DOMAANO 10:16 - Wanaadi A'deddu

¹⁶ Yääje yeichaame tameedä’da aashichaato wätunnä etannamo’jödö töneecanö’e naato. Edääje Isaía nimennä’jödö nä’döa: “Cajiichaanä, ¿änääcö necaanö’anä ñaa necammajäätödö?” quee.

DOMAANO 10:16 ပူးပေါင်းရင်းမြစ်များ

MATEO 13:14

Mädääje yeichöcoomo que Isaía necammajäätö’jödö chäänönge nä’döa, ñäädä Wanaadi wa’deuwödö ecammanei. Edääje immennä’jödö naadö: Änwanno äwwäiñe etaajä’taame aneeta’da maato’de; äwwäiñe ene’mataame mmaja, äntö’tammecö’da maato’dede.

JUAN 10:26

Yääje yeichaame aneecamjö’da maato, sootoije’da aweichomjäcä, jenaadä wä’döaaquennöje dea.

DOSECHO 28:24

Anejjacoomo aashicha cöneeta’to ñeecammajäätödö; anejjacoomo ’quene aneecamjö’da cöneiya’to.

DOMAANO 1:5

Jesuuquidiito jäcäinchädä Wanaadi ñaa anontäne aashicha töweichö woije. Töwö ñaa anontäne Jesuuquidiito joi, tameedä soto wwäiñe ta’deddu ecammajä’e, ecamjödö wetä yaawä chäwwäiñe, Wanaadi woije yeichöcoomo wetä mmaja.

DOMAANO 11:17

Dhantai judhío cönä’sancwajoicho, dee ajääcadö töweiye naichöje. Amäädä inwacaanoje määwaacajoone ijaata’jödö awä, dee jönaawono ajäädö yaatajääcajo’jödö aca töwaatöta töweiye naichöje. Mädääje aweichojo mejoodöne, dhajäädö neene wei’jödö nönge mmaja dee watö’taajä sheene töwä’döe töweiye naichöje, yää dea imiichöje yeijäcä.

DOMAANO 16:26

Eduuwaane ñäädä Wanaadi yeichöödoto yää wätunnä cöneecadeeme’joi töwa’deuwödö ecammajä’nnamo nimenno’jocoomo ai. Yää cöneecadeeme’joi tameedä soto weichöcoomo wa’cä, tameedä ecamjöiyeto, Wanaadi woije eiyetoode yaawä.

DOMAANO 2:8

Conemjönö jäcä cone’da töweijäcä töwö Wanaadi nimaaminchaato’de ñanno töwoijemjöncomo, chäänöngato wätunnä woije eijöncomo, ñanno chäänöngemjönö woija’como.

DOMAANO 3:3

Yääje yeichaame dhantai aneecamjö’da cöneiya’to. ¿Chäänönge Wanaadi weichö ca ninwacaamanto, yääje yeiya’jäcä, aneecamjö’da töweichöcoomo que?

DOMAANO 6:17

Jenaadä conemjönö anoonöje mä’ja’quene; eduuwa mmaane tödö’se aweichöcoomo que owoowanooma’jocoomo woije maato, yää chääque towaanoma maatoodö. Yääje yeijäcä aashicha Wanaadi tä’tämje na.

CAADATA 3:1

Änwanno jimmä, Cadaasiya ñancomo, ¿aaquene mädä wa’cä aneene’jutu’da maato? ¿Änääcö ä’jedäätäne chäänöngato wätunnä woije’da aweichöcoomo wetä? Aneetadööcomooje ñaa cöneecammajäätöi Jesuuquidiito cuduusa jäcä yääma’jödö. Yää cönä’jaacä äwwäiñe eneedö wa’cä.

CAADATA 5:7

Änwanno chäänönge maajäntätäänedö’je, ¿änääcö adheemu’dojootäne chäänöngato woije’da aweichöcoomo wetä?

2 TEESADOONISENSE 1:8

Töwö Jesuuquidiito ne’a’de wa’to töjääcä. Töwö nichuuseijaato’de Wanaadi ämjummajöncomo’jödö, ñanno Cädhaajotoncomo Jesuuquidiito wätunnäi aashichaato woije töwei’shemjöncomo’jödö.

EEWEDEO 11:8

Ecamjödö que mmaja Aawadán Wanaadi waanontä’jödö cönnöi, aneiñaja tönoonodööje töweiyemö ña tanontädaawä. Töwö töjaatawonno cönääma’täi towaanäcä’da yeichaame töötotoojo.

EEWEDEO 4:2

Cönwanno cöwwäiñe mmaja aashichaato wätunnä cönäätäcammai, ñanno wwäiñe cönäätäcammaichöje mmaja. Yaawääne’, yää wätunnä eta’jödö ännö’daiñe cöneiyacä, aneecamjö’da yei’jocoomo weijäcä töneeta’jocoomo.

EEWEDEO 5:9

Chäänönge töwä’döa’jäcä töwö Jesuuquidiito wääwanaacatoojo yeichöödoto u’neije cönä’döi yaawä, tameedä ta’deddu woije tödönnamo wwä.

1 PEEDHODO 1:22

Änwanno chäänöngato wätunnä mecaanö’täne Epíiditu Santo ni’wa’tädö que. Mädääje adheewanööcomo michoccajootäne, wätäncu’tänä que’da quedeiyentecoomo ijummadööcomo wetä äwwäiñe. Yääje yeijäcä joojeene ä’jummatääcä, adheewanööcomo jadäädääne.

1 PEEDHODO 2:8

Edääje mmaja imennaajä nä’döa dea: Ñäädä dhanwa na’de soto weju’co’to’me; täju soto emajjoneichomo töweiye naichöje mmaja na’dede; quee. Ñanno aneecanö’jöncomo neju’cä’aato Wanaadi a’deddu ännö’da töweijäcäiñe. Yääje töweiyaamoje dea cönä’ja’to.

1 PEEDHODO 3:1

Änwanno mmaja töiñoca’como, oiñonootoncomo woije eichäcä, anejja quedeiyenteje’da yeiya’jäcä ecamjöiye yaawä, töwaataquiimajoodö’jo’da, töjiiñamo weichö eneedö que mma,