြစ်များ

MATEO 6:13

Ñaa mäiñunaacajoi’che; tösancwajoone ñaa sancwajoocä conemjönö jonno. Ñäädä mma amäädä Cajiichaana Jäduujato, aashichato wa’deuto’mato mmaja, yeichöödäje. Amén; quee caichäcä’de.

DUUCA 19:38

cönä’döa’to: —Aashichaato määdhä Cajiichaana, Cädhaajotoncomo eetö joiño we’ajä. Caju ñancomo wwäiñe täncanoode’da weichojo na. Aashichaato ñäädä Wanaadi; quee cönä’döa’to.

DUUCA 2:14

Aashichaato ñäädä Wanaadi, caju ñano. Nono de’woncomo täncanoode’da weichojo neneeaato’de, ñanno chääjäcäiñe Wanaadi ta’cwaiñe naadö; quee cönä’döa’to.

DOSECHO 17:28

Töwö yoije cöweichöcoomo töweiye na, mädä nudä caatoodö; töwö yoije mmaja cä’jimi’chato dea. Änwanno äjimmotoncomo dea yääje cömmennäi: “Cönwanno Wanaadi jimmäje caato;” quee.

DOMAANO 16:27

Ñäädä Wanaadi yäätonno ’jemjönö, töseedujä’nato, yeichöödäje aashicha wa’deutojooje na Jesuuquidiito jäcäinchädä. Amén.

1 CODINTIYO 11:12

Dhanwa sudaadöje wodi weichaame dhanwa nennua wodi ai. Tameedä mädä na Wanaadi woije.

1 CODINTIYO 8:6

Cönwanno cöwwäiñe mmaane tooni Wanaadi ña, ñäädä Cumöötoncomo, tameedä tödööajä naadö tödöönei’jödö. Töwö chäwwonooje caato cönwanno. Tooni mma mmaja Ädhaajä na dea, ñäädä Jesuuquidiito. Töwö yoije tameedä tödööajä weneene, cönwanno jadä’jödöödä.

CAADATA 1:5

Wanaadi aashicha wa’deutojooje na yeichöödäje. Amén.

EUJEESIYO 3:21

Quedeiyente jäcäinchädäiñe, Jesuuquidiito jäcäinchädä mmaja, Wanaadi aashicha wa’deutojooje na, yeichöödäje. Amén.

JIDIIPENSE 4:20

Cumöötoncomo Wanaadi aashicha wa’deutojooje na yeichöödäje. Amén.

1 TIIMOTEO 1:17

Yääje yeijäcä aashicha tödööto’me na ñäädä Cajiichaana yeichöödoto, aashicha wa’deutojooje mmaja yeichöödäje. Töwäämamjönö töwö, töwäänemjönö mmaja, ñäädä mma Wanaadi, töseedujä’nato. Amén.

1 TIIMOTEO 6:16

Ñäädä mma töwö yeichöödoto. Töwö yeichojo na tawaanato aca, wötooto’jönö ña. Wanaadi eneenei’jödö ’je’da na soto, äänejöönö töwö yeijäcä. Töwö na aashicha wa’deutojooje, yeichöödäje tameedä Cajiichaanaje mmaja. Amén.

2 TIIMOTEO 4:18

töwö dea yeewanaaca’de tameedä conemjönö jonno; aashicha yeedai’cha’de töjaatacäi caju ña wä’dödö jonaane. Töwö aashicha wa’deutojooje na, yeichöödäje. Amén.

EEWEDEO 13:21

Töwö Wanaadi chäänönge ayöödöaato, aashicha ayöödöaato dea tameedä aweichöcoomo jäcä, tumjummadö woije tödönnamooje aweichöcoomo wetä yaawä. Töwö Wanaadi Jesuuquidiito ni’wa’tädö que cödööato tumjummadö woije. Ñäädä Jesuuquidiito aashicha wa’deuto’me na yeichöödäje. Amén.

EEWEDEO 2:10

Tameedä tödööajä naadö Wanaadi wwonooje na; töwö iiñödö dea mädä tameedä. Töwö tameedä tönnacoomo aashicha töweichö nönge dea tödö’se cönä’ja’to. Yääje yeijäcä aashicha cöntö’taacä chäwwä wäntunaanö’nä que Jesuuquidiito shoomadö, ñanno töneewanaacadö ewaanacaaneichomooje.

1 PEEDHODO 4:11

Ñäädä ecammajä’nei, Wanaadi a’deddu ecammajäätödö töweiye naichöje necammajäätö’ñojo. Ñäädä anejja wwä tödööjä’nei, töjäädudu Wanaadi nutuudu que nödö’ñojo. Mädääje tameedä ännödööcomo que aashicha Wanaadi weichö tacaade eijai ña, Jesuuquidiito joi. Ñäädä Jesuuquidiito yeichöje aashicha wa’deutojooje na, tameedä cajiichaanaje mmaja. Amén.

1 PEEDHODO 5:11

Töwö Wanaadi yeichöje aashicha wa’deutojooje na, tameedä cajiichaanaje mmaja. Amén.

2 PEEDHODO 3:18

Töwaatö’nä’eene aatö’nä’täcä Cädhaajotoncomo Jesuuquidiito nutuudu aashichaato que, ñäädä Cäwaanacaaneichomo, töwö odhoowanääcäiñe tödöödö que mmaja. Aashicha wa’deutojooje töwö na, eduuwa yeichö jonno yeichöödäje. Amén.

JUUDHA 1:25

Ñäädä mma ñäädä Wanaadi, töseedujä’nato, Cäwaanacaaneichomo. Töwö Wanaadi Cädhaajotoncomo Jesuuquidiito ai aashicha wa’deutojooje na, o’jodhaatoje tä’täämöje mmaja; töwö cajiichaanaje mmaja na dea. Jenaado’jä ’jödöödä eduuwa naadö jona tödööene mädääje na, yeichöödäje yääje töweiyemööje dea. Amén.

APOOCADIISI 19:1

Yääje mma yaawä caju ña wetaaquene a’deu; jooje cönäätaacä. Yää a’deu cönä’jaacä jooja’como soto wa’deuwödööcomo. Tönwanno cönä’döa’to: Aadeduuya. Äwaanacaanei mä’dä Cöwaanadiiyöcoomo, jäduujato mmaja, aashicha wa’deutojooje mmaja,

APOOCADIISI 21:6

Yaawä töwö cönä’döaacä öwwä: —Tödööe na. Öwö ñäädä awa’deeto, yaatameedö mmaja. Ñäädä emjätö’sato wwä täje’da wänu’a’de weichojo tunai’chädö, yää acuuwena weja’cadö.

APOOCADIISI 7:10

Tönwanno töcä’de cöna’deuwa’to tujummä; cönä’döa’to: Äwaanacaanei mä’dä Cöwaanadiiyöcoomo, mude de’wä naadö, mä’dä Oweeja nnedö’cä mmaja; quee cönä’döa’to.

APOOCADIISI 7:12

Edääje cönä’döa’to: Amén. Aashicha wa’deutojooje ma, amäädä ñaa Wanaadiyö. O’jodhaato amäädä, töseedujä’nato mmaja. Töwa’demeequemööje ma amäädä, aashicha tödööto’me mmaja, yeichöödäje. Ñäädä mma amäädä jäduujato, tameedä tödööjaicho. Amén; quee cönä’döa’to.