DOMAANO 11:20 - Wanaadi A'deddu

²⁰ Yääje mma’ne; tönwanno cönaataco’joicho aneecamjö’da töweichöcoomo jo’tädööje. Amäädä mmaane ecamjödö que mma adhaatötaane, mädä eduuwa maadö. Yääje yeijäcä o’jodhe chö’tajä’jai’cha ma; tönontä mmaane ñontäjai ma.

DOMAANO 11:20 ပူးပေါင်းရင်းမြစ်များ

DUUCA 18:14

Öwö yääje wä’döa äwwäiñe: Ñäädääne, acu’shänä jödaatai i’jummaneiñe töcoone’nadiiyö täncwanno’jo cönennacai tömmai chaca, jaadiseeojöönööne. Ñäädä o’jodhaato tö’tajäätödö dho’noncomooje nä’döja’de. Ñäädä dho’noncomo tö’tajäätödö mmaane o’jodhe nä’döja’de; quee cönä’döaacä Jesuuquidiito.

DOSECHO 18:6

Ñanno judhío eta’se’da cönä’ja’to; Wanaadi a’deddu cönquiiñeme’ca’to. Yääje yeijäcä Paudo töwoomö cuntu’majäätöi, choojonnoiñe töötädö ene’ju’tojooje. Töwö cönä’döaacä chäwwäiñe: —Owoijeiñe dea mä’ja’aato’de, öwö woijatooje’da. Eetonno wöta eduuwa judhíojöncomo wwadäädäiñe; quee cönä’döaacä Paudo chäwwäiñe.

DOMAANO 11:18

Yääje yeichaame dhajäädö neene e’jodhe ä’canö’jai’cha ma. Chö’tamme’cä imiichö iiñejencaneije’da aweichö; töwööne ännejencaneije na.

DOMAANO 11:21

Wanaadi dhajäädö neene änshinchä’da cöneiya’dö naane’; töwaacö’je amäädä, yaatötaajä mma.

DOMAANO 12:16

Ä’tu’de’tä’daane eichäcä änwannoje dea. O’jodhe awei’sheiñe’da eichäcääde; ema’jödööja’como jadä mmaja ääweichacoonoje eichäcä. Äwwäädäiñe mma towaanojo’ne määcanö’täi.

DOMAANO 12:3

Aashichaato Wanaadi nutuudu öwwä naadö woije edääje wä’döa äwwäiñe: Anejja mma to’jodheene chö’tajäätöi’che. Acu’shämjeene ätö’tajä’täcä, ecamjödö Wanaadi nutuudu äwwäiñe naadö ’cäwa’cä mma.

DOMAANO 3:3

Yääje yeichaame dhantai aneecamjö’da cöneiya’to. ¿Chäänönge Wanaadi weichö ca ninwacaamanto, yääje yeiya’jäcä, aneecamjö’da töweichöcoomo que?

1 CODINTIYO 10:12

Yääje yeijäcä ñäädä jäduujato tö’tadö towaadäädä nei’ñojo, e’ducca’no.

1 CODINTIYO 15:1

Jimmä, ätö’tamme’jo’seiñe wa äwwäiñe aashichaato wätunnä neecammajäätö’jödö jäcä, yää aashicha metaatäneedö, chääjäcäinchädä ejääduqueejö’da maatoodö.

1 CODINTIYO 16:13

Äädai’chätääcä; yäätäädä aneecamjödööcomo tödöötäcä. Dhanwaaje eichäcä, jäduujeiñe.

2 CODINTIYO 1:24

Aneecamjödööcomo jäcä adhaanontäjaiñe’da ñaa weichaame, yäätäädääne aneecamjödööcomo weiyajä; ä’wa’tädööcomo mmaane mädä ñaa wwä, jooje’cä ta’cwaiñe aweichöcoomo wetä.

2 CODINTIYO 10:5

Tameedä soto wätunnäichomo töne’jodheincha ñaa weneene, tameedä Wanaadi owaanäcä tödöödö emu’dänei mmaja. Tameedä tö’tajä’nä mmaja töncana’ca ñaa weneene dea, Quidiito woije yeichö wetä.

JIDIIPENSE 2:12

Yääje yeijäcä, jimmä umjummadö, ajaadäiñe weichö öwö woije tönnöe mä’ja’quennöje dea eichäcä, jooje’cä mmaane eduuwa ajaadäiñe’da weijäcä. Töwääwanaaca aweichöcoomo jäcä oowoinchatääcä, o’jodhe ätö’tajä’ancädäiñe’da, tönoiñe äneetä aweiyancädäiñeene.

