DOMAANO 11:14 - Wanaadi A'deddu

¹⁴ Mädääje wäänene ñanno jimmä judhíocoomo i’ñeimmajoodöcoomo wetä äjääcäiñe, awei’yejeiñe mmaja yeichöcoomo wetä yaawä, dhantai ääwanaacaiyeto yaawä.

DOMAANO 11:14 ပူးပေါင်းရင်းမြစ်များ

DOMAANO 10:19

Yääje yeijäcä yääje wä’döa: ¿Dhowaanäcäiñe’da ca iisadaaediitacoomo nai? Dhowaanäcäiñe ’cännä. Edääje Wanaadi wa’deuwö’jödö Moisé nimennädö naadö naane’: Ñanno sotooje’da naatoodö wi’ñeimmajaato’de äwwäiñe. Soto towaanojo’nemjöncomo jäcä maneetömaajaato’de; quee.

DOMAANO 11:11

¿Töweichöcoomoodäje ca judhío cöneeju’cätoicho, yääje yeiya’jäcä? Ng’jn, yääje’da na. Yää chäänönge’da iisadaaediita wei’jocoomo judhíojöncomo wääwanaacato’como cöneejodööjoi, ñanno iisadaaediitacoomo cone’da yä’döjoodöcoomo wetä, judhíojöncomo wei’yejeiñe mmaja tödö’se yeichöcoomo wetä yaawä.

DOMAANO 9:3

Quidiito jonno töwä’sancwa wei’she tötö’tajä’e wäänene aneedawä, jimmä nwacancomooje, ñanno öwö wä’jimmä’tädö, yääje eijai yeiya’jäcä.

1 CODINTIYO 1:21

Edä nono de’woncomo towaanojo’ne töweichöcoomo que mma Wanaadi towaanäcäiñe tödööjai’cha naato; tösejjeque Wanaadi weichö woijato dea yää. Täcaanö’nnamo mmaane töwö Wanaadi töneewanaaca weneeneto, ñanno ta’deddu ecammajäätödö etannamo’jödö, yää i’jeta’jödööje anejjacoomo töne’tä weneenetoodö.

1 CODINTIYO 10:33

Mädääje wäänene öwö, tameedä soto a’cwaimato’como tunuujiye, öwö aashicha weichojo ujiiyancädä’da, tönwanno aashicha yeicho’comoone, yääwanaacadööcomo wetä yaawä.

1 CODINTIYO 7:16

Edääje wä’dö’se wa äwwäiñe, änwanno quedeiyentecoomo: Amäädä wodi, ¿oiño quedeiyenteje’da naadö ewaanacaajai aweichö jäcä chö’tajäätö’da ca määnene? Amäädä mmaja dhanwa, ¿ajiiñamo quedeiyenteje’da naadö ewaanacaajai aweichö jäcä chö’tajäätö’da ca määnene?

1 TIIMOTEO 1:15

Chäänöngato edä wecammaadö, täcaanö’emje mmaja: Jesuuquidiito cöneejä edä nono de’cäi conemjöncomo ewaanacaiñe, öwö waadö, tameedä cho’jodha’como’cä jaiñoone.

1 TIIMOTEO 2:4

Töwö Wanaadi tameedä soto yääwanaaca’seiñe na, tameedä chäänöngato wätunnä dhowaanäcäiñe yei’she na dea.

1 TIIMOTEO 4:16

Odhoowadäädä eichä aweichö jäcä, owaanomaadö jäcä mmaja; jäduuje eichä tameedä mädä nöngato jäcä. Mädääje aweiya’jäcä määwanaaca’de, tameedä adheetannamo’jödö mewaanacaato’dede.

2 TIIMOTEO 1:9

Töwö Wanaadi cäwaanacaatäne; ca’dejjatääne dea töwwonooje cöweichöcoomo wetä. Töwö cäwaanacaatäne aashichaato cönnödööcomo jäcäinchädä’da, tumjummadö woijeene, Jesuuquidiito jäcäinchädä cujummatäiñe töweijäcä mmaja. Töwö Wanaadi cujummatääne edä nono tödöödö owaajodääde.

2 TIIMOTEO 2:10

Yääje yeijäcä tameedä tönshinchä wäänene ñanno Wanaadi neichö jäcäinchädäiñe, tönwanno mmaja yeichöödoto wääwanaacatoojo ejoodöiyetoode, yää aashichaato, Jesuuquidiito jadä weiñä naadö.

TIITO 3:5

töwö cäwaanacaatäne. Aashicha cönnö’jocoomo jäcäinchädä’da töwö cäwaanacaatäne, töwwä wentumje cäne’jocoomo weijäcääne. Töwö Wanaadi cäwaanacaatäne cöcoccadööcomo que, yää eduuwaatoje cöwennuduucomo cu’tädööje naadö. Epíiditu Santo ai cäwaanacaatäne, ñäädä eduuwaato cöweichöcoomo u’nei.

JIIDEMÓN 1:12

Öwö wiiñacaanö’ja adöiña; yääje yeijäcä aashicha tödööcä’de öwö yöödöjai maadö wa’cä dea.

EEWEDEO 1:14

Ñanno tameedä Wanaadi amoodedö naato tanontaamoje mma, töwääwanaacaamo i’wa’tännamooje anonta’como.

EEWEDEO 2:3

Töwaacö’je cönwanno eduuwa. ¿Aaquene cöwäätä’maminchajoodöcoomo caneemaichatäädöde’ mädä wa’coto wääwanaacatoojo chiiñeme’ca’jäcä cöwwäiñe? Cajiichaana Jesuuquidiito yää wätunnä cöneecammajäätöi awa’deene. Yää ’jeje ñanno Cajiichaana necammajäätödö etannamo’jödö chäänönge cöneecammajäätöicho dea cöwwäiñe.

SANTIYAACO 5:20

Ñäädä tösaadijange yeichö jonno conemjönö tödöönei sha’duminchanei yäämatoojo jonno soto newaanaca; jooje conemjönö wätäncwanno’jotoojo nejoodöja ñäädä.