DOMAANO 11:32 - Wanaadi A'deddu

³² Wanaadi tameedä soto töwoijemjöncomooje cöne’toicho, tameedä wentumje eneedöcoomo wetä töwwä.

DOMAANO 11:32 ပူးပေါင်းရင်းမြစ်များ

JUAN 1:7

Ñäädä Juan Wautiita cöneejä weiyu jäcä ecammajä’neije, tameedä soto wwäiñe ecamjödö wetä ñeecammajäätödö etaadö’jo.

JUAN 12:32

Öwö edä nono jonno waatannä’ja’jäcä tameedä soto wene’aato’de öwwadäädä; quee cönä’döaacä Jesuuquidiito.

DOMAANO 11:31

Tönwanno judhíocoomo Wanaadi woije ei’cha naato eduuwa, äcuude wentumje töwäädantäjoodöcoomo wetä, eduuwa Wanaadi wentumje adheeneaatoodöje mmaja.

DOMAANO 3:22

Jesuuquidiito ecamjödö jäcäinchädä Wanaadi töjaadonooje soto nödööaato, tameedä ecaanö’nnamo. Anejjeja anejja soto weichojo ’je’da na.

DOMAANO 3:9

¿Aaquene yaawä? ¿Anejjacoomo e’jodha’como ca ñaa judhíocoomo, yääje yeiya’jäcä? Ñg’jn, cho’jodheiñe’da. Cönwanno cowaanäcäiñe na tameedä conemjönö wwä oto’jodheinchajoojai cöweichöcoomo, judhíocoomo mmaja, judhíojöncomo mmaja.

DOMAANO 5:19

Tooniyaano dhanwa chäänönge’da yei’jödö e’nei jooja’como soto conemjönö tödönnamooje cönä’döicho. Mädääje mmaja tooniyaano dhanwa chäänönge yei’jödö e’nei chaja jooja’como soto Wanaadi jadoonoje nä’döjaato.

CAADATA 3:22

Wanaadi a’deddu imennaajä necamma tameedä soto jedeeso nönge yeichöcoomo töcoone’nadiiyöcoomo awä. Yääje yeijäcä Jesuuquidiito ecamjödö queene Wanaadi necamma’jödö aashichaato nä’tua ecaanö’nnamo wwäiñe.

CAADATA 3:23

Yää ecamjödö que weiñä eejö’dadä jenaado’jä waanontänä necammadö woije dea jedeeso nönge cä’ja’quene, ecamjödö que weiñä wä’dödö wa’cä.