DOMAANO 11:25 - Wanaadi A'deddu

²⁵ Änwanno jimmä, edä owaanojöönö’jödö odhoowanääcäiñe yei’she wa, o’jodhe ätö’tajäätödööcomo queiñe: Ñanno iisadaaediitacoomo dhantai cöntäijamöicho, ñanno judhíojöncomo Wanaadi sotoije töwä’döaamo yääwanaacadööcomo wa’cä mma.

DOMAANO 11:25 ပူးပေါင်းရင်းမြစ်များ

MATEO 13:11

Töwö cöneccujä’a’to: —Änwanno äwwäiñe u’ajä na Wanaadi töcaajichaanaije weiñä jäcä owoowanoomato’como, yää owaanojöönö’jödö. Chäwwäiñe mmaane etaatojo ’je’da na.

DUUCA 21:24

Dhantai wänä canaadöje nä’ja’aato’de; dhantai tameedä nono weichö wa’cä jedeesoje nataadäjaato’de. Judhíojöncomo Jeduusadén ñano jataawä naademaato’de tucu’nädööcomo wataamedö wa’cä.

JUAN 10:16

Anejja oweeja töweiye mmaja naato dea öwwä, edä cudaada acancomoojönö; tönwanno mmaja täne’emje naato dea. Tönwanno netaato’de ya’deddu; tooni mma na’de cudaada, tooni mmaja oweeja edai’chäneichomo.

DOMAANO 1:13

Jimmä, edääje wä’dö’se wa äwwäiñe: Weiñäje adöiñaiñe öötä’se töweiye wä’jaaquennö’je, yaawääne’ eduuwa naadö jona tödööene täjai’cha töweiye wä’jaaquene. Adöiñaiñe öötä’se wäänene adhantawäiñe quedeiyenteje neewaacadö töweiye yei’she weijäcä, aneiñaja quedeiyenteje önnödö töweiye naadöje mmaja.

DOMAANO 11:12

Yää chäänönge’da iisadaaediita wei’jocoomo aashichaatoje cönä’dhe’maichö naane’ tameedä soto jäcäiñe; yeejucca’jocoomo aashichaatoje cönä’dhe’mai chea judhíojöncomo jäcäiñe. Töwaacö’je mma yeeconeeca’comjäcä.

DOMAANO 11:24

Amäädä maadö naane’, judhíoje’da aweichaame jönaawono dee ajäädöje aweichö jonno mataaco’jone, ñeene aca awaatötaajodö wetä. Töwaacö’je mma ñanno judhío, dhajäädö neene, täjööcomo neene aca ääwaacajoojai ñaato.

DOMAANO 12:16

Ä’tu’de’tä’daane eichäcä änwannoje dea. O’jodhe awei’sheiñe’da eichäcääde; ema’jödööja’como jadä mmaja ääweichacoonoje eichäcä. Äwwäädäiñe mma towaanojo’ne määcanö’täi.

DOMAANO 16:25

Aashicha wa’deutojooje Wanaadi ña; töwö äjäädu’täjaiñe na aashichaato wätunnä töneecammajä’e wääneneedö que, Jesuuquidiito ecammajäätödö que mmaja, yää edä nono tödö’jödö jonnoto’jödöödä owaanäcä’da cönä’ja’dö.

DOMAANO 9:18

Mädääje na; töwö Wanaadi wentumje soto neneea wentumje ene’se töweichö woije; chäijannä’ca’se töweichö woije mmaja nichäijannä’ca dea.

1 CODINTIYO 10:1

Jimmä, ätö’tatääcä cadai’choncomo wei’jocoomo jäcä; tameedä tönwanno ca’dutu o’nä töötä töweiye cönä’ja’to; tameedä cöne’dätoicho Dama Seweichato wenwa’duaajä ai.

1 CODINTIYO 12:1

Jimmä, cöwaadäiñe Epíiditu Santo nu’jätöödö jäcä odhoowanääcäiñe yei’she wa.

