DOMAANO 1:9 - Wanaadi A'deddu

⁹ Tödö’se weichö que Wanaadi wwä tönnöe wäänene, mädä Iiñedö jäcä aashichaato wätunnä töneecammajä’e wääneneedö. Töwö Wanaadi dhowaanäcä na weiñäje töwwä töwa’deuwe weichö.

DOMAANO 1:9 ပူးပေါင်းရင်းမြစ်များ

MAADOCO 1:1

Edä yää Jesuuquidiito wätunnäi aashichaato waajäntädö, ñäädä Wanaadi nnedö.

DUUCA 18:1

Edä mmaja Jesuuquidiito chäwwäiñe cöneecammai chea, yö’seenoje, töweejäduuque’ancädä’da weiñäje Wanaadi wwä wa’deunä jäcä.

DOSECHO 12:5

Mädääje jedeeso ewöötö’tädö taca Peedhodo cöneedai’cha’to. Quedeiyentecoomo mmaane jooje Wanaadi wwä cöna’deuwa’to chääjäcä.

DOSECHO 19:21

Yää ’jeje Paudo töötä’se cönä’jaacä Maasedooniya ña, Acaaya ña mmaja, Jeduusadén ña töötädö wetä yaawä. Edääje cöntö’tajä’acä: Jeduusadén ña ööta’jäcä Dooma ña täjai wa yaawä; quee.

DOSECHO 24:14

Edääje mmaane wäänene: Yaadaichö Wanaadiyööcomo woije wäänene, eduuwaato weichojo wä’dödö nönge, yää chäänöngemjönööje töne’tä weneenetoodö. Öwö wecaanö’a tameedä jenaado’jä waanontänä, Wanaadi wa’deuwödö ecammannamo nimenno’jocoomo mmaja.

DOSECHO 27:23

Edä coijaichawä amoode näänejoi öwwä, Waanadiiyö anoonö, ñäädä shootoije waadö.

DOSECHO 3:26

Yäämaajo jonno Tönnedö adonca’jäcä töwö Wanaadi cönaanontäi äwwadäädäiñe awa’de, aashichaato tödöödö wetä äjääcäiñe, awaadäiñe ocoone’nadiiyöcoomo e’nomjadö wetä yaawä äwwäiñe; quee cönä’döaacä Peedhodo soto wwäiñe.

DOMAANO 9:1

Chäänönge ya’deuwa, Quidiito sotoi wa’deuwödö töweiye naichöje; ätäncu’tä’da wa. Tö’tajäätödö jaiñoone wecamma äwwäiñe, Epíiditu Santo woije.

2 CODINTIYO 1:23

Wanaadi owaadäädä edääje wä’döa; töwö dhowaanäcä na chäänönge wa’deuwödö yeichö: Wentumje ayöödöjoodöcoomo queiñe dajaane Codinto ña tä’da weiyaqueene.

2 CODINTIYO 11:31

Cädhaajotoncomo Jesuuquidiito Wanaadiyö, ñäädä Yuumö, dhowaanäcä na wäätäncu’tädööje’da yeichö mädääje wä’dödö; ñäädä Wanaadi ña yeichöödäje aashicha wa’deutojooje.

CAADATA 1:20

Wäätäncu’tädööjönö mädä wimennaadö; Wanaadi dhowaanäcä na yääje yeichö.

EUJEESIYO 6:18

Tameedä mädä tödöötäcä yeichöje Wanaadi wwä awa’deuwancädäiñe Epíiditu Santo ni’wa’tädö que; chäwwä adha’deutäcä ämjummadööcomo e’ca’ancädä. Odhoowadäädäiñe eichäcä mädä jäcä, aweejäduuque’ancädäiñe’da, tameedä Wanaadi sotoi jäcäiñe Wanaadi wwä awa’deuwancädäiñe.

JIDIIPENSE 1:3

Äjääcäiñe tö’tadö waadäi Wanaadi wwä aashicha töwa’deuwe wäänene.

JIDIIPENSE 1:4

Chäwwä wa’deuwödö waadäi ya’cwaniiyö que äjääcäiñe töwa’deuwe wäänene,

JIDIIPENSE 2:22

Aashicha Tiimoteo weichö mmaane odhoowanääcäiñe na änwanno, mude’cä’cä tumö jadoono wetaadawa’cajoodö nönge jaadä yeetadaawa’cajo’jödö aashichaato wätunnä ecammajäätödö jäcä.

JIDIIPENSE 3:3

Cönwannoone ñanno siicunsidaadoje tödööajä chäänönga’como, Epíiditu Santo ai Wanaadi jummannamo mmaja. Cönwanno ta’cwaiñe caato Jesuuquidiito jäcäinchädä; cujuunucoomo weichö mmaane ecaanö’jai’cha caato.

1 TEESADOONISENSE 1:2

Aashicha Wanaadi wwä töwa’deuwe ñaa weneene äjääcäinchädäiñe; chäwwä töwa’deuwödö waadäi adhe’tätäiñe ñaa weneene.

1 TEESADOONISENSE 3:10

Wanaadi wwä töwa’deuwe ñaa weneene ano, coijai’jödöödä, cöwääneto’como jäcä. Adheene’seiñe ñaa na, jooje’cä aneecamjödööcomo ejannä’cajoodö wetä.

1 TEESADOONISENSE 5:17

Wanaadi wwä yeichöje adha’deutäcä.

1 TIIMOTEO 2:7

Yää ecammajä’neije tödööajääje wa öwö, anontaajäje mmaja, judhíojöncomo owaanomaadöcoomo wetä chäänöngato ecamjödö jäcä. Chäänöngato mädä Quidiito owaadäädä wecammaadö, weeshi’jodööjönö.

2 TIIMOTEO 1:3

Äjääcä Wanaadi wwä wa’deuwödö waadäi aashicha töwa’deuwe wäänene Wanaadi wwä, ano, coijai mmaja, ñäädä aashicha tö’tajäätödö yeiyancädä dhanoonöje waadö, yaadai’chomo cönä’ja’todööje mmaja.

JIIDEMÓN 1:4

Wanaadi wwä wa’deuwödö waadäi aashicha chäwwä töwa’deuwe wäänene äjääcäinchädä,