DOMAANO 11:17 - Wanaadi A'deddu

¹⁷ Dhantai judhío cönä’sancwajoicho, dee ajääcadö töweiye naichöje. Amäädä inwacaanoje määwaacajoone ijaata’jödö awä, dee jönaawono ajäädö yaatajääcajo’jödö aca töwaatöta töweiye naichöje. Mädääje aweichojo mejoodöne, dhajäädö neene wei’jödö nönge mmaja dee watö’taajä sheene töwä’döe töweiye naichöje, yää dea imiichöje yeijäcä.

DOMAANO 11:17 ပူးပေါင်းရင်းမြစ်များ

MATEO 21:43

Yääje yeijäcä edääje äwwäiñe wä’döa: Wanaadi ayu’caato’de tösootoije aweichöcoomo jonno. Anejjacoomo tösootoije nödööaato’de, töwoije tödönnamoone.

JUAN 15:1

Edääje Jesuuquidiito cönä’döaacä: —Öwö ñäädä chääjö, chäänöngato wejössataadö; chuu dänei nönge Jaaja na.

JUAN 15:2

Tameedä dhajäädö täjössemjönö Jaaja najääca; täjössato mmaane Jaaja nichooneca, jooje’cä yeejössataadö wetä.

JUAN 15:6

Ñäädä öwö jaadäädonoojönö nätäämaja yaawä, dhajäädö yu’taajä tödöödö naichöje. Yää dhajäädö yu’taajä soto ni’jummaato yaawä wa’to nwaca yau’cwadö wetä.

DOSECHO 2:39

Änwanno owwoncomooje na yää Wanaadi necamma’jödö, ännacontoncomo wwoncomooje mmaja, tameedä amoincha’como wwoncomooje mmaja, tameedä Cajiichaana Cöwaanadiiyöcoomo na’dejjadööje töweiyaamo wwoncomooje mmaja; quee cönä’döaacä Peedhodo.

DOMAANO 11:24

Amäädä maadö naane’, judhíoje’da aweichaame jönaawono dee ajäädöje aweichö jonno mataaco’jone, ñeene aca awaatötaajodö wetä. Töwaacö’je mma ñanno judhío, dhajäädö neene, täjööcomo neene aca ääwaacajoojai ñaato.

CAADATA 2:15

Judhíocoomo neene ñaa, judhío nnacoomo mmaja, conemjönö dönnamoojönö, anejjacoomo soto weneenetoodöje’da.

EUJEESIYO 3:6

Edä yää owaanojöönö’jödö: Aashichaato wätunnä ecammajäätödö que ñanno judhíojöncomo naato eduuwa Wanaadi nutuudu eiñamooje, judhío naatoodöje mmaja. Tönwanno judhíojöncomo naato dea yää dea ejööje mmaja, Wanaadi necamma’jödö enennamooje töweiyaamoje mmaja, yää Jesuuquidiito jäcäinchädä cöneecammaichö.

CODOOSENSE 2:13

Jenaadä töwääma mä’ja’quene ocoone’nadiiyöcoomo awä, ajuunucoomo nijummadö jäcä siicunsidaadoje’da awei’jocoomo weijäcä mmaja. Eduuwaane Wanaadi aweichöcoomo cuntui Quidiito jadä, tameedä ocoone’nadiiyöcoomo encwanno’jodö’jo.

APOOCADIISI 11:4

Ñanno ecammajä’nnamo naato yää aacä cujeedi ñaatö’taajä cu’tädööje, aacä adhaawa a’täi cu’tädööje mmaja, yää edä nono Edhaajä je’taca naadö.