CODOOSENSE 2:7

Choojonno ä’sancwa’da eichäcä, dee tömiichato yäätäädä töweiye naichöje, töwö ñi’wa’tädö que awaatö’nä’ancädäiñe. Jäduuje eichäcä aneecamjödööcomo jäcä, yeichöje Wanaadi wwä aashicha awa’deuwancädäiñe, moowanoomatäänedööje dea.

2 TEESADOONISENSE 2:4

Tu’de ñäädä. Töwö nä’jädu’ta’de tameedä Wanaadi nödöödö jäcä, tameedä soto nijummadööcomo jäcä mmaja. Wanaadi weichojo tawä töwö nataajima’de. Wanaadije nätä’ta’de yaawä.

1 TIIMOTEO 6:17

Yäätuujacooto edä nono de’woncomo tönsomaaca’como, o’jodhe chö’tajäätö’da yeichöcoomo wetä, mösooma jäcä jooje chö’tajäätödööcomo queiñe mmaja, töwaatameemö mma yeijäcä yää mösooma. Wanaadi jäcääne chö’tajä’jai ñaato, ñäädä nudooto, aashicha cöweicho’comooje ewontancädä’da cöwwäiñe tameedä u’nei.

EEWEDEO 3:12

Jimmä, odhoowadäädäiñe eichäcä, anejja mma adhantawäiñe cone’da chö’tajäätö’no, Wanaadi nudooto jonno ä’sancwajo’no yaawä aneecamjö’da töweichö woije.

EEWEDEO 3:19

Mädääje na; aneecamjö’da yei’jocoomo weijäcä aneejodö’da cöneiya’to yää wäädeetatoojo.

EEWEDEO 4:11

Yääje yeijäcä cä’jädu’tätäiye cönwanno, yää wäädeetatoojo ejoodödö wetä, anejja mma cantawäiñe ecoone’ma’no, ñanno aneecanö’jöncomo’jödö cöneecone’maichodööje mmaja.

EEWEDEO 4:6

Yääje yeijäcä töweiye dea naato anejjacoomo, yää wäädeetatoojo ejoodönnamooje töweiyaamo. Ñanno awa’deene aashichaato wätunnä etannamo’jödö yää wäädeetatoojo aneejodö’da cöneiya’to töneeta’jocoomo woije ännö’da töwei’jocoomo weijäcä.

SANTIYAACO 2:19

Amäädä chäänönge mecaanö’a tooni Wanaadi weichö; odo’shancomo mmaja mädääje necaanö’aato dea, tötäätä’nöngancädäiñe.

SANTIYAACO 4:6

Töwö Wanaadi aashicha töweichö woije cö’wa’tätäiñe weneene. Edääje dha’deddu imennaajä jäcä nä’döa: “Wanaadi nä’jädu’ta o’jodhaato tö’tajäätödö jäcä; o’jodhe chö’tajä’jönö mmaane töwö töni’wa’tä weneene, aashicha töweichö woije;” quee nä’döa.

1 PEEDHODO 1:17

Ñäädä Wanaadi äänöngeiñe soto tönemmenca weneene, iiñö’jocoomo woije mma. Yääje yeijäcä ñäädä Wanaadi oomotoncomooje e’ta’jäcä äwwäiñe, töwö ñontätääcä edä nono de’wä aweichöcoomo wadaadäädä.

1 PEEDHODO 5:12

She’caasa edä jajeeda wimennäjoi Siidawaano wwä, ñäädä quedeiyente chäänöngato öwö chö’tadö naadö. Öwö wimennäi äwäätuujato’comooje, ecammadö wetä mmaja chäänönge yeichö mädä Wanaadi nutuudu aashichaato. Jäduujeedä eichäcä mädä jäcä.

1 PEEDHODO 5:9

Oowontätääcä chäwwä, chäänönge ecaanö’ancädä. Mädääje dea töwäntunaanö’e weneeneto ajimmotoncomo tameedä yeichö wa’cä edä nono de’wä.

APOOCADIISI 18:7

O’jodhe tötö’tajä’e yei’jödö wa’coto mmaja, yä’wa’demeecö’jödö wa’coto mmaja, yäätä’maminchatoojo änu’täcä chäwwä, yaamotoojo mmaja. Edääje töwö chö’tajäätödö: “Öwö ñäädä cajiichaana wataajimaajä. Iiño wääma’jödööjönö öwö; yeetunu eneejai’cha wa;” quee chö’tajäätödö.

APOOCADIISI 3:17

Edääje äwä’dödö amäädä: “Tönsomaaque wa öwö; jooje öncana’cadö na. Tujummaamö ’je’da na eduuwa öwwä;” quee äwä’dödö. Yaawääne’ äntö’tammecö’da ma wentumje aweichö, ema’jödööje aweichö mmaja, tönsomaaque’da aweichö mmaja, tänuuque’da aweichö mmaja, töwonque’da aweichö mmaja.