1 CODINTIYO 2:7

Ñaa töneecammajä’e weneene Wanaadi sejjedö owaanojöönööne, yää owaanäcä’da jenaadä cönä’ja’dö, edä nono tödöödö owaajodä cöwääwanaacato’comooje Wanaadi cöneejodöichö.

1 CODINTIYO 4:1

Yääje yeijäcä Quidiito anoonöje mma ñaa weichö chö’tamme’jai maato, Wanaadi nödöödö owaanojöönö’jödö jäcä ecammajä’nnamooje anonta’comooje mmaja.

EUJEESIYO 1:9

Töwö cöwwäiñe cöneenejoi chea töwwä töntö’tammecö’jödö tödöötojo, yää owaanojöönö’jödö, tumjummadö woije cöntö’tammecöichö.

EUJEESIYO 3:9

Wanaadi yaanontäne tameedä soto wwäiñe ecaademeecödö wetä töwwä tödöötojo yää owaanojöönö’jödö. Yää owaanojöönö’jödö numa tacaade’da cönä’jaacä, Wanaadi woije dea, ñäädä tameedä tödöönei’jödö.

EUJEESIYO 4:18

Tönwanno chö’tajäätödööcomo tötööjannä’ca na. Töwäätuujacoone’da töweichöcoomo woije towaanojo’ne’da naato; yääje yeijäcä Wanaadi weichö ’je’da naato.

2 PEEDHODO 3:8

Jimmä umjummadö, odhoowanääcäiñe tödöötäcä tooni anooto Cajiichaana wwä miide weduuto nönge yeichö; miide weduuto ’quene tooni anoototo nönge na chäwwä.

APOOCADIISI 1:20

Yaawä ñäädä soto nnedö nöngato cönä’döa’dea: —Edääje töwä’dö’se yeichö mädä chu’tädö meneeannö, ñanno aacä amoojato’como shidiichä yaamädö ämu’demjönö jäcä meneeantodö, aacä amoojato adhaawa a’täi meneeannö mmaja, yää oodo döaajä: Ñanno aacä amoojato’como shidiichä aacä amoojato amoode weichöcoomo cu’tädööje nä’janto, ñanno aacä amoojato ijaatadööcomo naadö quedeiyentecoomo edai’chännamo. Yää aacä amoojato adhaawa a’täi meneeannö mmaane, quedeiyentecoomo cu’tädööje nä’jaanä, ñanno aacä amoojato ijaatadööcomo naadö; quee cönä’döaacä öwwä.

APOOCADIISI 10:7

Yää anootoi’chädö awä dea, aacä amoojatooto amoode wwä waajänta’jäcä töjaanau’cwai etöödö, Wanaadi necamma’jödö owaanojöönö’jödö neja’dä’a’de, yää tanoonö wwäiñe cöneecammajäätöichö, ñanno ta’deddu ecammajä’nnamo; quee cönä’döaacä amoode.

APOOCADIISI 11:15

Yaawä aacä amoojatooto amoode töjaanau’cwai cöneetöi. Wa’deunä cönäätaacä yaawä caju ña, jooje. Edääje ya’deuwödööcomo cönäätaacä: Tameedä nono de’woncomo, ñanno cajiichaanacoomo sotoi, naato eduuwa Cädhaajotoncomo sotoije, dhanoonö Quidiito sotoije mmaja. Töwö Cajiichaanaje na’de yeichöödäje; quee cönäätaacä.

APOOCADIISI 7:9

Yää ’jeje weneeaquento jooje soto, ime’cu’tädö e’jodhe jooje yeichöcoomo. Jiidi cönä’ja’to mude je’taca, Oweeja nnedö’cä je’taca. Ñanno soto cönä’jato tameedä nono weichö de’woncomo’jödö, tameedä soto weichöcoomo wa’cä, tameedä jata waadoinchomo’jödö, tameedä aata’deucwemjöncomo’jödö. Yoomöcoomo cönä’jaacä tajääde’deiñe; wasai adö dha’me cönä’jato.