DOMAANO 10:15 - Wanaadi A'deddu

¹⁵ ¿Aaquene chäwwäiñe ätääcammajäätödö deeade’, chäwwäiñe ecammajä’nei tanontä yeichöjöönö? Edääje Wanaadi a’deddu imennaajä nä’döa: “Aashicha töweiye nai ñäädä wääma’tädö, aashichaato wätunnä ecammajä’nei, yää täncanoode’da weiñä jäcoono;” quee.

DOMAANO 10:15 ပူးပေါင်းရင်းမြစ်များ

MATEO 9:38

Yääje yeijäcä adha’deutäcä tadaawaaju Edhaajä wwä, töwö tötaadawaajui dödö jäcä soto anaanontäiyeto; quee cönä’döaacä Jesuuquidiito.

DUUCA 10:1

Yää ’jeje Cädhaajotoncomo Jesuuquidiito cöne’toicho dea anejjacoomo tanontaamo daja, aaduwaawä sotooto de’wä amoojadä. Töwö towaajo cönaanontoicho aacäi, tameedä jata töötotoojo waadäi;

DUUCA 2:10

Yaawä ñäädä amoode cönä’döaacä chäwwäiñe: —Määcatoncatäi. Aashichaato wätunnä ecammajä’e dajaane weejä, tameedä soto ta’cwaiñe yeicho’como.

DUUCA 2:14

Aashichaato ñäädä Wanaadi, caju ñano. Nono de’woncomo täncanoode’da weichojo neneeaato’de, ñanno chääjäcäiñe Wanaadi ta’cwaiñe naadö; quee cönä’döa’to.

DUUCA 8:1

Yää ’jeje Jesuuquidiito cönäämannä’acä jata waadäi, aashichaato wätunnä Wanaadi töcaajichaanaije tödöödö jäcä ecammajä’ancädä. Ñanno amoojadooto de’wä aaco’como ñoowanoomadö chääjadä cönä’ja’to dea.

JUAN 20:21

Yää ’jeje Jesuuquidiito cönä’döa’dea chäwwäiñe: —Täncanoode’da aweicho’como äwwäiñe yei’she wa. Jaaja yenno’janeedöje mmaja manenno’jaato öwö; quee cönä’döaacä.

DOSECHO 10:36

Töwö Wanaadi Isadaaeeda atöödö wwäiñe cöneecammai yää Jesuuquidiito ecamjödö que täncanoode’da weichojo, ñäädä tameedä Ädhaajäje naadö.

DOSECHO 13:26

“Änwanno jimmä, Aawadán weichö nnacoomo, änwanno mmaja Wanaadi ñontännamo, edääje wä’dö’se wa äwwäiñe: Äwwoncomo mädä wääwanaacatoojo jäcä ecammajäätödö naadö.

DOSECHO 22:21

Töwö cönä’döaacä öwwä: “Äjääne, amoinche manaanonta eetonno, judhíojöncomo döiñaiñe;” quee cönä’döaacä yaawä öwwä; quee cönä’döaacä Paudo ñanno Jeduusadén ñancomo wwä.

DOSECHO 9:15

Yaawä Cajiichaana cönä’döaacä: —Äjääneene; öwö weiñä ñäädä ya’deddu ecammaneije töweiyemööje tameedä soto wwäiñe, cajiichaanacoomo wwä, iisadaaediitacoomo wwä mmaja.

DOMAANO 1:15

Yääje yeijäcä öwö tö’tajäätödö na aashichaato wätunnä ecammajäätö’se äwwäiñe, änwanno Dooma ña maatoodö.

DOMAANO 15:20

Öwö tönencano’tä wä’jaaquene aashichaato wätunnä ecammajäätödö Quidiito dhowaanojöncomo wwäiñeene, anejja najäntä’jödö de’wä mma taadawaajui wännö’no, quee öucwadööje.

EUJEESIYO 2:17

Töwö Quidiito cöneejä aashichaato wätunnä ecammajä’neije, yää äätu’dedööje’da weiñä jäcä ecammajäätödö. Töwö yää cöneecammajäätöi äwwäiñe, änwanno amoincha’como’jödö; judhío wwäiñe mmaja cöneecammajäätöi chea, ñanno amoinchemjöncomo.

EUJEESIYO 3:8

Tameedä Wanaadi sotoi o’näiñe wa; yääje yeichaame Wanaadi mädä taadawaajui cuntui öwwä, judhíojöncomo wwäiñe ecammajäätödö wetä öwwä Quidiito nödöödö aashichaato, yäätonno ’jemjönö.

EUJEESIYO 6:15

Ä’juduucomo ewontätääcä aashichaato wätunnä que, yää täncanoode’da weichojo ecammanei; täcoije meichäiye yaawä ecammajä’e.

1 PEEDHODO 1:12

Wanaadi chäwwäiñe cöneecammai yää chäwwoncomooje’da yeichö, cöwwoncomoojeene. Yää äwwäiñe täcamma na eduuwa aashichaato wätunnä ecammajä’nnamo wwäiñe, ñäädä Epíiditu Santo caju ñanno anontaajä jäduudu que. Wanaadi amoodedö mmaja towaanäcäiñe yei’she naato dea yää.